Page:Bali-lontar-gaguritan-pancayoga-01-300ppi.pdf/79

From Wikisource
Jump to navigation Jump to search
This page has been proofread.

[ ᭗᭘ 78B]
᭗᭘᭞ᬲᬦ᭄ᬢᬸᬦ᭄᭞ᬘᬦᬶᬸᬗ᭄ᬕᬄᬘᬸᬘᬸᬓ᭄ᬫᬮᬶᬄᬲᬶᬦᬸᬗ᭄ᬕᬮ᭄᭞ᬤᬦ᭄ᬤᬦᬦ᭄ᬫᬮᬶᬄ᭞ᬩᬦ᭄ᬢᭂᬦ᭄ᬩᬸᬭᬢ᭄ᬯᬯᬶᬫᬸᬗ᭄ᬕᬄ᭟᭐᭟ᬓᬸᬭᬫ᭄ᬩᬶᬮ᭄ᬤᬶᬢᬸᬕᬦ᭄ᬢᬸᬗᬂ᭞ᬲᭂᬥᬄᬲᬸᬚᬂᬚ᭄ᬯᬕᬦ᭄ᬢᬸᬗᬶᬦ᭄᭞ᬳᬸᬫ᭄ᬩᬸᬭᬶᬂᬲᬸᬚᬂᬢᬢᬩᬸᬳᬦ᭄᭞ᬢᭀᬬ
ᬧᬓᭀᬩᭀᬓᬦ᭄ᬧᬢᬹᬢ᭄᭞ᬫᬗ᭄ᬤᬓᬾᬦᬓ᭄ᬮᬶᬗ᭄ᬕᬶᬄᬳᬶᬤ᭞ᬳᬢᬸᬭᬶᬦ᭄ᬜᬭᬶ᭞ᬪᬝᬵᬭᬲᬹᬃᬬᬳᬶᬤᬳᬬᬢ᭄᭟᭐᭟ᬘᬭᬸᬳᬶᬓᬯᭂᬦᬂᬫᬃᬕ᭄ᬬᬂ᭞ᬧᬸᬭᬘᭂᬫᭂᬃᬲᬗ᭄ᬕᬄᬫᬮᬶᬄ᭞ᬓᬭᬜ᭄ᬚᬶᬗᬦ᭄ᬳᬦᬓ᭄ᬫᬋᬩᬢ᭄
᭞ᬢᭂᬫ᭄ᬧᬸᬄᬳᬗᬶᬦ᭄ᬢᭂᬧᬾᬦ᭄ᬓᬬᬸ᭞ᬓᬭᬜ᭄ᬚᬶᬗᬦ᭄‌ᬯ᭄ᬯᬂᬏᬤᬦ᭄᭞ᬭᬸᬦ᭄ᬢᬸᬄᬫᬮᬶᬄ᭞ᬘᬭᬸᬳᬶᬓᬮᬓ᭄ᬱᬡᬬᬂ᭟᭐᭟ᬯᬦᬾᬄᬳᬶᬓᬢᬢ᭄ᬯᬦ᭄ᬬ᭞ᬯᬸᬕᬶᬦ᭄ᬳᬗᬶᬦ᭄ᬓᬕᭂᬦ᭄ᬢᬸᬳᬶᬦ᭄᭞ᬳᬸᬭᬸᬕᬦ᭄ᬫᬮᬶᬄᬧᬸᬦᬶᬓ᭞ᬭᬶᬂ
