Page:Bali-lontar-gaguritan-pancayoga-01-300ppi.pdf/54

From Wikisource
Jump to navigation Jump to search
This page has been proofread.

[ ᭕᭓ 53B]
᭕᭓᭞
ᬦᬶᬦᭀᬭᬳᬦᬦᬧᬶᬫᬮᬶᬄ᭞ᬤᬸᬤᬸᬤᬾᬯᬪᬹᬢᬤᬸᬤᬸ᭞ᬬᬤᬶᬦ᭄ᬪᬝᬵᬭᬉᬘᬧᬂ᭞ᬲᬫᬶᬩᭀᬬᬬᬦᬸᬘᬧᬂᬲᬫᬶᬤᬸᬤᬸ᭞ᬧᬸᬧᬸᬢ᭄ᬧᬗᬸᬕᬸᬦᬶᬂᬫᬦᬄ᭞ᬧᬸᬦᬶᬓᬲᬭᬶᬦᬾᬫᬸᬃᬦᬶ᭟᭐᭟ᬤᬸ
ᬤᬸᬬᭀᬕᬚᬧᬫᬦ᭄ᬢ᭄ᬭ᭞ᬮᬦ᭄ᬲᬵᬫᬤᬶᬤᬦᬾᬓᭂᬢᬸᬢ᭄ᬕᭂᬮᬶᬲ᭄ᬜᬯᬶᬲ᭄᭞ᬦᬧᬶᬓᬾᬬᭀᬕ᭄ᬬᬦ᭄ᬳᬶᬧᬸᬦ᭄᭞ᬫᬓᬮᬦ᭄ᬳᬭᬦ᭄ᬗᬲ᭄ᬢᬯ᭞ᬓᬂᬫᬸᬲ᭄ᬢᬶᬓᬓᭂᬦᭂᬮᬶᬗ᭄ᬕᬶᬄᬲᬂᬳ᭄ᬬᬂᬳᬬᬸ᭞ᬫᬗ᭄ᬤᬲᬶᬤ᭄ᬥᬓᬢᬭᬶᬫ᭞ᬓ
ᬮᬦᬶᬂᬢᬶᬢ᭄ᬬᬂᬗᬪᬓ᭄ᬢᬶ᭟᭐᭟ᬳᭂᬫ᭄ᬧᬸᬤᬮᬂᬫᬾᬲᭂᬫ᭄ᬦᬗ᭄ᬕᬮ᭄᭞ᬲᭀᬮᬄᬪᬓ᭄ᬢᬶᬘᬮᬸᬳᬾᬫᬗᬯᬶᬦᬶᬦ᭄᭞ᬭᬶᬂᬤ᭄ᬯᬭᬯᬢ᭄ᬬᬓᬯᬸᬯᬸᬲ᭄᭞ᬳᬶᬤᬫᬳᬵᬭᬚᬵᬓᬺᬱ᭄ᬡ᭞ᬫᬫᬋᬓᬦ᭄ᬲᬓᬶᬂᬳᬮᬶᬢ᭄ᬳᬶ
ᬤᬘᬮᬸᬄ᭞ᬧᬕᭂᬄᬦᬸᬗ᭄ᬕᬸᬧᬸᬭᬦ᭄ᬢᬭ᭞ᬫᬳᬯᬶᬦᬦ᭄ᬳᬶᬥᭂᬧ᭄ᬰᬸᬘᬶ᭟᭐᭟ᬯᬦ᭄ᬢᬄᬳᬶᬤᬦᬾᬫᬺᬤ᭄ᬥᬬᬂ᭞ᬗᬋᬋᬄᬰᬸᬘᬶᬫᬮᬦ᭄ᬢᬭᬦ᭄ᬳᬶᬥᭂᬧ᭄ᬰᬸᬘᬶ᭞ᬓᬮᬸᬕ᭄ᬭᬳᬶᬦ᭄ᬧᬭᬩ᭄ᬘᬢᬸᬃ᭞ᬫᬓᬲᬫᬶ

[ ᭕᭔ 54A]
ᬫᬳᭀᬢ᭄ᬢᬫ᭞ᬧᬭᬩ᭄ᬳᬶᬤᬧᬶᬦᬶᬄᬳᬚᭂᬂᬦᬾᬓᬯᬸᬯᬸᬲ᭄᭞ᬲᬂᬅᬭᬶᬫᬃᬢ᭄ᬢᬶᬫᬗᬭᬦ᭄᭞ᬫᬗᬫᭂᬮᬂᬧᬜ᭄ᬘᭂᬃᬕᬸᬫᬶ᭟᭐᭟ᬲᬫᬶᬚᬷᬃᬡᬓᬲᬸᬦᬭᬦ᭄᭞ᬓᬫᬺᬢᬦᬶᬦ᭄ᬓᬜ᭄ᬘᬦᬶᬂᬯᬢᭂ
ᬓ᭄ᬫᬳᬸᬭᬶᬧ᭄᭞ᬪᭀᬕᬃᬣᬪᬸᬱᬡᬲᬵᬫ᭄ᬧᬸᬦ᭄᭞ᬲᬂᬧᬤ᭄ᬫᬦᬪᬗᬭᬦ᭄᭞ᬳᬶᬤᬦᬸᬗ᭄ᬕᬮ᭄ᬗᬯᬓᬶᬮᬶᬦ᭄ᬲᬂᬳ᭄ᬬᬂᬢᬸᬤᬸᬄ᭞ᬳᬶᬤᬫᬭᬕᬧᭂᬢᭂᬂᬍᬫᬄ᭞ᬫᬧᬸᬢᭂᬃᬢᭂᬢᭂᬧᬂᬲᬳᬶ᭟᭐᭟ᬚᬦᬃ
ᬥᬦᬓᬳᬸᬘᬧᬂ᭞ᬫᬜᬬᬸᬩᬶᬦ᭄ᬢ᭄ᬯᬶᬦ᭄ᬫᬭᬕᬢᬦᬄᬮᬗᬶᬢ᭄᭞ᬬᬤ᭄ᬬᬦ᭄ᬜᬗ᭄ᬕᬦᬤᭀᬲ᭄ᬧᬬᬸᬂ᭞ᬗᬤᬓᬂᬲᬃᬯᬳᭂᬦ᭄ᬢᬶᬓᬦ᭄᭞ᬓᬤᬶᬯᬃᬱᬲᬢᬢᬫᬺᬢᬦᬾᬭᬸᬦ᭄ᬢᬸᬄ᭞ᬲᬂᬧᬤ᭄ᬫᬯᬶᬚᬬᬫᬸᬮ᭄ᬬ᭞ᬓ
ᬲᬸᬫ᭄ᬩᬸᬗᬂᬭᬯᬸᬄᬫᬗ᭄ᬓᬶᬦ᭄᭟᭐᭟ᬫᬧᬭᬩ᭄ᬳᬶᬤᬲᬂᬓᬺᬱ᭄ᬡ᭞ᬲᬵᬭᬶᬲᬵᬭᬶᬫᬗᭀᬤᬕ᭄ᬫᬫᬜ᭄ᬚᬓᬶᬦ᭄᭞ᬫᬭᬕᬳᬦᬦᭀᬭᬢᬸᬳᬸ᭞ᬫᬗᬶᬗ᭄ᬓᬸᬧᬂᬚᬕᬢ᭄ᬢᬶᬕ᭞ᬲᬂᬳ᭄ᬬᬂᬢᬶᬕᬳ᭄ᬬᬂᬇᬰ᭄ᬯᬭᬩ᭄ᬭᬵᬳ᭄ᬫ