Page:Bali-lontar-gaguritan-rusak-gianyar-03-350ppi.pdf/9

From Wikisource
Jump to navigation Jump to search
This page has been proofread.

[᭘8B]

ᬘᭀᬓᭀᬃᬤ᭄ᬥ᭞ᬇᬥᭂᬧ᭄ᬳᬯᬓᬾᬗᬶᬲᬶᬦᬶᬦ᭄᭞ᬓᬮᬶᬄᬢ᭄ᬭᬶᬜ᭞ᬇᬥᭂᬧ᭄ᬳᬯᬓᬾᬪᬓ᭄ᬢᬶ᭟ᬓ᭄ᬭᬡᬳᬤᬓᬾᬦᬾᬫᬮᬶᬓᬮᬶᬬᬦ᭄᭞ᬘᭀᬮᭀᬃᬤ᭄ᬥᬲᬮᬶᬢ᭄ᬢᬫ᭄ᬧᬶᬂ᭞ᬫᬫ᭠
ᬜ᭄ᬕᬓᬂᬳᬶᬭ᭞ᬢᬦ᭄ᬪᬓ᭄ᬢᬶᬫᬫᬋᬓᬦ᭄᭞ᬓ᭄ᬭᬡᬳᬤᬜᬸᬓᬚᬦᬶ᭞ᬘᭀᬓᭀᬃᬤ᭄ᬥᬤᬸᬓ᭞ᬧᬜ᭄ᬚᬓ᭄ᬢ᭄ᬯᬩᭂᬦ᭄ᬤᬸᬯᬶᬦ᭄᭟ᬦᬄᬦ᭄ᬢᭀᬓᬾᬦ᭄ᬓᬾᬦ᭄ᬜᬫᬫᬜ᭄ᬘᬦᬾᬫᬂᬓ᭄ᬚᬂ᭞ᬤᬗᬸᬩ᭄ᬤ
ᬬᬂᬤᬶᬳᬢᬶ᭞ᬧᬭᬫᬜ᭄ᬘᬲᬫ᭄ᬬᬦ᭄᭞ᬧᬥᬫᬳᬢᬹᬃᬦᬶᬫ᭄ᬩᬮ᭄᭞ᬧᬵᬢᬹᬢ᭄ᬭᬢᬸᬢᬶᬢ᭄ᬬᬂᬗᬶᬭᬶᬂ᭞ᬳᬶᬓ᭄ᬢᬸᬢ᭄ᬲᬭ᭞ᬫᬩ᭄ᬭᬶᬬᬸᬓ᭄ᬲᬫᬶᬗᬶᬭᬶᬂ᭟ᬫᬥᬾᬧᬲᭂᬓ᭄‌ᬓ᭄ᬢᬸᬢ᭄ᬧᬲᭂᬓ᭄ᬓᬫᬫ᭄ᬕᬦ᭄᭞
ᬫ᭄ᬦᭂᬂᬢ᭄ᬯᬭᬜᬯᬸᬭᬶᬦ᭄᭞ᬦᬸᬗᬮᬶᬳᬂᬤᬬ᭞ᬳᬧᬂᬤᬤ᭄ᬬᬜᬤᬸᬭᬶᬬᬦ᭄᭞ᬳᬩᭀᬢ᭄ᬦᬸᬮ᭄ᬬᬸᬭᬱᬦᬶᬦ᭄᭞ᬮᬯᬸᬢ᭄ᬫᬦᬶᬫ᭄ᬩᬮ᭄᭞ᬳᬢᬹᬭᬾᬲᬤᬫᬦᬶᬲ᭄᭟ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂ
[᭙9A]
ᬫᬵᬢᬹᬃᬲᬶᬲᬶᬧ᭄ᬧᬶᬲᬦ᭄᭞ᬬᬦ᭄ᬢᬦ᭄ᬓᬩᬯᭀᬲ᭄ᬲᬶᬲᬶᬧ᭄᭞ᬧᬫᬸᬗᬸᬦ᭄ᬳᬢᬹᬃᬢᬶᬢ᭄ᬬᬂ᭞ᬧᬶᬦᭂᬄᬭᬶᬂᬧᬓᬳᬸᬦᬦ᭄᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬭᬢᬸᬫᬗ᭄ᬓᬶᬦ᭄᭞ᬗᭂᬫ᭄ᬩᬓ᭄ᬦᬵᬕᬭ᭞ᬓᬓ᭄ᬮᬸᬓᬸᬂᬲᬸᬪᬓ᭄ᬢᬶ᭟
ᬓᬮᬶᬄᬢᬶᬢ᭄ᬬᬂᬢᬍᬃᬫᬦ᭄ᬤᬯᭂᬕᬂ᭞ᬳᭂᬗ᭄ᬓᬾᬦ᭄ᬗᬯᬦᬦ᭄ᬗᬶᬮᬶᬲ᭄᭞ᬳ᭄ᬬᬸᬜ᭄ᬘᭀᬓᭀᬃ᭠ᬳᬶᬤᬾᬯ᭞ᬚᬕᬗᭂᬫ᭄ᬩᬓ᭄ᬦᬵᬕᬭ᭞ᬓᬓ᭄ᬮᬸᬂᬓᬸᬂᬚᬕᬪᬓ᭄ᬢᬶ᭞ᬧᬶᬦᭂᬳᬂᬧᬶᬲᬦ᭄᭞ᬳᬢᬹᬃᬢᬶ
ᬢ᭄ᬬᬂᬲᬸᬪᬓ᭄ᬢᬶ᭟ᬳᬦ᭄ᬢᬸᬓ᭄ᬳᭂᬗ᭄ᬓᬾᬦ᭄ᬳᬯᬦᬦ᭄ᬫᬓᬳ᭄ᬬᬸᬦ᭄ᬳᭂᬫ᭄ᬩᬓ᭄᭞ᬘᭀᬓᭀᬃᬳᬶᬤᬾ᭠ᬲᬸᬕᬶᬄ᭞ᬦᬾᬦ᭄ᬢᭂᬦ᭄ᬓᬶᬭᬂᬓ᭄ᬭᬶᬡ᭞ᬬᬾᬦ᭄ᬧᬤᬾᬤᬸᬭᬸᬲ᭄ᬳᭂᬫ᭄ᬩᬓ᭄᭞ᬓᬤ᭄ᬯᬗ᭄ᬤᬾᬳᬶᬭᬢᬸᬳᬶᬲᬶᬲ᭄᭞
ᬓᬤᬶᬳᬶᬕᬚᬄ᭞ᬢᬍᬃᬭᬶᬂᬉᬘᬧᬦ᭄ᬢᬦ᭄ᬢ᭄ᬭᬶ᭟ᬧᬶᬮᬶᬄᬳᬩᭀᬢ᭄ᬭᬸᬲᬓ᭄ᬭᬶᬂᬚ᭄ᬭᭀᬦᬶᬗ᭄ᬓᬸᬣ᭞ᬤᬬᬦ᭄ᬓᭂᬮᬸᬂᬓᬸᬂᬫᬗ᭄ᬓᬶᬦ᭄᭞ᬯᬦ᭄ᬢᬄᬫᬗᬃᬬ᭄ᬬᬦᬂ᭞ᬫᭀᬭᬂᬘᭀᬓᭀᬃᬳᬶᬤᬾᬯ᭞ᬳᬶᬲ