Page:Bali-lontar-gaguritan-pancayoga-01-300ppi.pdf/96

From Wikisource
Jump to navigation Jump to search
This page has been proofread.

[ ᭙᭕ 95B]
᭙᭕᭞
ᬢᬦ᭄ᬲᬶᬤᬢᬶᬢ᭄ᬬᬂᬦᬯᬸᬭᬶᬦ᭄᭟᭐᭟ᬳᬦ᭄ᬢᬸᬓ᭄ᬲᭂᬫ᭄ᬩᬄᬢᬶᬢ᭄ᬬᬂᬦᬯᬸᬃ᭞ᬢᬸᬗ᭄ᬕᬓᬦᬾᬫᬓᬲᬫᬶ᭞ᬧᬸᬧᬸᬢ᭄ᬯᬦ᭄ᬢᬄᬢᬸᬦᬲ᭄ᬢᬶᬢ᭄ᬬᬂ᭞ᬧᬸᬧᬸᬢᬾᬯᬦ᭄ᬢᬄᬫᬫᬲ᭄ᬫᬷ᭞ᬳᬫᬸᬦᬶᬓᬯᬬᬄᬲᬫ᭄ᬬᬦ᭄᭞ᬳᬫᬢ᭄ᬭᬳᬫ᭄ᬧᬸᬭᬳᬸ
ᬕᬶ᭟᭐᭟ᬳᬦ᭄ᬢᬸᬓ᭄ᬲᬶᬸᬭᬶᬸᬓ᭄ᬳᬸᬧᬓᬵᬭᬧᬸᬧᬸᬢ᭄᭞ᬤᬺᬤᬪᬓ᭄ᬢᬶᬲᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬗᬶᬮᬾᬦᬂᬳᬶᬯᬬᬄ᭞ᬫᬍᬩᬸᬗᬭᬦ᭄ᬜᬩᬾᬦ᭄ᬰᬸᬘᬶ᭞ᬗᬋᬘᬥᬦᬦᬶᬓᬯᬦ᭄ᬢᬄ᭞ᬗᬭᬦᬶᬂᬧᬍᬩᭀᬦ᭄ᬦᬾᬓᬶ
᭟᭐᭟ᬗᬋᬧ᭄ᬫᬗ᭄ᬓᬶᬦ᭄ᬭᬶᬂᬬᬬᬄᬳᬶᬩᬸ᭞ᬲᭀᬮᬄᬲᬸᬫ᭄ᬩᬄᬚ᭄ᬯᬕᭂᬦ᭄ᬢᭀᬲᬶᬦ᭄᭞ᬲᬓᬶᬂᬲ᭄ᬮᬦᬶᬂᬮᬮᬢ᭞ᬲᬳᬵᬓ᭄ᬯᬗᬾᬦ᭄ᬗᬶᬓᬸᬢ᭄ᬚᬭᬶ᭞ᬲᬶᬗ᭄ᬕᬶᬄᬳᬶᬩᬸᬬᬬᬄᬢᬶᬢ᭄ᬬᬂ᭞ᬢᬢ᭄ᬯᬶᬬᬦ᭄ᬲᬓᬶᬂᬢᭂᬍᬗᬶᬂᬳᬢᬶ
