[ ᭕᭙ 59B]
ᬲᭂᬫ᭄ᬩᬄᬫᬢᬸᬃᬳᬭᬶᬲ᭄᭞ᬲᬶᬗ᭄ᬕᬶᬄᬭᬢᬸ᭞ᬕᬸᬫᬦ᭄ᬢᬶᬢᬶᬢ᭄ᬬᬂᬫᬦᬸᬦᬲ᭄᭟᭐᭟ᬧᬸᬧᬸᬄᬕᬶᬦᬦ᭄ᬢᬶ᭟᭐᭟ᬇᬦ᭄ᬤᬶᬓ᭄ᬳᬦᬓ᭄ᬫᬧᬮᬓᬸ᭞ᬫᬶᬢ᭄ᬭᬧᬸᬚᬲᬦᬾᬗᬹᬦᬷ᭞ᬧᬸᬦᬶᬓᬢᬸᬦᬲᬂᬢᬶᬢ᭄ᬬᬂ᭞ᬲᬂᬋᬱᬶᬗᬦ᭄ᬤᬶᬓᬳᬭᬶᬲ᭄᭞
ᬲᬦᬾᬗᬹᬦᬶᬮᬶᬦ᭄ᬢᬂᬤᬗᬦ᭄᭞ᬫᬗ᭄ᬓᬾᬧᭂᬚᬄᬫᬗ᭄ᬓᬾᬪᬱ᭄ᬫᬶ᭟᭐᭟ᬦᬧᬶᬫᬮᬶᬄᬳᬦᬓ᭄ᬧᬸᬢᬸᬲ᭄᭞ᬳᬸᬦᬶᬂᬭᬶᬂᬭᬸᬭᬸᬗᬦ᭄ᬫᬸᬮᬶᬄ᭞ᬫᬃᬕᬫᭀᬓ᭄ᬱᬳᬶᬓᬸᬗᬭᬦ᭄᭞ᬲᬵᬫ᭄ᬧᬸᬦ᭄ᬘᬮᬸᬄᬳᬸᬮᬄᬳᬸᬮᬶᬄ᭞ᬯᬾᬦ᭄ᬢᭂᬦ᭄ᬓᭂ
ᬘᬧ᭄ᬫᬦᭂᬕᭂᬲᬂ᭞ᬭᬶᬂᬧᬹᬃᬯᬲᬵᬲᬦᬫᬮᬶᬄ᭟᭐᭟ᬦᬾᬗᬭᬦ᭄ᬧᬹᬃᬯᬳᬶᬓᬸ᭞ᬓᬯᬶᬢᬦ᭄ᬧᬸᬦᬶᬓᬓᬗᬶᬦ᭄᭞ᬧᬹᬯᬗᬭᬦ᭄ᬕᬮᬓ᭄ᬧᬚᬃ᭞ᬢᬢᬲ᭄ᬦᬭᬶᬂᬭᬸᬭᬸᬂᬫᬸᬮᬶᬄ᭞ᬧᬶᬓᭀᬮᬶᬄᬲᭂᬦᭂᬂᬫᬮ
ᬚᬄ᭞ᬳᬦᬓ᭄ᬧᬸᬢᬸᬤᬗᬦ᭄ᬤᬶᬦᬶ᭟᭐᭟ᬧᬸᬦᬶᬓᬦᬾᬜᬦ᭄ᬤᬂᬢᬶᬭᬸ᭞ᬗᬕᭂᬫᬵᬕᬫᬫᬳᬸᬭᬶᬧ᭄᭞ᬧᬸᬦᬶᬓᬫᬓᬲᬭᬶᬦ᭄ᬜ᭞ᬧᬸᬦᬶᬓᬦᬾᬚᬵᬢᬶᬲᬸᬗ᭄ᬓᭂᬫᬶᬦ᭄᭞ᬲᬵᬲᬦᬢ᭄ᬯᬶᬮᬓ᭄ᬱᬡᬬᬂ᭞ᬧᬮᬚ
[ ᭖᭐ 60A]
