[᭔᭑41B]
᭔᭑
ᬕᬸᬂᬗᬸᬭᬄᬓᬶᬗᬶᬦ᭄᭞ᬩᬳᬸᬫᬗ᭄ᬓᬶᬦ᭄ᬫᬫᬶᬦᭂᬳᬂ᭞ᬳᭀᬢ᭄ᬢᬦᬾᬩᬦ᭄ᬳᬓᬾᬄᬫᬶᬚᬶᬮ᭄᭞ᬯᬦ᭄ᬢᬄᬧᬦᬶᬢᬄᬯᬶᬥᬶᬓᬭᬢᭀᬦᬾᬧᬘᬂᬲᬸᬭᬸᬤ᭄᭞ᬭᬶᬗ᭄ᬕᬶᬢᬾᬳᬮᬦ᭄ᬫᭂᬤᬮ᭄᭞ᬧᬦᭂᬕᭂᬧ᭄ᬳᭀᬗ᭄ᬓᭀᬲᬾᬓᬶᬗᬶᬦ᭄᭞ᬫᬓᬸᬍᬳ᭠
ᬦ᭄ᬬᬦ᭄ᬳᬓᬸᬤᬂᬤᬶᬦᬕᬬᬂ᭟ᬩᬩᬯᭀᬲᬾᬓᬭᬶᬫᬸᬕᬮ᭄᭞ᬅᬦᬓ᭄ᬤᬦᬾᬲᬓᬶᬂᬩᬮᬶ᭞ᬲᬫ᭄ᬧᬸ᭠ᬦ᭄ᬲᭂᬭᬶᬂᬫᬫᬸᬗᬸᬯᬂ᭞ᬭᬶᬂᬅᬦᬓᬾᬅᬕᬸᬂᬮᬶᬗ᭄ᬲᬶᬃ᭞ᬢᬍᬃᬘᬋᬗ᭄ᬓᬶᬂᬫᬢᭂᬧᬶᬤ᭄᭞ᬓᬸᬤᬳᬤᬭᬶᬗ᭄ᬕᬶᬢ᭄ᬧᭂᬲᬸ᭞ᬲᭀ
ᬓ᭄ᬤᬤᬜᬫᬕᭀᬩ᭞ᬳᬸᬢᬸᬲᬦᬾᬯᬭᬯᬶᬭᬶ᭞ᬬᬾᬦ᭄ᬳᬓᬸᬤᬭᬾᬓᬾᬦᬜᬓᬭᬶᬓᬶᬭᬂ᭞ᬳᭀᬗ᭄ᬓᭀᬲᬾᬩᬾᬤᬸᬭᬸᬂᬫᭂᬤᬮ᭄᭞ᬫᬗ᭄ᬓᬶᬦ᭄ᬓᭀᬘᬧ᭄ᬲᭂᬤᭂᬓ᭄ᬯᭂᬗᬶ᭞ᬢᬸᬳᬦ᭄ᬋᬱᬶᬤᬾᬦ᭄ᬫᬶᬋᬂᬳᬩᬃ᭞ᬧᬘᬂᬓᬳᬫᬹᬓ᭄ᬦᬾᬫ᭠
ᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬯᬢᭂᬓ᭄ᬩᬩᭂᬘᬶᬓ᭄᭞ᬭᬶᬂᬦᬕᬭᬤᭀᬦᬶᬂᬮᬚᬸ᭞ᬳᬶᬢᬸᬯᬦ᭄ᬫᬧᬸᬢᬸᬲᬦ᭄᭞ᬫᬗᬶᬦᬶᬗᬭᬵᬚᬩᬮᬶ᭞ᬅᬦᬓ᭄ᬅᬕᬸᬂᬫᬲᬳᬸᬃᬢᬦ᭄ᬯᬾᬦ᭄ᬢᭂᬦ᭄ᬧᬶᬲᬦ᭄᭟ᬫᬗ᭄ᬤᬲᬫ᭄ᬧᬸᬦ᭄ᬰ᭄ᬭᬶᬧᬤᬸᬓ᭞ᬢᬸᬯᬦ᭄ᬋᬱᬶᬤᬾᬦ᭄ᬫᬗ᭄ᬕᬕᬦᬶ
[᭔᭒42A]