᭟᭐᭟ᬳᬸᬢᬂᬢᬶᬢ᭄ᬬᬂᬮᬶᬦ᭄ᬢᬂᬳᬕᬸᬂ᭞ᬳᬩᭀᬢ᭄ᬓᬤᬶᬜᬸᬯᬸᬦ᭄ᬕᬸᬫᬶ᭞ᬭᬶᬂᬳᬶᬫᬾᬫᬾᬕᬸᬭᬸᬭᬹᬧᬓ᭞ᬢᭂᬕᭂᬳᬦ᭄ᬭᬶᬂᬜᬸᬚᬸᬄᬮᬗᬶᬢ᭄᭞ᬭᬶᬂᬳᬶᬫᬾᬫᬾᬕᬸᬭᬸᬭᬾᬓ᭞ᬫᬸᬕᬶᬢᬦ᭄ᬧᬩᬮᬶᬓ᭄ᬫᬮᬶᬄ᭟᭐᭟
[ ᭙᭖ 96A]
ᬗᭂᬲᭂᬂᬪᬓ᭄ᬢᬶᬦ᭄ᬢᬶᬢ᭄ᬬᬂᬧᬸᬧᬸᬢ᭄᭞ᬫᬤᬓ᭄ᬫᬗ᭄ᬕᬸᬄᬲ᭄ᬯᬃᬲᬫᬶ᭞ᬯᬬᬄᬲᬫᬶᬲ᭄ᬮᬫᬢ᭄ᬚᬮᬦ᭄᭞ᬤᬫᬸᬄᬯᬬᬄᬓᬭᬶᬤᬶᬦᬶ᭞ᬫᬗ᭄ᬤᬲᬫᬶᬫᬗ᭄ᬕᬸᬄᬭᬳᬃᬚ᭞ᬢᬶᬢ᭄ᬬᬂᬲᬫᬶᬫᬗ᭄ᬕᬸᬄᬩᭂᬘᬶᬓ᭄᭟᭐
᭟ᬮ᭄ᬬᬦ᭄ᬯᬾᬦ᭄ᬢᭂᬦ᭄ᬫᬧᬮᬓᬸ᭞ᬗᬦ᭄ᬢᭂᬩ᭄ᬩᬦ᭄ᬢᭂᬦ᭄ᬓᬲᬹᬃᬬᬫᬮᬶᬄ᭞ᬭᬶᬂᬲᬗ᭄ᬕᬄᬢᬸᬢ᭄ᬯᬦ᭄ᬫᬕᭂᬦᬄ᭞ᬩᬦ᭄ᬢᭂᬦ᭄ᬜᬦᬾᬰᬸᬘᬶᬳᬮᬶᬢ᭄᭞ᬘᬦᬂᬭᬓᬧ᭄ᬭᬲ᭄ᬤᬓ᭄ᬱᬶᬡ᭞ᬭᬶᬂᬘᬭᬸᬤ᭄ᬯᬂᬓ᭄ᬮᬢ᭄ᬓᬢ᭄ᬫᬮᬶᬄ᭟᭐᭟ᬧᬶᬦ
ᬦ᭄ᬤᬶᬢᬗᬦ᭄ᬢᭂᬩ᭄ᬤᬶᬢᬸ᭞ᬓᬢᬸᬃᬭᬶᬂᬲᬂᬫᬳᬵᬰᬸᬘᬶ᭞ᬫᬶᬯᬄᬳᬶᬤᬳ᭄ᬬᬂᬧᬸᬭᬸᬱ᭞ᬰᬶᬯᬢᬶᬕᬫᬜᬓ᭄ᬱᬶᬦᬶᬦ᭄᭞ᬳᬶᬤᬫᬭᬕᬲᬂᬳ᭄ᬬᬂᬲᬸᬃᬬ᭞ᬳᬶᬦ᭄ᬤᬧᬶᬢ᭄ᬭᬦᬾᬓᬯᬶᬢᬶᬦ᭄᭟᭐᭟ᬧᬸᬧᬸᬢ᭄ᬗᬦ᭄ᬢᭂᬩ᭄ᬩᬦ᭄ᬢᭂ
ᬦ᭄ᬲᬗᬸ᭞ᬬᬤᬶᬦ᭄ᬕᭂᬦ᭄ᬤᬃᬧᬶᬢ᭄ᬭᬫᬮᬶᬄ᭞ᬫᬶᬯᬄᬘᬭᬸᬳᬓ᭄ᬮᬢ᭄ᬓᬢ᭄᭞ᬯᬢᭂᬓ᭄ᬬᭀᬕᬮᬦᬂᬳᬶᬲ᭄ᬢ᭄ᬭᬷ᭞ᬫᬤᬩ᭄ᬤᬩ᭄ᬲᬳᬵᬧᬲᭂᬧᬦ᭄᭞ᬕᬸᬦᬸᬂᬲᭂᬓᬃᬩᬸᬭᬢ᭄ᬯᬗᬶ᭟᭐᭟ᬳᬲᭂᬧ᭄ᬓᬲ᭄ᬢᬗ᭄ᬕᬶᬲᬸᬫᭂᬫ᭄ᬩᬸᬃ᭞