[ ᭙᭖ 96B]
᭙᭖᭞
ᬧᬜ᭄ᬘᬢᬭᬸᬫᬜᬢᭀᬦᬶᬦ᭄᭞ᬧᬶᬦᬦ᭄ᬤᬶᬢᬫᬮᬓ᭄ᬱᬡ᭞ᬢᬷᬃᬣᬦᬾᬢᬶᬩᬓᬂᬲᬫᬶ᭞ᬲᬓᬶᬂᬲᬕᬄᬲᬓᬶᬂᬧᬸᬭ᭞ᬢᬷᬃᬣᬧᬦᬸᬳᬸᬭᬦ᭄ᬲᬫᬶ᭟᭐᭟ᬓᬚᬗᬾᬓᭂᬩᬾᬭᬂᬲᬵᬫ᭄ᬧᬸᬦ᭄᭞
ᬯᬸᬲ᭄ᬫᬧ᭄ᬮᬲ᭄ᬧᬲ᭄ᬫᬧᬰᬹᬧᬢᬶ᭞ᬫᬶᬯᬄᬅᬃᬘᬯᬯᬗᬸᬦᬦ᭄᭞ᬧᬗ᭄ᬮᬸᬓᬢ᭄ᬧᬩᬺᬲᬶᬳᬦ᭄ᬫᬮᬶᬄ᭞ᬧᬗᭂᬦᬶᬂᬲ᭄ᬣᬶᬢᬶᬉᬢ᭄ᬧᬢ᭄ᬬᬂ᭞ᬧ᭄ᬭᬮᬶᬦᬫᬮᬶᬄᬢᬶᬩᬓᬶᬦ᭄᭟᭐᭟ᬧᬗᭂᬦ᭄ᬢᬲ᭄ᬧᬜ᭄ᬯᬃᬕᬦ᭄ᬲᬵᬫ᭄ᬧᬸ
ᬦ᭄᭞ᬕ᭄ᬦᬶᬧᬗᭂᬲᭂᬂᬧᬦᬾᬫ᭄ᬩᬓ᭄ᬫᬮᬶᬄ᭞ᬧᬜ᭄ᬘᬢᬭᬸᬫᬤᬸᬮᬸᬭᬦ᭄᭞ᬧᬗᭂᬫ᭄ᬩᬸᬲᬦ᭄ᬩᭂᬓᭂᬮ᭄ᬧᬾᬢ᭄ᬭᬶ᭞ᬧᬜ᭄ᬘᬫᬳᬪᬹᬢᬗᬭᬦ᭄᭞ᬓᬯᬶᬢᬂᬭᬭᬶᬲᬂᬪᬲ᭄ᬫᬷ᭟᭐᭟ᬬᬾᬦ᭄ᬦᬷᬃᬣ
ᬬᬚ᭄ᬜᬵᬧᬶᬮᬓᬸ᭞ᬧᬗᬢᬓ᭄ᬢᬶᬃᬣᬢᬸᬫ᭄ᬧᬸᬓᬶᬦ᭄᭞ᬦᬭᬶᬂᬲᭀᬃᬧᬗᭂᬍᬫ᭄ᬘᬦᬦ᭞ᬢ᭄ᬭ᭄ᬬᬓ᭄ᬱᬭᬭᬚᬄᬓᬾᬶ᭞ᬦᬾᬳᬲᬶᬩᬓ᭄ᬢᬍᬃᬫ᭄ᬭᬚᬄ᭞ᬫᬭᬦ᭄ᬢᬾᬭᬚᬳᬦ᭄ᬦᬾᬓᬶ᭟᭐᭟ᬦᬾ
[ ᭙᭗ 97A]
ᬦᬸᬫ᭄ᬧᬸᬓᬶᬦ᭄ᬭᬚᬄᬫᬸᬗ᭄ᬕᬸᬄ᭞ᬧᬜ᭄ᬘᬵᬓ᭄ᬱᬭᬭᬚᬄᬦᬾᬓᬶ᭞ᬭᬶᬂᬩᬶᬩᬶᬄᬘᬢᬸᬭᬓ᭄ᬱᬭ᭞ᬬᬁᬭᬶᬂᬥᬍᬫ᭄ᬫᬢᬸᬮᬶᬲ᭄᭞ᬮᬯᬸᬢ᭄ᬤᬕᬶᬗᬶᬦ᭄ᬧᬥᬂᬍᬧᬲ᭄᭞ᬮᬮᬂᬫᬶᬯᬄᬫᬶᬭᬄ
ᬧᬸᬤᬶ᭟᭐᭟ᬢᬶᬃᬣᬦᬾᬳᬧᬬᬸᬓ᭄ᬧᬸᬧᬸᬢ᭄᭞ᬧᬗᬯᬓᬾᬭᬭᬶᬲ᭄ᬢᬷᬃᬣᬳᬶᬦ᭄᭞ᬤᬤᭀᬲᬂᬳᬧᬬᬸᬓ᭄ᬢᬸᬗ᭄ᬕᬮᬂ᭞ᬲᬳᬶᬧ᭄ᬳᬦ᭄ᬢᬸᬓ᭄ᬯᬲ᭄ᬢ᭄ᬭᬧᬸᬢᬶᬄ᭞ᬤᬕᬶᬂᬜᬦᬾᬢᬸᬜ᭄ᬚᭂᬮ᭄ᬮᬯᬸᬢᬂ
᭞ᬧᬜ᭄ᬘᬢᬭᬸᬚᬢᭀᬦ᭄ᬦᬾᬓᬶ᭟᭐᭟ᬋᬘᬥᬦᬯᬦ᭄ᬢᬄᬧᬢᬸᬄ᭞ᬲᬲᭂᬦ᭄ᬤᬾᬦ᭄ᬳᬗ᭄ᬕᬾᬦ᭄ᬦᬢᬓᬶᬦ᭄᭞ᬳᬶᬮᬶᬄᬲᭂᬧᬶᬢ᭄ᬲᬶᬤᬸᬳᭂᬦ᭄ᬢᬮ᭄᭞ᬳᬦ᭄ᬢᬸᬓ᭄ᬬᭀᬕᬫᭂᬦᭂᬂᬩᭂᬦᭂᬃᬲᬫᬶ᭞ᬗ
ᬲ᭄ᬢᬯᬬᬂᬲᬂᬤᬾᬯᬢ᭞ᬓᭂᬮᬾᬲ᭄ᬩᭂᬓᭂᬮ᭄ᬩᬾᬩᬲ᭄ᬫᬸᬮᬶᬄ᭟᭐᭟ᬲᬵᬫ᭄ᬧᬸᬦ᭄ᬕᭂᬲᭂᬂᬳᬯᬸᬦ᭄ᬳᬶᬧᬸᬦ᭄᭞ᬢᭂᬩᬸᬳᬗ᭄ᬕᬾᬦ᭄ᬗᬸᬬᭂᬕ᭄ᬕᭂᬮᬶᬲ᭄᭞ᬫᬤᬸᬮᬸᬃᬓᬶᬤᬸᬂᬧᬜ᭄ᬘᬬᭀᬕ᭞ᬳᬫ᭄ᬯᬶᬢ᭄ᬦᬭᬾ
