Page:Bali-lontar-gaguritan-pancayoga-01-300ppi.pdf/58

From Wikisource
Jump to navigation Jump to search
This page has been proofread.

[ ᭖᭗ 57B]
᭕᭗᭞
ᬯᬫᬓᬲᬫᬶ᭞ᬤ᭄ᬯᬦᬶᬂᬳᬶᬤᬫᬕᬸᬭᬸ᭞ᬢᬦ᭄ᬯᬾᬦ᭄ᬢᭂᬦ᭄ᬭᬯᬸᬄᬫᬮᬚᬄ᭞ᬲᬶᬭᬓᬾᬧᬘᬂᬳᬚᬳᬶᬦ᭄᭞ᬦᬸᬮ᭄ᬬᬳᬤᬸᬂ᭞ᬲᬫᬶᬭᬯᬸᬄᬫᬧᬭᬸᬫᬦ᭄᭟᭐᭟ᬗᬯᬶᬮᬗᬶᬦ᭄ᬳᬗ᭄ᬕᬦ᭄ᬳᬶᬤ᭞ᬲᬶᬭᬧᬢᬸᬢ᭄ᬗ
ᬫᬺᬢᬦᬶᬦ᭄᭞ᬲᬂᬧᬡ᭄ᬥᬶᬢᬢᬦ᭄ᬧᬰᬶᬱ᭄ᬬ᭞ᬧᬡ᭄ᬥᬶᬢᬯᭂᬦᬂᬫᬸᬗ᭄ᬕᭂᬮᬶᬦ᭄᭞ᬓᬜ᭄ᬘᬦ᭄ᬢᬢ᭄ᬯᬦᬾᬉᬢ᭄ᬢᬫᬶ᭞ᬫᬶᬯᬄᬲᬂᬳ᭄ᬬᬂᬯᬾᬤᬘᬢᬸᬃ᭞ᬳᬶᬤᬲᬸᬂᬲᬸᬂᬮ᭄ᬯᬶᬄᬧᬶᬗᬶᬢᬂ᭞ᬢᬸᬦᬲᬶᬦ᭄ᬫᬺᬢᬲ᭄ᬬᬂᬭᬢ᭄ᬭᬶ᭞ᬭᬕᬧᬸᬢᬸᬲ᭄᭞ᬓᬸ
ᬚᬂᬦᬬᬦᬾᬫᬓᬦ᭄ᬤ᭟᭐᭟ᬗᬫᬗ᭄ᬕᭂᬳᬂᬰᬶᬯᬲᬵᬲᬦ᭞ᬫᬶᬯᬄᬲᬵᬲᬦᬦᬺᬯᬶ᭞ᬦᭀᬭᬓᬾᬗᬶᬦ᭄ᬫᬤᬤᬕᬂ᭞ᬦᭂᬕᭂᬦ᭄ᬜᬸᬯᬸᬦ᭄ᬦᭀᬭᬓᬾᬗᬶᬦ᭄᭞ᬬᬤᬶᬦ᭄ᬫᬕᬯᬾᬭᬶᬂᬘᬭᬶᬓ᭄᭞ᬫᬢᭂᬓᬧ᭄ᬫᬗᬗᬾ
ᬦᬼᬫ᭄ᬩᬸᬤᬸᬂᬩᬩᬯᭀᬲᬾᬓᭀᬘᬧ᭄᭞ᬦᬸᬮ᭄ᬬᬯᬾᬦ᭄ᬢᭂᬦ᭄ᬫᬜᬗ᭄ᬕᬸᬧᬶᬦ᭄᭞ᬳᭂᬫ᭄ᬧᬸᬮᬸᬢᬸᬓ᭄᭞ᬫᬸᬮᬶᬢᬶᬓᬶᬦᬸᬧᬓᬵᬭ᭟᭐᭟ᬲᭀᬮᬲ᭄ᬲᭀᬭᭀᬄᬉᬧᬓᬵᬭ᭞ᬓ᭄ᬭᬓᬶᬢ᭄ᬤᬤᭀᬲ᭄ᬓᬓᬮᬶᬄ᭞
