Page:Bali-lontar-gaguritan-pancayoga-01-300ppi.pdf/62

From Wikisource
Jump to navigation Jump to search
This page has been proofread.

[ ᭖᭑ 61B]
᭖᭑᭞
ᬢᭂᬫ᭄ᬩᬂᬜᬜᬶᬯᬾᬤᬲᬫᬶ᭟᭐᭟ᬓ᭄ᬱᬫᬯᬾᬤᬫᬦ᭄ᬢ᭄ᬭᬳᬮᬸᬲ᭄᭞ᬗᬦ᭄ᬢᭂᬩ᭄ᬳᬦ᭄ᬢᬸᬓ᭄ᬳᬚ᭄ᬜᬵᬦᬰᬸᬘᬶ᭞ᬓᬵᬮᬗᬢᭂᬃᬉᬧᬓᬵᬭ᭞ᬯᬾᬤᬫᬶᬚᬶᬮ᭄ᬧᭂᬦᬸᬄᬲᬫᬶ᭞ᬓᬶᬤᬸᬂᬯᬾᬤᬉᬣᬯᬶᬢᭂᬫ᭄ᬩᬂ᭞ᬲᬫᬶᬩᭂᬘᬶ
ᬓ᭄ᬫᬶᬯᬄᬰᬸᬘᬶ᭟᭐᭟ᬳᬸᬘᬧ᭄ᬳᬸᬘᬧ᭄ᬰᬸᬘᬶᬳᬮᬸᬲ᭄᭞ᬧᬗᬲ᭄ᬢᬯᬭᬶᬂᬳ᭄ᬬᬂᬯᬶᬥᬶ᭞ᬭᬶᬂᬪᬝᬵᬭᬱᬤ᭄ᬓᬳ᭄ᬬᬗᬦ᭄᭞ᬭᬶᬂᬓᬳ᭄ᬬᬗᬦ᭄ᬢᬶᬕᬫᬮᬶᬄ᭞ᬓᬶᬤᬸᬂᬫᬮᬢ᭄ᬓᬢᭂᬫ᭄ᬩᬗᬂ᭞ᬫᬶᬯᬄᬢᭂᬫ᭄ᬩᬂᬯᬃᬕᬲᬭᬷ᭟
᭐᭟ᬅᬢᬃᬯᬯᬾᬤᬧᬶᬂᬘᬢᬸᬃ᭞ᬤᬤᭀᬲ᭄ᬓᬮᬶᬄᬤᬰᬚᬶᬮᬶᬤ᭄᭞ᬤᬶᬸᬧᬶᬢᬸᬂᬳᬢᬸᬲᬰ᭄ᬭᬹᬢᬶᬫᬸᬗ᭄ᬕᬄ᭞ᬢᬶᬕᬂᬯᬃᬡᬓᬢᭂᬕᭂᬲᬶᬦ᭄᭞ᬚᬧᬫᬦ᭄ᬢ᭄ᬭᬲᬫᬶᬫᬸᬗ᭄ᬕᬄ᭞ᬓᭂᬢᬄᬫᬦᬹᬢᬶᬦ᭄ᬲᬸᬚᬵᬢᬶ᭟
᭐᭟ᬧᬶᬂᬓᬮᬶᬄᬫᬸᬗ᭄ᬕᬄᬳᬶᬭᬶᬓᬸ᭞ᬇᬦ᭄ᬤᬶᬓ᭄ᬓᬯᬶᬰᬾᬱᬦ᭄ᬲᬫᬶ᭞ᬧᬺᬕᭀᬮᬦ᭄ᬳᬲ᭄ᬢᬕᬸᬡ᭞ᬲᬃᬯᬰᬓ᭄ᬢᬶᬫᬦ᭄ᬢ᭄ᬭᬲᬦ᭄ᬤᬶ᭞ᬳᬚᬭᬦᬾᬓᬲᬸᬲᬸᬧᬂ᭞ᬭᬶᬂᬯᬢᭂᬓ᭄ᬳᬕᬸᬂᬦᬾᬗᬹᬦᬷ᭟᭐᭟ᬓᬧᬶᬂᬢᬶᬕᬤ
[ ᭖᭒ 62A]
ᬕᬶᬂᬳᬶᬧᬸᬦ᭄᭞ᬧᬗᬭᬤᬦ᭄ᬧᬗᬮᬄᬫᬮᬶᬄ᭞ᬧᬦᬯᬸᬢᬦ᭄ᬓᬘᭂᬮᬗᬦ᭄᭞ᬳᬚᬶᬯᭂᬕᬶᬕ᭄ᬳᬚᬶᬭᬶᬫ᭄ᬭᬶᬫ᭄᭞ᬳᬘᭂᬧᬦ᭄ᬫᭀᬫᭀᬅᬗ᭄ᬓᬭ᭞ᬧᬗᬶᬯᬦ᭄ᬩᬦ᭄ᬤᬲᬓᭀᬢᬶ᭟᭐᭟ᬦᬗ᭄ᬕᬮ᭄ᬤᬦᬾᬜᭀᬫᬦ᭄ᬳ
ᬲᬸᬂ᭞ᬬᬾᬦᬶᬂᬧᭂᬥᭂᬸᬦ᭄ᬤᭂᬫ᭄ᬲᬧᬸᬦᬧᬶ᭞ᬤ᭄ᬯᬦᬶᬂᬓᬭᬶᬓᬤᬳᬢᬦ᭄᭞ᬭᬶᬂᬩᬸᬢ᭄ᬚᬕᬢ᭄ᬦᬭᬶᬂᬩᬮᬶ᭞ᬧᬸᬦᬶᬓᬭᬢᬸᬗᬯᬶᬦᬂ᭞ᬫᬗ᭄ᬤᬢᬶᬢ᭄ᬬᬂᬢᬢᬲ᭄ᬳᬸᬦᬶᬂ᭟᭐᭟ᬳᭂᬫ᭄ᬧᬸᬥᬂᬳ᭄ᬬᬂᬫᬾᬲᭂᬫ᭄ᬫᬯᬸᬯᬸᬲ᭄᭞ᬳᬶᬦ᭄ᬤᬸᬩᬮᬶᬬᭀ
ᬕᬸᬦᬸᬂᬦᬫ᭄ᬧᭂᬓ᭄ᬓᬳ᭄ᬬᬗᬦ᭄᭞ᬪᬾᬬᬧᭂᬦ᭄ᬥᭂᬫ᭄ᬓᬯᬱ᭄ᬝᬦᬶᬦ᭄᭞ᬢᬍᬃᬗᬗ᭄ᬕᬾᬦᬸᬧᬓᬵᬭ᭞ᬫᬗᬦᬹᬢᬶᬦ᭄ᬳᬶᬦ᭄ᬤᬸᬩᬮᬶ᭟᭐᭟ᬢᭂᬫ᭄ᬧᬲᬓᬶᬂᬳᬶᬦ᭄ᬤᬸᬤᬸᬫᬸᬦ᭄᭞ᬲᬤᬸᬓ᭄ᬫᬧ᭄ᬭᬂᬦᬭᬶᬂᬩᬮᬶ᭞ᬫᬜ᭄ᬬᬢᬶᬦ᭄ᬳᬶ