Page:Bali-lontar-gaguritan-rusak-sasak-01-300ppi.pdf/31

From Wikisource
Jump to navigation Jump to search
This page has been proofread.

[᭓᭐30B]
᭓᭐
ᬭᬶᬂᬲᬸᬓᬭᬭᬤᬾᬰ᭞ᬚᬦ᭄ᬫᬦ᭄ᬳᬶᬧᬸᬦ᭄‌ᬮᬶᬦ᭄ᬢᬂᬪᬓ᭄ᬢᬶ᭞ᬫᬗ᭄ᬓᬶᬦ᭄ᬳᬸᬘᬧᬂ᭞ᬅᬦᬓ᭄ᬤᬲᬓᬶᬂᬩᬮᬶ᭟ᬧᬦᬓ᭄ᬭᬯᬸᬄ᭠ᬫᬶᬓᬸᬓᬸᬳᬶᬦ᭄‌ᬲᬸᬓᬭᬭ᭞ᬲᬓᬶᬂᬳᬶᬭᬶᬓᬯᬶᬳᬓ᭄ᬢᬶ᭞ᬭᬯᬸᬄᬫᬢᬗ᭄ᬓᬶᬮᬦ᭄᭞ᬓᬩᬢᬸᬚᬳᬶᬤᬾᬰ᭞ᬅᬦᬓ᭄ᬅᬕᬸᬂ᭠
ᬗᬸᬭᬄᬭᬭᬶᬲ᭄᭞ᬩᬾᬩᬲ᭄ᬳᬧᬶᬲᬦ᭄᭞ᬫᬶᬘ᭄ᬙᬬᬂᬭᬯᭀᬲᬫᬶ᭟ᬭᬶᬂᬅᬦᬓ᭄ᬤᬲᬦᬾᬲᬓᬶᬂᬩᬮᬶᬭᬵᬚᬶᬬ᭞ᬧᬸᬧᬸᬢ᭄‌ᬭᬯᭀᬲᬾᬭᬤᬶᬦ᭄᭞ᬫᬗ᭄ᬓᬶᬦ᭄ᬫᬮᬶᬄᬳᬸᬘᬧ᭄᭞ᬤᬾᬰᬧᬸᬚᬸᬢ᭄ᬫᬗ᭄ᬭᬱ᭞ᬪᬲᬓᬤᬸᬳᬸᬂᬜᬋᬗᬶᬦ᭄᭞ᬳᬶᬩᬗ᭄ᬓᭀ
ᬮ᭄‌ᬧ᭄ᬭᬬ᭞ᬭᬭᬶᬲᬲᭂᬧᬾᬦ᭄ᬕᭂᬮᬶᬲ᭄᭟ᬓᭂᬧᬮᬜᬧᭂᬥᭂᬓ᭄ᬭᬶᬂᬧᬮᬶᬗ᭄ᬕᬶᬄᬳᬶᬤ᭞ᬅᬦᬓᬾᬅᬕᬸᬂᬮᬶᬗ᭄ᬲᬶᬃ᭞ᬦᬸᬦᬲ᭄ᬕᭂᬂᬳᬫ᭄ᬧᬸᬭ᭞ᬧᬶᬂᬓᬮᬶᬄᬫᬦ᭄ᬤᬯᭂᬕᬂ᭞ᬫᬗ᭄ᬤᬯᬾᬦ᭄ᬢᭂᬦ᭄ᬗᬮᬶᬗ᭄ᬕᬦᬶᬦ᭄᭞ᬭᬶᬂᬧᬸᬚᬸᬢ᭄ᬤᬾᬰ᭞ᬧᬸᬧᬸᬢ᭄ᬩᬩᬯᭀᬲᬾᬩᭂᬘᬶ᭠