[ ᭕᭘ 58A]
ᬭᬶᬂᬩᬩᬦ᭄ᬢᭂᬦ᭄ᬭᬸᬯᬂᬘᬘᬭᭀᬦ᭄᭞ᬫᬗ᭄ᬤᬳᬤᬸᬂᬲᬫᬶᬫᬲᬳᬶᬄ᭞ᬉᬧᬓᬵᬭᬫ᭄ᬯᬂᬧᬗᬘᬶ᭞ᬭᬶᬂᬧᬸᬭᬧ᭄ᬭᬬᬗᬦ᭄ᬫᬸᬗ᭄ᬕᬸᬄ᭞ᬬᬤᬶᬦ᭄ᬩᬦ᭄ᬢᭂᬦ᭄ᬪᬢᬬᬚ᭄ᬜᬵ᭞ᬦᬭᬶᬂᬧᬶᬢ᭄ᬭᬫᬸᬗ᭄ᬕᬄᬲᬫᬶ᭞ᬩᬦ᭄ᬢᭂᬦ᭄ᬫᬸᬗ᭄ᬕᬸᬄ᭞ᬚᬤᬶᬦ᭄ᬗᬸᬧᬓᬵᬭᬚᬦ᭄ᬫ
᭟᭐᭟ᬓᬤᬤᭀᬲᬂᬢᬶᬕᬂᬩᬕ᭄ᬬᬦ᭄᭞ᬦᬶᬱ᭄ᬝᬫᬥ᭄ᬬᬉᬢ᭄ᬢᬫᬦᬾᬓᬶ᭞ᬦᬾᬧᬢᬹᬢ᭄ᬳᬕᭂᬫ᭄ᬫᬵᬦᬸᬱ᭞ᬘᬢᬸᬃᬚᬦ᭄ᬫᬬᬚ᭄ᬜᬵᬫᬾᬲᬶ᭞ᬭᬶᬂᬢᬶᬃᬣᬯᬾᬤᬦᬾᬫᬮᬶᬄ᭞ᬦᬭᬶᬂᬓᬚᬂᬢᬍᬃᬫᬸᬗ᭄ᬕᬸᬄ᭞ᬢᬢᬸᬮᬶᬲᬦ᭄ᬭᬾ
ᬘᬥᬦ᭞ᬲᬫᬶᬦᬸᬗ᭄ᬕᬄᬗᭂᬳᬄᬧᬗᬚᬶ᭞ᬢᭂᬕᭂᬲ᭄ᬤᬶᬢᬸ᭞ᬦᬶᬱ᭄ᬝᬫᬥ᭄ᬬᬫᬉᬢ᭄ᬢᬫ᭟᭐᭟ᬯᬾᬦ᭄ᬢᭂᬦ᭄ᬫᬮᬶᬄᬭᬹᬧᬢᬶᬕ᭞ᬭᬶᬂᬅᬢᬢᬶᬯᬯᬱ᭄ᬝᬦᬶᬦ᭄᭞ᬧᬧᬕᬧᬦᭂᬕᭂᬦ᭄ᬰᬯ᭞ᬫ᭄ᬯᬄᬯᬥᬄᬳᬭᬦᬾᬓᬶ᭞ᬢᬸ
ᬫ᭄ᬧᬂᬢᬸᬫ᭄ᬧᬗᬾᬫᬕᬸᬭᬶᬢ᭄᭞ᬭᬶᬂᬳᬸᬜ᭄ᬘᬮ᭄ᬢᭂᬕᭂᬲᬂᬤᬶᬢᬸ᭞ᬳᬶᬢ᭄ᬭᬶᬢᬗ᭄ᬰᬘᬢᬸᬃᬢᬗ᭄ᬰ᭞ᬫᬗ᭄ᬕᭂᬄᬲᬫᬶᬫᬗᬸᬕ᭄ᬯᬦᬶᬦ᭄᭞ᬓᬸᬕᬸᬗᬸᬭᬸᬂ᭞ᬓᬱ᭄ᬝᬦᬾᬲᭂᬗ᭄ᬕᬸᬄᬲᬬᬸᬩᬦ᭄᭟᭐᭟ᬢᬢ᭄ᬯᬲᬫᬶᬓ