Page:Bali-lontar-gaguritan-rusak-sasak-01-300ppi.pdf/12

From Wikisource
Jump to navigation Jump to search
This page has been proofread.

[᭑᭑11B]
᭑᭑
ᬧᬢᭂᬄᬧᬲᬯᬸᬭᬾᬲᬫᬶ᭞ᬓᬭᬶᬫᬢᬶᬦ᭄ᬤᬶᬄᬧᬗ᭄ᬭᬯᭀᬲ᭄‌᭞ᬭᬶᬂᬲᬗ᭄ᬓᬾᬢᬦᬾᬦᬾᬭᬶᬳᬶᬦ᭄᭞ᬘᭀᬗᬄᬭᬶᬂᬚᬚᬩᬮᬶ᭞ᬦᬗ᭄ᬳᬶᬂᬢᬳᬃᬳᬸᬕᬶᬤᬸᬫᬸᬦ᭄᭞ᬫᬗ᭄ᬤᬧᭀᬮᬶᬄᬫᬸᬧᬓᬢ᭄᭞ᬫᬗᬜᬭᬶᬦ᭄‌ᬭᬯᭀᬲ᭄ᬫᬮᬶᬄ
ᬭᬶᬂᬓᬧᬮᬵᬤᬾᬰᬦᬾᬜᬦ᭄ᬤᬂᬓᬦ᭄ᬤᭂᬮᬂ᭟ᬦᬾᬫᬦᬶᬫᬢᬢᬓᭂᬭᬦ᭄᭞ᬫᬲᬶᬬᬢ᭄ᬭᬶᬂᬭᬵᬚᬩ᭠ᬮᬶ᭞ᬫᬗ᭄ᬓᬶᬦ᭄ᬲᬓᬾᬯᬮᬳᬤ᭞ᬳᬳᬸᬭᬦ᭄ᬧᬥᬫᬓᬶᬓᬶᬢ᭄᭞ᬗᬦ᭄ᬢᬶᬧᬶᬦᬶᬦ᭄‌ᬩᬗ᭄ᬓᭀᬮ᭄ᬫᬳᬶᬮ᭄᭞ᬫᬗᬸᬓᬸᬳᬂᬕᭂᬮᬃᬤᬸ
ᬫᬸᬦ᭄᭞ᬳᬧᬂᬢᬸᬳᬭᬓᬲᬶᬤᬦ᭄᭞ᬭᬵᬚᬩᬮᬶᬫᬗ᭄ᬭᬜ᭄ᬚᬶᬗᬶᬦ᭄᭞ᬤᬶᬧᬭᬧᬾᬦ᭄᭞ᬳᭂᬦ᭄ᬢᭀᬓᬭᬡᬤᬤᬶᬲᭂᬗ᭄ᬓᬵ᭟ᬲᬶᬬᬢᬾᬦᬓᬸᬮᬮᬳᬦ᭄᭞ᬧᬶᬂᬓᬸᬤᬜᬮᬢᬂᬯᬶᬳᬓ᭄ᬢᬶ᭞ᬲᭀᬭᭀᬄᬲᭂᬮᬫ᭄‌ᬫᬗᭂᬋᬕᬄ᭞
ᬢᬸᬳᬭᬳᬤᬫᬫᬶᬗ᭄ᬓ᭄ᬮᬓᬶᬦ᭄᭞ᬳᬧᬦ᭄ᬫᬢᬚᬶᬓᬮᬶᬄ᭞ᬓᬋᬧ᭄ᬳᬶᬧᬸᬦ᭄‌ᬤᬶᬦᬶᬤᬶᬢᬸ᭞ᬰᬹᬭᬳᬫ᭄ᬮᬧᬸᬭᬵᬳᬶᬤ᭞ᬫᬸᬯᬸᬄᬧᬓᬬᬸᬦᬦ᭄‌ᬭᬦ᭄ᬢᬶᬓ᭄᭞ᬫᬫ᭄ᬩᬯᭀᬲᬂᬭᬕᬦᬾᬓᬘᬫ᭄ᬧᭀᬮᬾᬳᬂ᭟ᬚᬦ᭄ᬢᭂᬦ᭄ᬧᬘᬂᬓᬩ᭠
