[᭑᭔ 14B]
᭑᭔
ᬲ᭄ᬦᬫᬸᬦ᭄ᬲᬯ᭄ᬮᬶᬓ᭄᭞ᬮᬶᬃᬭᬢᬶᬄᬓᬶᬂᬲ᭄ᬯᬃᬕ᭄ᬕ᭞ᬳᬗᬦ᭄ᬤᬶᬓᬳᬭᬹᬫ᭄᭞ᬩ᭄ᬬᬂᬫᬗ᭄ᬓᬾᬗᭀᬳᬸᬦ᭄ᬤᬳᬃ᭞ᬫᭂᬦᭂᬓᬸᬮᬦ᭄᭞ᬓ᭄ᬮᬦᬚᬗᬦ᭄ᬫᬶᬦᬶᬃ᭞ᬓᭂᬫᬗᬶᬂᬳᬸᬯᭀᬃᬢᬶᬳᬦ᭟ᬉ᭟ᬤᬶᬫᬾᬦ᭄ᬲ᭄ᬤᭂᬧ᭄ᬲᬃᬣᬍᬩᬸᬯᬗᬶ᭞ᬫ᭄ᬦᬶᬃᬚᬕᬸᬂ᭞
ᬳᬶᬬᬳᬸᬯᭀᬭᬦ᭞ᬩᬦ᭄ᬲᭂᬢᬸᬮ᭄ᬭᬂᬦᬸᬮ᭄ᬬᬳᬕᬾ᭞ᬩᬩ᭄ᬭᬓ᭄ᬕᬦ᭄ᬰᬷᬥ᭄ᬭᬫ᭄ᬢᬸ᭞ᬭᬫᬦ᭄ᬤᬦᬓᬾᬄᬓᬸᬧᬢ᭄ᬓᬧᬶᬧ᭄᭞ᬫᬦᬩᬾᬂᬧᬯᭀᬦ᭄ᬬᬦ᭄ᬤᬓ᭄᭞ᬓ᭄ᬯᬮᬶᬦᬾᬩᬸᬧᬸᬄ᭞ᬓᬮᬶᬭᬸᬢᬜ᭄ᬓᭂᬮ᭄ᬯᬤᬄ᭞ᬓᬕᬾᬫ᭄ᬩᬸᬮᬦ᭄᭞ᬚᬗᬦᬶ
ᬭᬓᬸᬫᬶᬢᬶᬃ᭞ᬫᬗᭀᬘᭀᬢ᭄ᬚᬭᬶᬚᬶᬦ᭄ᬬ᭟ᬦᬶᬫ᭄ᬩᭀᬓ᭄ᬱᭂᬦ᭄ᬢᬸᬮ᭄ᬧ᭄ᬭᬶᬦᬲᬧ᭄ᬭᬶᬗᬶᬲ᭄᭞ᬓᬜ᭄ᬘᬦᬶᬭ᭞ᬓᬕᬾᬭᬂᬓᬾᬯᬮ᭞ᬦᭀᬭᬦᬦᬳᬶᬓᬂᬤᬳ᭄ᬯᬾᬦ᭄᭞ᬩᭀᬢ᭄ᬲᭂᬦ᭄ᬢᬸᬮ᭄ᬫᬶᬗᬓ᭄ᬫᬶᬗᬸᬓ᭄᭞ᬓᬜ᭄ᬘᬦᬶᬭᬗᬩ᭄ᬮᭀᬕᬶ᭞ᬩ᭄ᬬᬂ
ᬚ᭄ᬕᭀᬢ᭄ᬲᬸᬄᬓᬮ᭄ᬕ᭄ᬬᬢ᭄᭞ᬫ᭄ᬩ᭄ᬭᬸᬓ᭄ᬓᬯᬮᬶᬋᬫᬸᬓ᭄᭞ᬇᬓᬂᬚᬗᬦ᭄ᬫᬶᬦᬶᬃᬯᬸᬢᬄ᭞ᬧᬭᬘᬾᬢᬶ᭞ᬳᬶᬗᬗ᭄ᬩ᭄ᬯᬮ᭄ᬲᬫᬶᬫᬶᬚᬶᬮ᭄᭞ᬭᬫ᭄ᬩᬦ᭄ᬫᬭᬶᬂᬳᬶᬓ᭄ᬩᭀᬦᬦ᭄᭟ᬓᬂᬲᬯᭂᬦᬾᬄᬳᬦᬚᬗᬦ᭄ᬫᬶᬦᬶᬃ᭞ᬜᬫ᭄ᬩᭂᬮ᭄ᬕᭀᬕᭀᬂ᭞ᬓᬵᬃᬬ᭄ᬬ
[᭑᭕ 15A]
