[ ᭕ 5B]
᭕᭞
ᬱᬬᬚ᭄ᬜᬵ᭟᭐᭟ᬘᬢᬸᬃᬧ᭄ᬭᬓᬺᬢᬶᬧᬶᬮᬶᬳᬶᬦ᭄᭞ᬫᬓᬫᬶᬯᬄᬘᬢᬸᬃᬬᬚ᭄ᬜᬵ᭞ᬜᬦ᭄ᬤᬂᬲᬶᬫ᭄ᬧᭂᬦ᭄ᬭᬶᬳᬢᬶᬦᬾ᭞ᬮᬫᬓᬦᬾᬦᭀᬭᬲᬶᬫ᭄ᬧᬂ᭞ᬢᬶᬦ᭄ᬤᬓ᭄ᬫᬦᬳᬾᬳᬤᬸᬗᬂ᭞ᬫᬮᬚᬄᬲᬵᬫ᭄ᬧᬸᬦᬂ
ᬩᬯᬸᬃ᭞ᬓᬢᬄᬩᬓᬢ᭄ᬓᬸᬢᬂᬓᬸᬢᬂ᭟᭐᭟ᬯᬸᬦᬶᬗᬾᬳᬗᬦ᭄ᬤᬶᬩᬶᬩᬶᬄ᭞ᬢᬸᬲᬶᬂᬤᬸᬤᬸᬓ᭄ᬳᬤᬓᬸᬢᬂ᭞ᬦᬲᬃᬫᬦᬄᬦᬤᭀᬲ᭄ᬫᭀᬫᭀ᭞ᬫᬬᬄᬳᬸᬢᬂᬗᬮᬶᬄᬳᬸᬢᬂ᭞ᬫᬮᬳᬦ᭄ᬫᬳᬸᬜ᭄ᬚᬸᬓ᭄ᬳᬸ
ᬢᬂ᭞ᬲᬶᬦᬄᬭᬵ ᬕᬳᬩᭀᬢ᭄ᬦᬶᬓᬸᬮ᭄᭞ᬗᬫᭀᬓᭀᬳᬂᬭᬚᬄᬢᬫᬄ᭟᭐᭟ᬫᬭᬶᬂᬭᭀᬦ᭄ᬢᬮ᭄ᬓᬢᭂᬕᭂᬲᬶᬦ᭄᭞ᬲᬭᬲᬫᬸᬘ᭄ᬙᬬᬳᬭᬦ᭄᭞ᬲᬓᬶᬂᬓᬸᬦᬢᬢᬫ᭄ᬬᬦᬾ᭞ᬯᬭᬄᬦᬪᬾ
ᬅᬪ᭄ᬬᬲ᭞ᬋᬱᬶᬅᬯᬭᬸᬘᬶᬗᬭᬦ᭄᭞ᬫᬗ᭄ᬭᬶᬧ᭄ᬢᬲᬭᬷᬦᬶᬂᬢᬸᬢᬸᬃ᭞ᬋᬱᬶᬓᬮᬶᬄᬓᬩ᭄ᬬᬓ᭄ᬢ᭟᭐᭟ᬫᬗ᭄ᬓᬉᬚᬃᬲᬂᬫᬳᬵᬋᬱᬶ᭞ᬪᬹᬢᬰᬯᬦᬸᬮ᭄ᬬᬦᬗ᭄ᬕᬮ᭄᭞ᬳᬭᬹᬫ᭄ᬳᬫᬦᬶᬲ᭄ᬫᬗᬲᭀᬃ᭞
[ ᭖ 6A]
ᬗᬦ᭄ᬤᬶᬓ᭄ᬢᬶᬢ᭄ᬬᬂᬦᬤᭀᬲ᭄ᬚᬦ᭄ᬫ᭞ᬮᬾᬤᬂᬭᬢᬸᬫᬧᬯᬭᬄ᭞ᬫᬶᬯᬄᬩᭂᬓᭂᬮ᭄ᬢᬶᬢ᭄ᬬᬂᬭᬢᬸ᭞ᬦ᭄ᬤᬵᬯᭂᬕ᭄ᬲᬶᬦᬵᬫ᭄ᬧᬸᬭᬧᬶᬲᬦ᭄᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬲᬓᬶᬂᬳᬮᬶᬢ᭄ᬢᬶᬢ᭄ᬬᬂᬪᬸᬢ᭞ᬳ
ᬕᭂᬢ᭄ᬫᬗ᭄ᬕᬸᬄᬓᬤᬶᬫᬗ᭄ᬓᬶᬦ᭄᭞ᬯᬾᬦ᭄ᬢᭂᬦ᭄ᬳᬭᬶᬦ᭄ᬢᬶᬢ᭄ᬬᬂᬧᬢ᭄ᬧᬢ᭄᭞ᬦᬦ᭄ᬤᬦ᭄ᬗᬚᬓ᭄ᬓᭂᬫᬫᬳᬶ᭞ᬢᬢᬦ᭄ᬫᬭᬶᬫᬗᬸᬮ᭄ᬕᬸᬮᬶᬦ᭄᭞ᬫᬗᭂᬩᬕ᭄ᬭᬳᬶᬦᬤᬮᬸ᭞ᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄ᬢᬸᬢᬸᬕ᭄ᬩᬚᬂ᭞ᬜᬤ᭄ᬬᬢᬶᬢ᭄ᬬᬂᬭᬯᬸᬄ
ᬢᬗ᭄ᬓᬶᬮ᭄᭞ᬭᬢᬸᬫ᭄ᬧᬸ᭞ᬢᬶᬢ᭄ᬬᬂᬫᬗᬢᬸᬭᬂᬚᬷᬯ᭟᭐᭟ᬓᬦ᭄ᬤᬦ᭄ᬜᬦᬾᬲᬂᬫᬗ᭄ᬚᬦ᭄ᬫ᭞ᬦᬭᬩ᭄ᬦᬭᭀᬦᬶᬯᬓ᭄ᬧᬓ᭄ᬱᬶ᭞ᬓᬜ᭄ᬘᬦ᭄ᬢᬭᬸᬳᭂᬩᬸᬦ᭄ᬧᬥᬂ᭞ᬧᬸᬦᬧᬶᬓᬾᬫᬳᬸᬭᬶᬧᬶᬦ᭄᭞ᬤᬸᬭᬸᬲᬂᬭᬢᬸ
ᬮᬶᬗ᭄ᬕᬦᬶᬦ᭄᭞ᬮᬫᬓᬦᬾᬭᬵᬦᬓᭂᬫ᭄ᬧᬸ᭞ᬳᬸᬦᬶᬗᬇᬦ᭄ᬤᬶᬓ᭄ᬧᬸᬦᬶᬓ᭞ᬓᬧᬶᬦᬶᬸᬩᬶᬦ᭄ᬤᬜ᭄ᬚᬷᬯᬳᬶᬦ᭄᭞ᬪᬾᬤᬦᬶᬧᬸᬦ᭄᭞ᬓᬜ᭄ᬘᬦᬶᬂᬯᬢᭂᬓ᭄ᬫᬗ᭄ᬓᬶᬳᬦ᭄᭟᭐᭟ᬬᬾᬦᬶᬂᬢᬸᬗ᭄ᬕᬮ᭄ᬩᬩᬓᬮᬦ᭄᭞
Page:Bali-lontar-gaguritan-pancayoga-01-300ppi.pdf/6
Jump to navigation
Jump to search
This page has been proofread.