ᬳᬶᬦ᭄ᬲᬵᬫ᭄ᬧᬾᬳᬸᬦᬶᬂ᭟᭐᭟ᬬᬰᬧ᭄ᬭᬮᬬᬧᬸᬦᬶᬓᬸ᭞ᬗᬭᬦᬶᬂᬧᬮᬓᬸᬦ᭄ᬦᬶᬓᬶ᭞ᬦᭀᬭᬗᬗ᭄ᬕᬾᬉᬧᬓᬭ᭞ᬬᬤᬶᬦ᭄ᬓᬾᬧᬘᬂᬤᬦ᭄ᬤᬦᬶᬦ᭄᭞ᬳᬦ᭄ᬢᬸᬓ᭄ᬢᬷᬃᬣᬳᬶᬤᬰᬷᬯ᭞ᬳᬤ᭄ᬬᬧᬶᬦ᭄ᬩᬩᬦ᭄ᬢᭂᬦ᭄ᬫᬮᬶᬄ᭟
᭐᭟ᬤ᭄ᬬᬲ᭄ᬢᬸᬢᬦ᭄ᬳᬸᬦᬶᬂᬭᬶᬂᬭᬸᬭᬸᬂ᭞ᬮᬫᬸᬦ᭄ᬘᬧ᭄ᬮᬲ᭄ᬫᬗᬸᬕᭀᬦᬶᬦ᭄᭞ᬫᭂᬓᬲ᭄ᬲᬂᬗᬋᬧᬶᬦ᭄ᬰᬯ᭞ᬧᬸᬦᬶᬓᬢᬶᬦᬸᬮᬤ᭄ᬧᬫᬃᬕᬶ᭞ᬫᬦᬄᬕᬮᬂᬫᬃᬕᬳᬦ᭄ᬢᬃ᭞ᬧᬸᬦᬶᬓᬭᬳᬶᬦᬩᭂᬘᬶᬓ᭄᭟᭐᭟ᬕᬮᬂᬍᬫᬄᬯ
ᬱ᭄ᬝᬦ᭄ᬳᬶᬧᬸᬦ᭄᭞ᬢ᭄ᬯᬶᬦ᭄ᬯᬭᬶᬕᬳᬮᬄᬲᬫᬶ᭞ᬪᬕᬯᬵᬦ᭄ᬩ᭄ᬭᬕᬸᬗᬯᬦᬶᬸᬗᬸᬦᬂ᭞ᬲᬂᬳ᭄ᬬᬂᬏᬓᬚᬮᬋᬱᬶ᭞ᬳᬶᬤᬢ᭄ᬯᬶᬫ᭄ᬭᬕᬤᬾᬯᬲ᭞ᬰᬭᬷᬭᬦ᭄ᬲᬂᬫᬗᬸᬕᭀᬦᬶᬦ᭄᭟᭐᭟ᬫᭂᬓᬲ᭄ᬳᬶᬤᬤᬦᬾᬳᬶᬧᬸᬦ᭄᭞
ᬮᬫᬸᬦ᭄ᬓᬬᬸᬦ᭄ᬫᬜᬸᬘᬸᬓᬶᬦ᭄᭞ᬗᬶᬮᬾᬦᬂᬫᬫᬸᬢᬸᬲ᭄ᬓᬃᬬ᭞ᬗᬦᬹᬢᬶᬦ᭄ᬓᭂᬘᬧᬶᬂᬳᬚᬷ᭞ᬭᬶᬂᬓᭂᬫ᭄ᬩᬂᬯᬿᬢᬓᬳᬸᬗ᭄ᬕᬳᬂ᭞ᬤᬰᬧᬺᬓᬰᬦᭂᬕᭂᬲᬶᬦ᭄᭟᭐᭟ᬩᬩᬦ᭄ᬢᭂᬦ᭄ᬲᬫᬶᬫᬳᬸᬗ᭄ᬕᬸᬄ᭞
Page:Bali-lontar-gaguritan-pancayoga-01-300ppi.pdf/60
Jump to navigation
Jump to search
This page has been proofread.
