Page:Bali-lontar-gaguritan-semaun-300ppi.pdf/5

From Wikisource
Jump to navigation Jump to search
This page has been proofread.

[᭔ 4B]

ᬫ᭄ᬧᬸᬄᬦᬸᬃᬩ᭄ᬯᬢ᭄᭞ᬳᬶᬫᬸᬢᬶᬢ᭄ᬬᬲ᭄ᬦᬶᬳᭂᬫ᭄ᬩᬦ᭄ᬓᬱᬾᬗᬶᬧᬸᬦ᭄᭞ᬩᬃᬤ᭄ᬬᬦᬫᬭᬦᬶᬬ᭞ᬧ᭄ᬭᬧ᭄ᬢᬫᬚᭂᬂᬳᬢᬸᬃᬪᭂᬓ᭄ᬢᬶ᭟ᬲᬂᬭᬢᬸᬳᬭᬶᬲᬗᬦ᭄ᬤᬶᬓ᭞ᬳᬾᬄᬩ᭄ᬭᬤᬶᬳᬦ᭄‌ᬤᬾᬦ᭄ᬧᬋᬓᬶᬗᬃᬱᬫᬫᬶ᭞ᬩ᭄ᬭᬤᬶᬳᬦ᭄ᬫᬋᬓᬃᬱᬲᬗᬬᬸ᭞ᬧᬋ
ᬓ᭄ᬱᬂᬤ᭄ᬬᬄᬗᬦ᭄ᬤᬶᬓ᭞ᬳᬾᬄᬩ᭄ᬭᬤᬶᬳᬦ᭄‌ᬮᬸᬫᬓᬸᬳᬶᬗ᭄ᬲᬸᬦᬸᬢᬸᬲ᭄᭞ᬫ᭄ᬭᬶᬦᬵᬕᬭᬦᬶᬗᬭᬩ᭄᭞ᬳᬸᬫᬋᬓ᭄ᬫᬭᬳᬶᬚᭃᬂᬦᬤᬶ᭟ᬓᬂᬫᬸᬮ᭄ᬬᬫᬸᬧ᭄ᬝᬶᬓᬦᬶᬗᬭᬩ᭄᭞ᬓᬓᬲᬶᬳᬾᬲᬸᬓ᭄ᬱ᭄ᬫᬮᬶᬦᭂᬯᬶᬄ᭞ᬲᬧᬦᬶᬓᬸᬭᬢᬸᬦᬾᬧᬸ
ᬦ᭄᭞ᬲᬕᬸᬗᬾᬳᬸᬫᬢᬶᬢ᭄ᬬᬂ᭞ᬤᬸᬦ᭄ᬬᬳᬳᬾᬭᬵᬢ᭄‌ᬭᬢᬸᬲᬕᬸᬗᬾᬫᬳ᭄ᬮᬸᬓ᭄᭞ᬧᬦᬹᬢᬦ᭄ᬲᬕᬸᬗᬶᬂᬢᬸᬫᬶᬢᬄ᭞ᬧᬦᬸᬢᬸᬩᬶᬧᬭᬦᬤᬶ᭟ᬲᬂᬫᬗ᭄ᬓᬸᬲᬋᬳᬢ᭄ᬫᬹᬮ᭄ᬬ᭞ᬲᬧᬳᬦᬹᬢ᭄‌ᬲᬭᬾᬳᬩᬾᬜ᭄ᬚᬶ᭞ᬧᬲ᭄ᬢᬶᬫᬸᬗ᭄ᬕᬄᬲ᭄ᬯᬃᬕ᭄ᬕ
ᬳᬕᬸᬂ᭞ᬓᬦ᭄ᬢᭂᬦᬦᬹᬢᬶᬲᬭᬾᬳᬢ᭄ᬦ᭄ᬬ᭞ᬧᬦ᭄ᬧᬶᬦᬲ᭄ᬢᬶᬳᬦᬾᬂᬦᬭᬓᬩᬾᬲᬸᬓ᭄᭞ᬳᬢᬸᬧᬹᬦᬲᬸᬭᬵᬢᬶᬗ᭄ᬯᬂ᭞ᬦᬗ᭄ᬳᬶᬂᬧᭀᬫᬳᬶᬥᭂᬧ᭄ᬯᬯᬓᬲ᭄ᬫᬫᬶ᭟ᬳᬚᬳᬦᬯᭀᬗᬸᬦᬶᬗ᭄ᬳ᭞ᬧᭀᬫᬳᬶᬮᬶᬂᬧᭀᬮᬄᬳᬚᬳᬤᭂᬫᬶᬢ᭄᭞
