[᭒᭙29B]
᭒᭙
ᬓᬮᬶᬄᬳᬦ᭄ᬢᬸᬓ᭄ᬳᬶᬧᬸᬦ᭄᭞ᬯᬶᬳᬓ᭄ᬢᬶ᭞ᬳᬶᬤᬾᬰᬚᭀᬗ᭄ᬕᬢ᭄᭞ᬩᬸᬦ᭄ᬧ᭄ᬭᬶᬡᬢᬸᬳᬭᬪᬓ᭄ᬢᬶ᭟ᬅᬦᬓ᭄ᬅᬕᬸᬂᬗᬸᬭᬄᬫᬗᬸᬢᬸᬲ᭄ᬳᬦᬓ᭄ᬚ᭞ᬓᭂᬢᬸᬢ᭄ᬓᬭᬗ᭄ᬳᬲᭂᬫ᭄ᬕᭂᬮᬶᬲ᭄᭞ᬫᬗ᭄ᬭᬶᬲ᭄ᬢᬳᬶᬚᭀᬗ᭄ᬕᬢ᭄᭞ᬗᬸᬦ᭄ᬧ᭄ᬭᬶᬡᬵᬓᭂᬦᬶ᭠
ᬩᬾᬩᬲ᭄᭞ᬉᬭᬸᬚᬸᬅᬫ᭄ᬮᬦᬕᬭᬶ᭞ᬲᬳᬢ᭄ᬗᭂᬭᬶᬗᬂ᭞ᬓᬮᬶᬄᬭᬳᬶᬦᬭᬭᬶᬲ᭄᭟ᬳᬶᬩᬸᬦ᭄ᬧ᭄ᬭᬶᬡᬵᬫᬶᬯᬄᬚᭀᬗ᭄ᬕᬢ᭄ᬩᬾᬩᬲ᭄ᬓᬮᬄ᭞ᬫᬗ᭄ᬓᬶᬦ᭄ᬳᬸᬘᬧᬂᬫᬮᬶᬄ᭞ᬦᬾᬤᬶᬩᬮᬶᬭᬵᬚ᭄ᬬ᭞ᬳᬶᬳᬦᬓᬮᬶᬄᬧᬯᬶᬓᬦ᭄᭞ᬲᭂᬮᬫᬾᬢᭂᬮ᭠
ᬲ᭄ᬫᬩᬮᬶᬓ᭄᭞ᬤᬶᬤᬾᬰᬢᭂᬗᬄ᭞ᬫᬳᬋᬧ᭄ᬓᬦᬕᬭᬶ᭟ᬧᬸᬧᬸᬢ᭄ᬭᬯᭀᬲ᭄ᬓᬳᬶᬭᬶᬂᬩᬦ᭄ᬪᬳᬸᬥᬡ᭄ᬥ᭞ᬫᬫ᭠ᬢᬸᬢ᭄ᬧᬶᬲᬦ᭄ᬫᬗ᭄ᬓᬶᬦ᭄᭞ᬳᬶᬤᬦᬾᬳᬮᬶᬢᬦ᭄᭞ᬯᬶᬃᬬ᭄ᬬᬚᬮᬚᬫᬗ᭄ᬓᬢ᭄᭞ᬭᬯᬸᬳᬾᬓᬲᬲᬓ᭄ᬕᭂᬮᬶᬲ᭄᭞ᬲᬳᬲ᭠
ᬜ᭄ᬚᬢ᭞ᬢᬦ᭄ᬓᬶᬭᬂᬢᬶᬕᬂᬢᬮᬶ᭟ᬲᬲᬸᬦ᭄ᬤᬸᬮᬦ᭄ᬳᬧᬂᬢᬸᬳᬭᬧᭂᬕᬢ᭄ᬧᭂᬕᬢ᭄᭞ᬲᬓᬶᬂᬕ᭄ᬮᬶᬲᬶᬂᬧᬗᬯᬶ᭞ᬦᬾ᭠ᬫᬗ᭄ᬓᬶᬦ᭄ᬳᬸᬘᬧᬂ᭞ᬯᬶᬃᬬ᭄ᬬᬚᬮᬚᬳᬶᬤ᭞ᬭᬯᬸᬳᬾᬭᬶᬂᬲᬲᬓ᭄ᬭᬤᬶᬦ᭄᭞ᬳᬓᬸᬤᬂᬤᬰ᭞ᬧᬭᬳᬸᬚᬸᬓᬸᬂᬗᬸᬜ᭄ᬚᬮᬶᬦ᭄᭟
[᭓᭐30A]
