[᭓᭙39B]
᭓᭙
ᬓᬾᬫᬮᬳᬶᬩ᭄᭞ᬗᬫᭀᬮ᭄ᬫᭀᬮ᭄ᬓᬾᬦᬗᬦ᭄ᬧᬶᬦ᭄ᬤᬂ᭞ᬲᬸᬩᬢ᭄ᬮᬄᬕᬭᬂᬘᬶᬘᬶᬂ᭞ᬗᬮᬶᬄᬳᬶᬮᬶᬤ᭄ᬫᬗ᭄ᬮᬶᬂ᭞ᬫᬢᬚᬸᬄᬫᬗᬸᬭᬸᬢ᭄ᬳᭂᬦ᭄ᬢᬸᬢ᭄᭞ᬗᬸᬯᬾᬮ᭄ᬫᬲᬲᬫ᭄ᬩᬢᬦ᭄᭞ᬦᬤᬓᬂᬕᬶᬭᬂᬫᬩᬮᬶᬄ
᭟ᬤᬤᬶᬮᬩᬸᬄ᭞ᬧᬶᬦ᭄ᬤᬂᬳᭀᬜᬧᬬᬸᬓ᭄ᬩᭂᬮᬄ᭟ᬫᬜ᭄ᬘᬲᬸᬩᬫᬤᬩ᭄ᬤᬩᬦ᭄᭞ᬦᬾ᭠ᬓᬳᬸᬗ᭄ᬕᬸᬄᬫᬦᬦ᭄ᬤᬓᬶᬦ᭄᭞ᬲ᭄ᬯᬾᬗᬦ᭄ᬢᬶᬓᬭᬶᬗᬦ᭄ᬢᭀᬲ᭄᭞ᬤᬸᬭᬸᬂᬫᬭᬯᬢ᭄ᬧᬗᬶᬭᬶᬂ᭞ᬲᬹᬃᬬ᭄ᬬᬦᬾᬧᬶ
ᬦᬄᬲᬶᬗᬶᬢ᭄᭞ᬲᬯᬢᬭᬤᬯᬸᬄᬧᬶᬢᬸ᭞ᬩᬯᬸᬫᬭᬫᬭᬯᬢ᭄᭞ᬫᬦ᭄ᬕᭂᬦ᭄ᬩᬳᬲ᭄ᬳᬢᬧᬶᬲ᭄᭞ᬩᬩᬢ᭄ᬩᬸ᭞ᬮᬾᬦ᭄ᬤᬸᬮᬂᬘᬭᬢᬦ᭄ᬓᬨᬮ᭄᭟ᬲᬬᬦ᭄ᬗᭂᬦᬄᬧᬥᬮᬜ᭄ᬘᬦ᭄᭞ᬩᬩᬦ᭄ᬤᬭᬦ᭄ᬓᭀ᭠
ᬢᬓ᭄ᬧ᭄ᬢᬶ᭞ᬭᭀᬚᬾᬂᬓᬾᬢᬾᬮ᭄ᬧᬗ᭄ᬢᬾᬳᬦ᭄᭞ᬭᬦ᭄ᬢᬂᬓᭀᬢᬓ᭄ᬩᭂᬲᬶᬧᬸᬢᬶᬄ᭞ᬓᬲᬸ᭠ᬦ᭄ᬤᬸᬮ᭄ᬳᬸᬮᬶᬤᬸᬭᬶ᭞ᬩᬩᬦ᭄ᬤᬭᬦᬾᬳᬢ᭄ᬭᬸᬕ᭄᭞ᬧᬥᬳᬤᬗᬢᭂᬳᬂ᭞ᬓᬸᬦ᭄ᬤᬂᬫᬓᬸᬦ᭄ᬤᬂᬫ᭄ᬩᬦ᭄ᬢᬗᬶᬦ᭄᭞᭠
[᭔᭐40A]
ᬫᬶᬭᬶᬩ᭄ᬕᬫ᭄ᬩᬸᬄ᭞ᬫᬦᭀᬮᬶᬄᬗᬾᬢᬾᬲᬂᬮᬶᬫ᭟ᬲᬤᬗᬾᬗ᭄ᬕᬮᬂᬫᬚᬮᬦ᭄᭞ᬩᬚᬂᬧᬥᬭᬫ᭄ᬧᬶᬂ᭞ᬳᬤᬗᬶᬗ᭄ᬕᭂᬓ᭄ᬫᬳᬾᬗ᭄ᬕᭀᬓ᭄᭞ᬜᬭᬾᬭᬾᬫᬗᬸᬲᬧ᭄ᬩᬶᬩᬶᬄ᭞ᬜᬍᬤᬾ
ᬢ᭄ᬩᬸᬓᬢᬝᬶᬢ᭄᭞ᬮᬾᬦ᭄ᬳᬤᬫᬲᭀᬮᬄᬮᬸᬳᬸᬂ᭞ᬫᬚᬮᬦ᭄ᬤᬾᬫ᭄ᬧᭀᬤᬾᬫ᭄ᬧᭀ᭞᭠ᬬᬦ᭄ᬲᬯᬗᬂᬫᬳᬶᬭᬶᬩ᭄ᬲ᭄ᬤᬶᬄ᭞ᬳᬦᬢᬸᬬᬸᬄ᭞ᬫᬚᬮᬦ᭄ᬫᬳᬯᬜ᭄ᬚᬭᬦ᭄᭟ᬳᬦᬫ᭄ᬯᬦᬶᬤᬸᬭᬶ᭠
ᬬᬦ᭄᭞ᬦᬶᬓᬸᬮ᭄ᬧᬚᭂᬂᬓ᭄ᬜᬶᬂᬓ᭄ᬜᬶᬂ᭞ᬲ᭄ᬩᭂᬗᬾᬫᬶᬭᬶᬩ᭄ᬗ᭄ᬕᬾᬮᬳᬂ᭞ᬫᬲᬥ᭄ᬬᬦᬕᬶᬄᬳᬤᬦᬶᬦ᭄᭞ᬳᬤᬓᬸᬦ᭄ᬤᬂᬤᬶᬳᬸᬭᬶ᭞ᬧᬢᬸᬄᬧᬥᬫᬢᭂᬗ᭄ᬓᬸᬮᬸᬓ᭄᭞ᬫᬗᭀᬦᬾᬃᬩᬚᬂᬩᬚᬂ᭞ᬲᭀ
ᬮᬳᬾᬗ᭄ᬜᬸᬤᬗ᭄ᬳᬢᬶ᭞ᬜᬦ᭄ᬤᬂᬲᬸᬗ᭄ᬲᬸᬂ᭞ᬳᬗ᭄ᬕᭀᬦ᭄ᬳᬃᬘ᭄ᬘᬤᬶᬧ᭄ᬥᭂᬫᬦ᭄᭟ᬧᬚᬮᬦᬾᬍᬜ᭄ᬚᬍᬜ᭄ᬚ᭞ᬩᬯᭀᬓ᭄ᬳᬦᬓᬾᬫᬩᬮᬶᬄ᭞ᬢ᭄ᬯᬭᬲᬸᬳᬸᬤ᭄ᬦᬍᬓ᭄ᬢᭂᬓᬂ᭞ᬲᬶᬂᬳᬶᬯᬲᬶᬦ᭄ᬧᬥ
Page:Bali-lontar-gaguritan-rusak-gianyar-03-350ppi.pdf/40
Jump to navigation
Jump to search
This page has been proofread.