ᬓ᭄᭟ᬅᬦᬓ᭄ᬅᬕᬸᬂᬓᭂᬢᬸᬢ᭄‌ᬓᬭᬗ᭄ᬳᬲᭂᬫ᭄‌ᬳᬶᬤ᭞ᬳᬶᬭᬶᬓᬫᬶᬓᬸᬓᬸᬳᬶᬦ᭄᭞ᬲᬲᬜ᭄ᬚᬢᬩᬾᬩᬲ᭄᭞ᬳᬶᬧᬸᬚᬸᬢ᭄ᬓᬕᬫᭂᬮᬂ᭞ᬬᬦ᭄ᬳᬓᬸᬤᬂᬤᬶᬦᬕᭂᬮᬶᬲ᭄᭞ᬳᬶᬭᬶᬓᬳᬶᬤ᭞ᬉᬭᬸᬚᬸᬅᬫ᭄ᬮᬧᬸᬭᬶ᭟ᬫᬗᬯᭀᬦᬂᬤᬾᬰᬫ᭠
[᭓᭑31A]
ᬭᭀᬂᬳᬦᬮᬶᬓᬦ᭄᭞ᬫᬗ᭄ᬓᬶᬦ᭄ᬳᬸᬘᬧᬂᬫᬮᬶᬄ᭞ᬅᬦᬓ᭄ᬅᬕᬸᬂᬗᬸᬭᬄ᭞ᬧᬸᬧᬸᬢ᭄ᬩᬩᬯᭀᬲᬾᬳᬶᬤ᭞ᬭᬶᬂᬅᬦᬓ᭄ᬤᬲᬓᬶᬂᬩᬮᬶ᭞ᬜᬳᬢᬂᬗ᭄ᬭᬶᬲ᭄ᬢ᭞ᬳᬶᬧ᭄ᬭᬬᬲᬢ᭄ᬭᬸᬫᬯᬶᬢ᭄᭟ᬩᬳᬓᬗᬶᬦ᭄‌ᬓᬸᬓᬸᬮ᭄ᬢᬫ᭄ᬩᬸᬭᬾᬫᬢᬶᬫ᭄ᬩᬮ᭄᭞
ᬭᬶᬂᬩᬢᬸᬚᬳᬶᬓᬮᬶᬄᬲᬸᬓᬭᬭᬤᬾᬰ᭞ᬧᬫᬢᬶᬂᬲᬫᬶᬩᬸᬗᬄ᭞ᬦᬾᬤᬶᬲᬸᬓᬭᬭᬩᭂᬘᬶᬓ᭄᭞ᬲᭀᬮᬄᬫᬗᬫ᭄ᬩᬶᬳᬃ᭞ᬫᬳᬶᬭᬶᬩ᭄‌ᬕᬸᬦᬸᬂᬲᬭᬶ᭟ᬲᬶᬓᭂᬧ᭄‌ᬢᬸᬫ᭄ᬩᬓ᭄‌ᬫᬲᭀᬭᭀᬄᬲᭀᬭᭀᬳᬦ᭄‌ᬗ᭄ᬭᬜᬄ᭞ᬳᬤᬫᬳᭀ᭠
ᬜ᭄ᬘᬾᬃᬧᬸᬢᬶᬄ᭞ᬳᬤᬫᭀᬜ᭄ᬘᬾᬂᬩᬭᬓ᭄᭞ᬳᬤᬫᬳᭀᬜ᭄ᬘᬾᬂᬓᭂᬦᬃ᭞ᬲᬜ᭄ᬚᬢᬤᬍᬫᬓᬤᬶ᭞ᬫᬸᬭᬸᬩ᭄ᬫᬧ᭄ᬭᬥ᭞ᬕᬭᬶᬢ᭄ᬫᬘᬦ᭄‌ᬭᬲ᭄ᬧᬢᬶ᭟ᬫᬸᬲᬸᬲ᭄‌ᬫᬲ᭄ᬫᬓᬮᬸᬂᬫᬳᭀᬜ᭄ᬘᬾᬃᬗ᭄ᬭᬜᬄ᭞ᬳᬶᬓᬸᬄᬫᭂᬭᬓᬾᬧᬓ᭄ᬭᬶᬦᬶᬂ
ᬲᭀᬭᭀᬄᬤᬾᬓᬳᬸᬘᬧ᭄᭞ᬩᬩᬭᬸᬓᬫᬸᬮᬾᬬᬂ᭞ᬓᬲᬸᬩ᭄ᬕᬸᬡᬵᬧᬗᬦ᭄ᬫᬦ᭄ᬤᬶ᭞ᬦᬾᬫᬜᬶᬓᭂ᭠ᬧᬂ᭞ᬲᭀᬭᭀᬳᬦ᭄ᬢᭂᬕᬸᬄᬓᬮᬶᬲ᭄᭞ᬅᬦᬓ᭄ᬅᬕᬸᬂᬓᬮᬶᬄᬲᬫ᭄ᬧᬸᬦ᭄ᬲᬫᬶᬓᭀᬤᬮ᭄᭞ᬫᬫᬃᬕ᭄ᬕᬶᬧᬥᬕᭂᬮᬶᬲ᭄