[᭑᭒12A]
ᬦ᭄ᬢᭂᬦᬂ᭞ᬢᭀᬓᬭᬡᬵᬤᬤᬶᬲᬮᬶᬢ᭄᭞ᬧᬓᬬᬸᬦᬾᬫᬓᬩ᭄ᬭᭀᬲ᭄᭞ᬗᬶᬫᬹᬃᬳᬶᬫᬹᬃᬫᭂᬗ᭄ᬕᬄᬲᬳᬶ᭞ᬧᬫᬢᬶᬂᬳᬮᬄᬢᬶᬕ᭄ᬢᬶᬕ᭄᭞ᬩᭂᬮᬲ᭄‌ᬭᬶᬂᬧᬫᭂᬓᭂᬮ᭄ᬳᬶᬧᬸᬦ᭄᭞ᬳᬦᬓ᭄ᬲᬾᬚᬾᬗᬤᬸᬳᬂ᭞ᬲᭀᬮᬄᬓ
ᬤᬶᬓᬧᬺᬱᬶᬲᬶᬧ᭄᭞ᬤᬾᬫᬗᬥᬸᬤᬸᬭᬸᬲ᭄‌ᬭᬲᬓᬩᬦ᭄ᬢᭂᬦᬂ᭟ᬓᬧᭀᬳᬦᬓ᭄ᬲᬲᭂᬮᬶᬭᬦ᭄᭞ᬯᬢᭂᬢᬦ᭄ᬳᬚ᭄ᬭᬶᬳᬶᬂᬧᬢᬶ᭞ᬩ᭄ᬭᬳ᭄ᬫᬵᬦᬓ᭄ᬱᬢ᭄ᬭᬶᬬᬓᬢᭀᬂ᭞ᬢᬸᬲ᭄ᬦᬶᬂᬤᭂᬳᬫᬚᬧᬳᬶᬢ᭄᭞ᬳᬚᬓᬦ᭄ᬫᬮᬳᬶᬩᬶᬦ᭄᭞ᬅᬦ᭠
ᬓᬾᬅᬕᬸᬂᬓᬤᬸᬳᬸᬂ᭞ᬩᬲᬳᬸᬮᬢ᭄‌ᬜᭂᬮ᭄ᬲᭂᬮᬂ᭞ᬬᬾᬦ᭄‌ᬳᭂᬜᬾᬦ᭄ᬫᬦᬸᬦ᭄ᬤᬾᬦᬵᬫᬢᬶ᭞ᬫᬸᬮᬢᬶᬧᬸ᭞ᬫᬋᬕᬶᬄᬓᬤᬾᬦ᭄‌ᬧᬹᬭᬱ᭟ᬕᬕᬗ᭄ᬲᬭᬦ᭄ᬲᬫ᭄ᬩᬢ᭄‌ᬲᬢ᭄ᬯᬬᬂ᭞ᬧᬗᬺᬕᬳᬾᬯᬦ᭄ᬢᬶᬯᬦ᭄ᬢᬶ᭞ᬢᬸᬳᬭᬫᬫᭂᬮᬸᬢᬶ
ᬦ᭄ᬓᬾᬮᭀᬃ᭞ᬕᬮᬓᬾᬫᬩᬸᬤ᭄ᬥᬶᬫᬸᬮᬶᬄ᭞ᬩᬲ᭄ᬳᬲᬶᬂᬩᬶᬓᬲ᭄‌ᬧᭂᬮᬶᬄ᭞ᬳᬾᬗ᭄ᬕᬮᬦ᭄ᬫᬓᭂᬦᭂᬄᬗᬫ᭄ᬩᬸᬮ᭄᭞᭠ᬭᬹᬧᬲᬮᬶᬂᬧᭂᬕᭀᬓᬂ᭞ᬧᬜ᭄ᬚᬓᬾᬢᭂᬓᬾᬦᬶᬂᬕᬸᬲ᭄ᬢᬶ᭞ᬅᬦᬓ᭄ᬅᬕᬸᬂᬜᬩ᭄ᬭᬦ᭄ᬫᭂᬗ᭄ᬕᬄᬭᬶᬂᬧᬸᬗ᭄ᬕᬯ᭟ᬲᬬᬦ᭄ᬲᬯᬾ