[ ᭘᭑ 81B]
᭘᭑᭞
ᬢᭂᬂᬫᬮᬶᬄ᭞ᬧᬲᭂᬕᭂᬳᬦ᭄ᬳᬬᬩᬂᬧᬸᬧᬸᬢ᭄᭞ᬓᬜ᭄ᬘᬦᬶᬂᬳᬮᬦ᭄ᬩᭀᬩᭀᬢᬦ᭄᭞ᬮᬪᬦᬶᬦ᭄ᬫᬗ᭄ᬤᬫᬕᬶᬗ᭄ᬲᬶᬃ᭞ᬭᬭᬶᬲ᭄ᬳᬜᬸᬤ᭄᭞ᬢᬷᬃᬣᬦᬾᬓᬯᬶᬢᬂᬢᬸᬦᬲ᭄᭟᭐᭟ᬳᬸᬚᬸᬂᬭᬫ᭄ᬩᬸᬢ᭄ᬓᬧᬶᬂᬢᬶ
ᬕ᭞ᬘᭂᬍᬩᬂᬭᬶᬂᬧᬗ᭄ᬭᬦ᭄ᬤᬶ᭞ᬦᬾᬫᬤᬕᬶᬂᬧᬥᬂᬍᬧᬲ᭄᭞ᬳᬶᬲᭂᬧ᭄ᬳᬚᭂᬂᬓᬧᬶᬂᬢ᭄ᬭᬶ᭞ᬳᬶᬦᬸᬫ᭄ᬢᬍᬃᬓᬧᬶᬂᬢ᭄ᬭᬶᬦᬶ᭞ᬲᬾᬲᬦ᭄ᬜᬦᬾᬳᬗ᭄ᬕᬾᬦ᭄ᬫᬢᬸᬭᬸᬄ᭞ᬧᬗᭂᬦᬶᬂᬭᬶᬂᬲᬶᬩᬸᬄᬫᬃᬕ᭄ᬬᬂ᭞ᬓᬤᬶᬯᬯᬸᬧᬢᭂᬄᬲ
ᬫᬶ᭞ᬢᬸᬃᬫᬢᬸᬭᬸᬄ᭞ᬭᬶᬂᬢᭀᬬᬚ᭄ᬯᬮᬓ᭄ᬱᬡᬬᬂ᭟᭐᭟ᬰᬸᬓ᭄ᬭᬦ᭄ᬢᬸᬫ᭄ᬧᭂᬓ᭄ᬓᬧᬶᬂᬢᬶᬕ᭞ᬢᭂᬢᭂᬧ᭄ᬧᬶᬂᬢᬶᬕᬫᬃᬕᬶᬦᬶᬦ᭄᭞ᬬᬤᬶᬦ᭄ᬫᬦᬸᬚᬸᬧᬹᬃᬡᬫ᭞ᬭᬶᬂᬲᬗ᭄ᬕᬄᬓᬫᬸᬮᬦ᭄ᬫᬮᬶᬄ᭞ᬧᬶᬂᬢᬶᬕᬢᬍᬃᬫᬃ
ᬕᬶᬦᬶᬦ᭄᭞ᬦᬸᬦᬲ᭄ᬧᬗᬳᬬᬸᬧᬸᬧᬸᬢ᭄᭞ᬦᬸᬦᬲ᭄ᬢᬷᬃᬣᬧᬗ᭄ᬮᬸᬓᬢᬦ᭄᭞ᬩᬦ᭄ᬢᭂᬦ᭄ᬧᬢᭂᬄᬭᬶᬂᬧᬗ᭄ᬭᬦ᭄ᬤᬶ᭞ᬭᬶᬂᬳ᭄ᬬᬂᬕᬸᬭᬸ᭞ᬩ᭄ᬭᬵᬳ᭄ᬫᬯᬶᬱ᭄ᬡᬸᬇᬰ᭄ᬯᬭ᭟᭐᭟ᬫᬮᬶᬄᬉᬧᬓᬵᬭᬓᭀᬘᬧ᭄᭞
[ ᭘᭒ 82A]
ᬭᬶᬓᬵᬮᬤᬾᬳᬸᬫᬶᬚᬶᬮ᭄᭞ᬢᭂᬕᭂᬲᬶᬦᬸᬕᬶᬧᬸᬧᬸᬢᬂ᭞ᬳᬭᬶᬳᬭᬶᬦᬾᬫᬩᬺᬲᬶᬳᬶᬦ᭄᭞ᬲᬫ᭄ᬩᬸᬓ᭄ᬓᬮᬧᬳᬗ᭄ᬕᬾᬦ᭄ᬦᬓᬶᬮ᭄᭞ᬫᬶᬯᬄᬳᭂᬤᬸᬓ᭄ᬮᬧᬶᬲ᭄ᬳᬶᬧᬸᬦ᭄᭞ᬩᭂᬓᭂᬮᬶᬦ᭄ᬭᭀᬦ᭄ᬢᬮ᭄ᬫᬲᬸᬭᬢ᭄᭞ᬅᬁᬉᬁᬫᬁᬅᬓ᭄ᬱᬭᬦᬾᬓᬶ᭞ᬫ