ᬗᬺᬱᬶᬕᬡᬘᬭᬸᬦ᭄ᬳᬶᬧᬸᬦ᭄᭞ᬳᬬᬫ᭄ᬓᬮᬯᬸᬓᬤᬸᬤᬸᬗᬦ᭄᭞ᬳᬾᬩᬢ᭄ᬲᬫᬶ᭞ᬩᬦ᭄ᬢᭂᬦ᭄ᬮ᭄ᬯᬶᬃᬫᬜ᭄ᬘᬓᬸᬲᬸᬫ᭟᭐᭟ᬦᬗ᭄ᬳᬶᬂᬢᬢᬓᬦᬾᬪᬷᬦ᭞ᬜ᭄ᬬᬸᬳᬜᬃᬢᬸᬃᬫᬢᬸᬮᬶᬲ᭄᭞ᬫᬧᬶᬦ᭄ᬤᬦ᭄ᬧ᭄ᬭᬪᬸᬤᬦᬾᬦ᭄ᬤ᭄ᬭ
[ ᭗᭙ 79A]
ᬩᬦ᭄ᬢᭂᬦ᭄ᬘᬭᬸᬳᬾᬩᬢ᭄ᬧᬢᬸᬄ᭞ᬮ᭄ᬯᬶᬃᬦᬶᬂᬫᬜ᭄ᬘᬓᬸᬲᬸᬫ᭞ᬯᬾᬦ᭄ᬢᭂᬦ᭄ᬫᬮᬶᬄ᭞ᬯᭂᬯᭂᬄᬘᬭᬸᬫᬜ᭄ᬘᬲᬵᬦᬓ᭄᭟᭐᭟ᬲᬦᬾᬯᭂᬦᬂᬫᬜ᭄ᬘᬲᬦᬓᬂ᭞ᬬᬾᬦᬶᬂᬲᬗ᭄ᬕᬄᬓᬭᬂᬯᬾᬘᬶ᭞ᬓᬭᬜ᭄ᬚᬶᬗᬦ᭄ᬩᬸᬭᭀ
ᬦ᭄ᬯᬗ᭄ᬓᬯ᭞ᬤᬾᬱ᭄ᬝᬶᬪᬸᬢᬓᬭᬂᬲᬸᬯᬸᬂ᭞ᬫᬶᬯᬄᬚᬦ᭄ᬫᬫᬢᬶᬢᬶᬩ᭞ᬗᬸᬮᬄᬧᬵᬢᬶ᭞ᬩᬘᬓᬦᬶᬂᬲᬮᬄᬚᬮᬦ᭄᭟᭐᭟ᬫᬜ᭄ᬘᬲᬢᬫᬓᬤᬲᬃ᭞ᬳᬶᬢᬶᬓ᭄ᬩᬸᬮᬸᬲᬶᬓᭂᬧ᭄ᬫᬮᬶᬄ᭞ᬩᭂᬮᬂᬓᬮᬸᬂᬢᬍᬃ
ᬯᭂᬦᬂ᭞ᬩᬵᬂᬗᬸᬦ᭄ᬓᭂᬫ᭄ᬳᬲᬸᬦ᭄ᬳᬶᬧᬸᬦ᭄᭞ᬳᬾᬩᬢᬦ᭄ᬮ᭄ᬯᬶᬃᬳᬶᬦᬸᬘᬧ᭄᭞ᬫᬓᬲᬫᬶ᭞ᬓᬾᬯᬮᬗᬗ᭄ᬕᬾᬩᬬᬂᬩᬬᬂ᭟᭐᭟ᬧᬯᬾᬯᬾᬄᬳᬾᬩᬢᬦᬾᬓᭀᬘᬧ᭄᭞ᬭᬶᬂᬲᬗ᭄ᬕᬄᬢᬸᬢ᭄ᬯᬦ᭄ᬫᬮᬶᬄ᭞ᬰᬸᬘᬶᬕᭂ
ᬥᬾᬧᬦᬸᬳᬸᬭᬦ᭄᭞ᬲᬲᬶᬧᬢᬦ᭄ᬲᭀᬭᭀᬳᬦ᭄ᬫᬶᬮᬸ᭞ᬧ᭄ᬭᬲ᭄ᬤᬓ᭄ᬱᬶᬡᬮᬦ᭄ᬓᬢᬶᬧᬢ᭄᭞ᬩᬸᬭᬢ᭄ᬯᬗᬶ᭞ᬧᬗᬫ᭄ᬩᬾᬬᬦ᭄ᬧᬗᬸᬮᬧᬦ᭄᭟᭐᭟ᬧ᭄ᬭᬬᬰ᭄ᬘᬶᬢᬳᬤᬸᬮᬂ᭞ᬲᬲᬬᬸᬢ᭄ᬤᬃᬫᬶᬢᬫ