ᬦ᭄᭞ᬰ᭄ᬯᬭᬦ᭄ᬚᬦ᭄ᬫᬓᬧᬸᬜᬳᬦ᭄᭞ᬗ᭄ᬕᬳᬾᬩᬶᬬᬸᬃᬤᬶᬦᬕᬭᬶ᭞ᬲᭀᬭᭀᬄᬦᬾᬤᬸᬗ᭄ᬓᬮ᭄ᬤᬗ᭄ᬓᬶᬮ᭄᭞ᬢᬸᬳᬭᬤᬫᬗᬶᬢᬸᬂᬓᬾᬯᬸᬄ᭞ᬳᬧᬂᬲᬶᬤᬫᬩᬳᬦ᭄᭞ᬫᬜ᭄ᬚᬮᬦᬂᬳᬫ᭄ᬩᭂᬓ᭄ᬤᭂᬓᬶᬮ᭄᭞ᬫᬜᬭᬸᬦ᭄ᬤᬸᬧ᭄ᬜᬶᬗ᭄ᬲᬾᬜᬸᬯᬂ
ᬩᬭᬂᬩᬭᬂ᭟ᬚᬢᬶᬢᬸᬳᬭᬳᬤᬳᬧ᭞ᬤᬸᬓ᭄ᬧᭂᬢᭂᬗᬾᬦᬶᬓᬗ᭄ᬕᬶᬮᬶᬲ᭄᭞ᬦᬾᬩᬾᬜ᭄ᬚᬂᬫᬮᬶᬄᬘᬭᬶᬢ᭞ᬳᬶᬢᬸᬯᬦ᭄ᬗᬸᬢᬸᬲᬂᬫᬮᬶᬄ᭞ᬫ᭄ᬩᬯᭀᬲᬂᬫᬗ᭄ᬤᬓᭂᬦᬶ᭞ᬧᬦᭂᬕᭂᬧ᭄ᬳᭀᬗ᭄ᬓᭀᬲᬾᬓᬢᬹᬃ᭞ᬅᬦᬓ᭄ᬅᬕᬸᬂᬗᬸᬭᬄᬳᬶᬤ᭞ᬲᬳᬸᬃ
ᬓᬭᬶᬗᬯᬶᬮᬗᬶᬦ᭄᭞ᬢᬸᬳᬦ᭄ᬋᬱᬶᬤᬾᬦ᭄ᬫᭂᬗ᭄ᬕᬳᬾᬓᬭᬶᬓᬢᬳᬦ᭄᭟ᬳᬸᬮᬢ᭄ᬓᬤᬶᬓᬧᭂᬕᭀ᭠ᬓᬂ᭞ᬓᬩᬯᭀᬲ᭄ᬦᬓ᭄ᬅᬕᬸᬂᬮᬶᬗ᭄ᬲᬶᬃ᭞ᬢᬸᬳᬭᬢᬶᬦ᭄ᬤᬶᬄᬭᬶᬂᬧᬗ᭄ᬭᬯᭀᬲ᭄᭞ᬭᬾᬄᬳᬶᬢᬸᬯᬦ᭄ᬗᬬᬢ᭄ᬕᭂᬮᬶᬲ᭄᭞
ᬩᬸᬤᬮᬾᬲᬓᬶᬂᬭᬤᬶᬦ᭄᭞ᬢᬜ᭄ᬘᬭᬶᬢᬫᬗ᭄ᬓᬶᬦ᭄ᬜᬮᬸᬓ᭄᭞ᬯᬶᬗᬶᬦᬾᬩᬸᬤᬲ᭄ᬍᬫᬄ᭞ᬯ᭄ᬯᭀᬂᬩᬮᬶᬢᭂᬓᬫ᭄ᬩᭂᬤᬶᬮᬶᬦ᭄᭞ᬲᬹᬭᬤᬥᬹᬦᬾᬫᬫᭀᬦ᭄ᬤᭀᬓ᭄ᬤᬗᬶᬦ᭄ᬧᬲᬃ᭟ᬤᭂᬮᭀᬤ᭄ᬧᬸᬭᬶᬓᭀᬢᬘᬓᬺ᭞ᬚᬩᬦ᭄ᬫᬾᬭᬸᬅᬕᬸᬂ᭠
Page:Bali-lontar-gaguritan-rusak-sasak-01-300ppi.pdf/42
Jump to navigation
Jump to search
This page has been proofread.