ᬓᬤᬸᬮᬸᬃ᭞ᬲᬩᬢᬅᬇᬦᬫᬰᬶᬯᬬ᭟᭐᭟ᬭᬭᬶᬲ᭄ᬧᭂᬦ᭄ᬥᭂᬫ᭄ᬚ᭄ᬭᭀᬦᬶᬂᬩᬂᬩᬂ᭞ᬫᬜᬶᬧ᭄ᬢᬭᬶᬂᬳ᭄ᬬᬂᬧᬺᬣᬶᬯᬷ᭞ᬭᬭᬾᬦᬾᬫᬗ᭄ᬤᬲᬳᬃᬚ᭞ᬓᬤᬂᬜᬦᬾᬚᭂᬫᭂᬢ᭄ᬗᬩᬶᬄ᭞ᬭᬭᬾᬧᬸᬧᬸᬢ᭄ᬫᬩᬺᬲᬶᬄ᭞ᬯᬾᬳᬶᬦ᭄ᬯᬲ᭄ᬢ᭄ᬭᬧ
ᬲᬮᬸᬓ᭄᭞ᬳᬬᬩᬶᬦ᭄ᬩᬦ᭄ᬢᭂᬦ᭄ᬤᬧᭂᬢᬦ᭄᭞ᬓᭂᬧᬸᬲ᭄ᬧᬸᬗ᭄ᬲᭂᬤ᭄ᬜᬦᬾᬫᬮᬶᬄ᭞ᬳᭀᬤᭂᬮ᭄ᬳᬶᬧᬸᬦ᭄᭞ᬕᭂᬦᬳᬂᬭᬶᬂᬧᬮᬗ᭄ᬓᬶᬭᬦ᭄᭟᭐᭟ᬲᬳᬩᬦ᭄ᬢᭂᬦ᭄ᬫᬢᬢᭂᬮᬄ᭞ᬢᬸᬢᬸᬕ᭄ᬲᭀᬮᬲ᭄ᬤᬶᬦᬫᬗ᭄ᬓᬶᬦ᭄᭞ᬭᬭᬾᬦᬾᬭᬭᬶ
ᬲᬂᬢᬗ᭄ᬕᬧ᭄᭞ᬳᬶᬭᬶᬓᬭᬶᬂᬓᬫᬸᬮᬦ᭄ᬰᬓ᭄ᬢᬶ᭞ᬳᬦ᭄ᬢᬸᬓ᭄ᬘᬦᬂᬩᬸᬭᬢ᭄ᬯᬗᬶ᭞ᬭᬓᬤᬓ᭄ᬱᬶᬡᬫᬤᬸᬮᬸᬃ᭞ᬭᬶᬂᬳᬩᬸᬮᬦ᭄ᬧᬶᬢᬸᬂᬤᬶᬦ᭞ᬯᬸᬯᬸᬕ᭄ᬓᬫ᭄ᬩᬸᬄᬳᬭᬦᬾᬓᬶ᭞ᬢᬶᬕᬂᬲᬦ᭄ᬢᬸᬦ᭄᭞ᬗᬯᬾᬩᬦ᭄ᬢᭂᬦ᭄ᬢᬶᬕᬂᬓᬰᬶᬳᬦ᭄᭟᭐
Page:Bali-lontar-gaguritan-pancayoga-01-300ppi.pdf/82
Jump to navigation
Jump to search
This page has been proofread.
