Page:Bali-lontar-gaguritan-pancayoga-01-300ppi.pdf/41

From Wikisource
Jump to navigation Jump to search
This page has been proofread.

[ ᭔᭐ 40B]
᭔᭐᭞
ᬢᭂᬓᭂᬢᬶᬦ᭄᭞ᬥᬃᬫᬦᬶᬂᬤᬤᭀᬲ᭄ᬫᬵᬦᬸᬱ᭞ᬘᬢᬸᬃᬧᬢᬹᬢ᭄ᬦᬾᬕᬯᬾᬦᬷᬦ᭄᭞ᬮ᭄ᬯᬶᬃᬧᬯᬭᬄᬳᬦᬾᬂᬗᬹᬦᬷ᭞ᬳ᭄ᬬᬂᬩ᭄ᬭᬵᬳ᭄ᬫᬳᬶᬤᬢᬸᬫᬸᬭᬸᬦ᭄᭞ᬗᬶᬘᬾᬦ᭄ᬘᭀᬦ᭄ᬢᭀᬭᬶᬂᬫᬵᬦᬸᬱ᭞ᬘᬢᬸᬃᬧᬗ᭄ᬓᬧᬸᬢ᭄ᬭᬫᬶᬚᬶᬮ᭄᭞ᬬᭀᬕ
ᬧᬸᬢᬸᬲ᭄᭞ᬗᬫᬶᬚᬶᬮᬂᬧᬭᬧᬸᬢ᭄ᬭ᭟᭐᭟ᬲᬓᬶᬂᬲᬹᬃᬬ᭄ᬬᬘᬦ᭄ᬤ᭄ᬭᬫᭂᬤᬮ᭄᭞ᬲᬶᬦᬋᬗᬦ᭄ᬓᬮᬶᬄᬲᬶᬓᬶ᭞ᬫᬪᬶᬱᬾᬓᬰᬶᬯᬩᬸᬤ᭄ᬥ᭞ᬳ᭄ᬬᬂᬆᬕᬫᬓᬳᬫᭀᬗᬶᬦ᭄᭞ᬲᬩᬦ᭄ᬯᭂᬗᬶᬲᬳᬶᬫᬶᬚᬶᬮ᭄᭞ᬢᬶᬕᬲ
ᬓᬶᬂᬥᬥᬫᭂᬢᬸ᭞ᬫᬓᬢ᭄ᬭᬶᬦᬶᬓᬶᬘᬾᬦ᭄ᬧᬭᬩ᭄᭞ᬫᬵᬦᬸᬯᬗ᭄ᬰᬓᬧᬭᬩᬶᬦ᭄᭞ᬭᭀᬭᭀᬓᬦ᭄ᬢᬦ᭄᭞ᬲᬹᬃᬬ᭄ᬬᬯᬗ᭄ᬰᬲᭀᬫᬯᬗ᭄ᬰ᭟᭐᭟ᬫᬢᬶᬕᬓᬲᬸᬗᬦ᭄ᬓᬃᬬ᭞ᬓᬲᬸᬓᬦᬶᬦ᭄ᬗᬫᭀᬂᬕᬸᬫᬶ᭞ᬫᬢᭂᬕᭂᬲ᭄ᬲ
ᬢ᭄ᬭ᭄ᬬᭀᬢᬫ᭞ᬧᬸᬭᬸᬱᬦᬗ᭄ᬕᭂᬦᬶᬦ᭄ᬕᬸᬫᬶ᭞ᬓᬧᬶᬂᬢᬶᬕᬫᬮᬶᬄᬫᬶᬚᬶᬮ᭄᭞ᬢᬶᬕᬲᬓᬶᬂᬳᭀᬤᭂᬮ᭄ᬫᭂᬢᬸ᭞ᬓᬲᬸᬗᬦ᭄ᬧᬭᬩ᭄ᬲᬂᬢᬶᬕ᭞ᬲᬶᬢᬦ᭄ᬫᬸᬦ᭄ᬤᬸᬃᬦᬾᬳᬲᬶᬓᬶ᭞ᬲᬶᬢᬦ᭄ᬓᬸᬯᬸᬃ᭞ᬲᬶᬢᬦ᭄ᬓᭀᬩᬾᬃᬓᬧᬶᬂᬢᬶᬕ