ᬩᬳᬸᬦᬧᬓ᭄ᬭᬯᬸᬳᬾᬭᬶᬂᬓᭀᬢᬘᬓᬺ᭞ᬤᬕᬶᬂᬦᬕᬭᬲᬫᬶ᭞ᬫᬓᬤᬶᬧᬵᬡ᭄ᬥᬶᬢ᭞ᬭᬯᬸᬄᬫᬦᬗ᭄ᬓᬶᬮ᭄ᬳᬶᬤ᭞ᬧᬺᬦᬫ᭄ᬬᬫᬳᬢᬹᬃᬩᭂᬘᬶᬓ᭄᭞ᬭᬢᬸᬕᭂᬂᬵᬋᬡᬵ᭞ᬳᬢᬹᬃᬢᬶᬢᬶᬬᬂᬧᬸᬦᬶᬓᬶ᭞ᬢᬶᬢᬶᬬᬂᬲᬓ᭄ᬱᬢ᭄ᬢᬺᬡᬵᬳ
ᬓᬶᬂᬓᬧᬦᬲᬦ᭄᭞ᬘᭀᬓᭀᬃᬳᬶᬤᬾᬯ᭄ᬯᬓᬤᬶ᭞ᬫᬺᬢ᭄ᬢᬲᬩᭂᬄᬓᬧᬢ᭄᭞ᬗᬸᬭᬸᬧ᭄ᬳᬶᬓᬬᬸᬭᬕᬲ᭄᭞ᬩᭀᬬᬳᬶᬯᬂᬓᬤᬶᬫᬗ᭄ᬓᬶᬦ᭄᭞ᬳᬶᬲᬢ᭄ᬭᬸᬩᬾᬩᬲ᭄᭞ᬓᬯᭀᬦ᭄ᬩᭀᬬᬗᬸᬤᬶᬮᬶ᭟ᬅᬦᬮ᭄ᬅᬕᬸᬂᬲᬯᬸᬭᬾᬤᬸᬫᬤ᭠
ᬓ᭄ᬲᬶᬤ᭞ᬯᬾᬦ᭄ᬢᭂᬦ᭄ᬲᬸᬯᬾᬘᬦ᭄ᬳ᭄ᬬᬂᬯᬶᬥᬶ᭞ᬚᭂᬚᭂᬃᬗᬫᬗ᭄ᬕᭂᬳᬂ᭞ᬮᬶᬗ᭄ᬕᬶᬄᬳᬶᬤᬳᬶᬩᬧᬵ᭞ᬚᬚᬭᬶᬂᬲᬢ᭄ᬭᬸᬯᬶᬳᬓ᭄ᬢᬶ᭞ᬳᬦ᭄ᬢᬸᬓᬕᭂᬗᬦ᭄᭞ᬓᬶᬃᬢ᭄ᬢᬶᬦᬾᬫᬗ᭄ᬮᬶᬫ᭄ᬩᬳᬶᬦ᭄᭟ᬢᬜ᭄ᬘᬭᬶᬢᬲᬲᭀᬮᬳᬾᬭᬶᬂᬦᬕᬭ᭞ᬲᬫ᭄ᬧ᭄ᬧᬸᬦ᭄ᬓᬢᬹᬃ᭠
ᬯᬶᬳᬓ᭄ᬢᬶ᭞ᬭᬶᬂᬧᬮᬶᬗ᭄ᬕᬶᬄᬳᬶᬤ᭞ᬅᬦᬓ᭄ᬅᬕᬸᬂᬗᬸᬭᬄ᭞ᬅᬦᬓ᭄ᬤᬦᬾᬲᬓᬶᬂᬩᬮᬶ᭞ᬭᬯᬸᬄᬭᬶᬂᬘᬓᬺ᭞᭠ᬮᬶᬦ᭄ᬢᬂᬳᬾᬦᬓᬾᬓᬶᬗᬶᬦ᭄᭟ᬭᬭᬶᬲ᭄ᬳᬶᬤᬫᬧᬸᬢᬸᬲᬦ᭄ᬓᬦᬕᬭ᭞ᬫᬗ᭄ᬤᬳᬦᬓ᭄ᬤᬵᬕᭂᬮᬶᬲ᭄᭞ᬭᬯᬸᬄᬫᬗ᭄ᬕᬫᭂᬮᬂ᭞
Page:Bali-lontar-gaguritan-rusak-sasak-01-300ppi.pdf/30
Jump to navigation
Jump to search
This page has been proofread.