ᬳᬩᭀᬦ᭄ᬲᬶᬦ᭄ᬤᬂ᭞ᬩ᭄ᬭᬸᬧᬸᬓᬕᬯᬾᬳᬦ᭄ᬤᭀᬦ᭄᭞ᬗ᭄ᬧᬾᬲᬦᬫ᭄ᬩᭂᬮ᭄ᬢᬶᬭᬸᬓ᭄᭞ᬯᭂᬦᬾᬄᬗ᭄ᬮᬶᬯᭂᬢ᭄ᬓᬂᬲ᭄ᬕᬸᬕᬸᬭᬶᬄ᭞ᬤᬶᬧᬸᬦ᭄ᬧᭂᬦ᭄ᬤᭂᬫᬶᬳᬬᬫ᭄᭞ᬩ᭄ᬭᬫ᭄ᬩᬗᬶᬭᬯᬸᬢᬸᬄ᭞ᬕᭂᬢᬕᭂᬢᬶᬦᬸᬫ᭄ᬧ᭄ᬮᬶᬓ᭄ᬧᬜ᭄ᬚᬂ᭞ᬳᬦᬾᬧᬓ᭄ᬢ᭞ᬮ᭄ᬗᬦᬾᬓᬸᬫ᭄ᬭᬶᬜᬶᬲ᭄ᬫᬶ
ᬮᬶ᭞ᬫᬶᬦ᭄ᬤᬄᬲ᭄ᬕᬸᬭᬶᬳᬶᬃ᭟ᬯᬸᬲ᭄ᬫᬤᬳᬃᬓᬸᬲᬸᬫᬦᬶᬂᬧᬸᬭᬷ᭞ᬕ᭄ᬬᬮᬶᬦᭀᬭᭀ᭞ᬢᭂᬫᬶᬧᬭᬧᬯᭀᬗ᭄ᬯᬦ᭄᭞ᬳᬶᬦ᭄ᬬᬳᭂᬫ᭄ᬩᬦ᭄ᬮᬜ᭄ᬘᬾᬢᬶᬦᬾ᭞ᬭᬫᬾᬤᭀᬕᬳᬓᭂᬫ᭄ᬩᬸᬮ᭄᭞ᬓᬸᬦᭂᬂᬲᬗ᭄ᬓᬾᬓᬸᬲᬸᬫᬾᬂᬧᬸᬭᬷ᭞ᬕᭂᬦ᭄ᬢᬓᬂᬓᬯᬃᬡ᭄ᬦᬳ᭞ᬲᬳ
ᬩᬢ᭄ᬚᭃᬂᬭᬲᬸᬮ᭄᭞ᬫ᭄ᬤᬮ᭄ᬲᬓᬶᬗᬶᬫᬤᬶᬦᬄ᭞ᬯᬲ᭄ᬢᬲᬃᬫᬸ᭞ᬓᬚᭃᬂᬲᬭᬾᬯᬂᬦᬾᬓᬶ᭞ᬮᬮᬓᭀᬦ᭄ᬢᬶᬕᬂᬤᬶᬦ᭟ᬳᬶᬗ᭄ᬕᬶᬳᬭᬩ᭄ᬓᬗᬶᬗᬸᬢᬸᬲ᭄ᬗᬸᬦᬶ᭞ᬩᭂᬩᬮ᭄ᬲᬶᬭᬢ᭄᭞ᬢᬶᬦᬵᬕ᭄ᬭᬷᬲᬗ᭄ᬳᬭ᭞ᬓᬕᬕᬲ᭄ᬲᬗᭂᬢ᭄ᬯᬶᬭᬗᬾ᭞ᬦᬫ᭄ᬧᬦᬶᬤ
ᬳᬸᬳᬶᬧᬸᬦ᭄᭞ᬲᬶᬢᬶᬧᬢᬶᬫᬄᬫᬗ᭄ᬓᬶᬦ᭄᭞ᬲᬬᬦ᭄ᬕᬕᬲ᭄ᬕᬕᬲ᭄᭞ᬲᬤ᭄ᬬᬄᬲᬗᭂᬢᬺᬗᬸ᭞ᬤᬸᬫᬢᭂᬂᬧ᭄ᬭᬲᬳᬩᬢ᭄᭞ᬧᬜ᭄ᬘᬶᬦᬫ᭄ᬧᬄ᭞ᬮᬃᬳᬦ᭄ᬧᬩᬸᬤᬶ᭞ᬫᬶᬮᬦᬾᬲᬫᬲᬳᬩᬢ᭄ᬫᭂᬤᬮ᭄᭟ᬫᬭᬶᬯᭀᬦᬮᬓᭀᬦ᭄ᬢᬶᬕᬗᬭᬶ
Page:Bali-lontar-gaguritan-semaun-300ppi.pdf/15
Jump to navigation
Jump to search
This page has been proofread.