[ ᭔᭑ 41A]
᭟᭐᭟ᬓᬲᬸᬗᬦ᭄ᬓᬃᬬᬫᬤᬕᬂ᭞ᬗᬭᬦ᭄ᬯᬾᬱ᭄ᬬᬫᬗᬺᬢᬦᬶᬦ᭄᭞ᬦᬭᬶᬂᬚᬕᬢᬶᬦ᭄ᬤᭀᬦᬾᬲ᭄ᬬ᭞ᬫᬗᬶᬲᬶᬤᬂᬳᬲᬶᬮ᭄ᬪᬸᬫᬶ᭞ᬓᬧᬶᬂᬘᬢᬸᬃᬧᬸᬢ᭄ᬭᬦᬾᬫᬶᬚᬶᬮ᭄᭞ᬲᬧ᭄ᬢᬓ᭄ᬯᬾᬄᬲᬧᬶᬲᬦ᭄ᬫᭂᬢᬸ᭞ᬲᬓᬶᬂᬧᬸᬧᬸᬚ
ᬗ᭄ᬕ᭄ᬬᬦ᭄ᬳᬶᬤ᭞ᬪᬝᬵᬭᬮᬾᬤᬂᬜᬸᬓᬦᬶᬦ᭄᭞ᬢᭂᬕᭂᬲ᭄ᬤᬶᬢᬸ᭞ᬤᬦᬾᬧᬲᭂᬓ᭄ᬳᬶᬓᬸᬗᬭᬦ᭄᭟᭐᭟ᬫᬶᬓᬶᬘᬾᬦ᭄ᬮ᭄ᬯᬶᬃᬧᬓᬃᬬᬦ᭄᭞ᬫᬦᬤᬸᬭᬂᬲᬃᬯᬩᬶᬩᬶᬢ᭄᭞ᬨᬮᬯᬶᬚᬨᬮᬩᬸᬗ᭄ᬓᬄ᭞ᬩᬧᬓ᭄ᬢᬦᬶᬓᬳᬭᬦᬶᬦ᭄᭞
ᬪᬝᬵᬭᬫᬧ᭄ᬯᬭᬄᬫᬮᬶᬄ᭞ᬉᬥᬸᬄᬭᬵᬦᬓ᭄ᬲᬵᬦᬓ᭄ᬘᬢᬸᬃ᭞ᬳᬮᬄᬳᬸᬮᬸᬳᬶᬂᬧᬓᬃᬬᬦ᭄᭞ᬳᬦᬹᬢᬂᬩᬢᬾᬘᭂᬦᬶᬂ᭞ᬓᬮᬶᬄᬲᬗᬸ᭞ᬢᬶᬕᬂᬯᬃᬡᬉᬚᬃᬩᬧ᭟᭐᭟ᬦᬶᬱ᭄ᬝᬫᬥ᭄ᬬᬮᬦᬸᬢ᭄ᬢᬫ᭞ᬗ
ᬭᬦᬶᬓᬦᬂᬧᬓᬺᬢᬶ᭞ᬦᬶᬱ᭄ᬝᬦ᭄ᬜᬗᬯᬾᬦᬶᬦ᭄ᬢᬦᬄ᭞ᬘᬸᬘᬸᬓ᭄ᬘᬦᭂᬫ᭄ᬩᬶᬩᬶᬢ᭄᭞ᬫᬥ᭄ᬬᬦ᭄ᬳᬶᬧᬸᬦ᭄ᬓᬂᬧᬓᬺᬢᬶ᭞ᬗᬯᬾᬲᬗ᭄ᬕᬄᬫᬧᬯᬶᬸᬯᬗᬸᬦ᭄᭞ᬳᬸᬫᬄᬧᬸᬭᬘᬶᬯᬥᬄ᭞ᬉᬦ᭄ᬤᬕᬶᬳᬭᬦᬶᬭᬾᬓᬶ᭞ᬯᬾ