[᭕ 5A]
ᬫᬭᬳᬶᬚᭂᬂᬭᬵᬫᬳᬶᬩᬸ᭞ᬳᬚᬯᬶᬓᬦ᭄ᬯᭀᬂᬮ᭄ᬬᬦ᭄᭞ᬳᬸᬢᬯᬶᬦᬾᬲᬓᬢᬮ᭄ᬩᬮᬦᬶᬧᬸᬦ᭄᭞ᬩ᭄ᬭᬤᬶᬳᬢᬸᬃᬲᬦ᭄ᬤᬶᬓ᭞ᬦᭂᬫ᭄ᬩᬄᬮᬾᬲᬾᬃᬳᬦᬸᬮ᭄ᬬᬳᬫᬶᬢ᭄᭟ᬮᬫ᭄ᬧᬳᬶᬭᬘᬭᬤᬸᬱ᭄ᬝ᭞ᬳᬦ᭄ᬧᬓᬦ᭄ᬢᬶᬢᬦᬦᬚᭂᬍᬫᬳᬸᬦᬶᬂ᭞ᬲᬓ
ᬮᬗ᭄ᬓᬸᬂᬤᭂᬢᬶᬧᬸᬦ᭄᭞ᬢᬦ᭄ᬯᬶᬦᬃᬡ᭄ᬦᬳᬶᬂᬫᬃᬕ᭄ᬕ᭞ᬳᬶᬫᬤᬶᬦᬄᬲᬫᬦᬧᬦ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬩᬃᬤᬶᬬᬦᬾᬫᭂᬂᬗᬶᬂᬦᬮ᭞ᬧᬭᬤ᭄ᬫᬃᬕ᭄ᬕᬦᬾᬫᬫᬶ᭟ᬳᬸᬫᬋᬓ᭄ᬚᭂᬂᬭᬲᬸᬮ᭄ᬮᬸᬮᬄ᭞ᬤᬾᬦᬾᬢᬦ᭄ᬯ᭄ᬭᬸᬄᬩᬲᬦᬶᬭᬚᬮ᭄ᬫᬶ᭞ᬳᬶᬲᬗ᭄ᬳᬭᬩᬲᬦᬶᬧᬸᬦ᭄᭞
ᬩᬲᬦᬶᬗ᭄ᬲᬸᬦ᭄ᬧ᭄ᬭᬲᬫᬮ᭄ᬬᬦ᭄᭞ᬳᬶᬫᬤᬶᬦᬄᬩᬲᬳᬭᬩ᭄ᬢᭂᬫ᭄ᬩᬸᬗᬶᬧᬸᬦ᭄᭞ᬦᬸᬮᬶᬫᬍᬩᭂᬢ᭄ᬗᬃᬤᬶᬳᬦ᭄᭞ᬲᬧ᭄ᬭᬧ᭄ᬢᬦᬶᬗᬃᬱᬦᬪᬶ᭟ᬩ᭄ᬭᬤᬶᬳᬦ᭄ᬲᬸᬫᬸᬗ᭄ᬓᭂᬫᬓᬶᬲ᭄ᬫ᭟ᬓᬂᬚᭃᬂᬦᬪᬶᬳᬮᭀᬦ᭄ᬗᬦ᭄ᬤᬶᬓᬳᬭᬶᬲ᭄᭞ᬧᬓᬢᭀᬦᬦ᭄ᬦᬪᬶᬳᬰ᭄ᬭᬸᬄ
᭞ᬳᬾᬄᬯ᭄ᬯᭀᬗᭂᬦ᭄ᬤᬶᬢᬶᬓᬸᬩᬬ᭞ᬧᬭᬦ᭄ᬓᬵᬃᬬ᭄ᬬᬦᬶᬭᬧ᭄ᬭᬧ᭄ᬢᬫᬭᬶᬗ᭄ᬲᬸᬦ᭄᭞ᬩᬃᬤᬶᬳᬦ᭄ᬓᬕ᭄ᬬᬢᬫ᭄ᬬᬃᬱ᭞ᬤᬾᬦᬾᬢᬦᬸᬭᬸᬄᬩᬲᬶᬓᬶ᭟ᬩᬃᬤᬶᬳᬦ᭄ᬫᬢᬸᬃᬯᭀᬢ᭄ᬲᭂᬫ᭄ᬩᬄ᭞ᬫᬲᬧᬶᬃᬫ᭄ᬭᬶᬧᬸᬓᬸᬮᬸᬜ᭄ᬚᭂᬂᬦᬪᬶ᭞ᬇᬓᬂᬲᬢᬸᬳᬸᬧᬦᬸᬢᬸᬧ᭄᭞ᬲᬕᬸ