[ ᭓᭘ 38B]
᭓᭘᭞
ᬦ᭄ᬳᬸᬭᬶᬧ᭄ᬮ᭄ᬯᬶᬃᬤᬸᬓᬸᬦ᭄ᬫᬓᬓᬦ᭄ᬢᬶ᭞ᬳᬗ᭄ᬕᬦᬶᬂᬭᬩᬶᬲᬶᬄᬢᬸᬳᬸ᭞ᬲᬬᬂᬤᬾᬯᬗᭂᬫ᭄ᬧᬸᬳᬯᬓ᭄᭞ᬩᬸᬤ᭄ᬥᬶᬳᬓᬮ᭄ᬫᬓᬤᬲᬭᬶᬂᬧᬓᬸᬓᬸᬄ᭞ᬫᬶᬓᬸᬓᬸᬳᬶᬦ᭄ᬳ᭄ᬬᬂᬆᬕᬫ᭞ᬲᬲᬭᬶᬗᬦ᭄ᬯᬢᭂᬓ᭄ᬰᬸᬘᬶ᭟᭐᭟
ᬢᬸᬗ᭄ᬕᭂᬂᬧᬗᬸᬕᬸᬦᬾᬭᬵᬦᬓ᭄᭞ᬯ᭄ᬯᬂᬫᬳᬸᬭᬶᬧ᭄ᬬᭀᬕ᭄ᬬᬲᬳᬶᬫᬗᬸᬕ᭄ᬯᬦᬶᬦ᭄᭞ᬲᬵᬫᬤᬶᬭᬳᬶᬦᬤᬮᬸ᭞ᬓᬭᬩᬺᬲᬶᬄᬳᬶᬓᬸᬗᬭᬦ᭄᭞ᬭᬶᬂᬅᬚ᭄ᬜᬵᬦᬩᬺᬲᬶᬄᬳᬗ᭄ᬕᬦᬾᬓᬯᬸᬯᬸᬲ᭄᭞ᬯ᭄ᬯᬂᬓᬬᭂᬄᬬᬳᬶᬓᬸᬗᬭᬦ᭄᭞
ᬗᬥᬶᬂᬘᬃᬫᬓᬯᬱ᭄ᬝᬦᬶᬦ᭄᭟᭐᭟ᬫᬜ᭄ᬭᬄᬳᬗ᭄ᬕᬩᬸᬤ᭄ᬥᬶᬫᬦᬄ᭞ᬗᬭᬦ᭄ᬯᬦᬶᬭᬶᬂᬲᬂᬳ᭄ᬬᬂᬫᬳᬵᬰᬶᬘᬶ᭞ᬧᬸᬦᬶᬓᬲᬵᬫᬵᬧᬸᬦ᭄ᬫᬧᬬᬸᬂ᭞ᬳᬶᬭᬶᬓᬳᬦᬭᬶᬂᬚᬕᬢ᭄᭞ᬳᬦ᭄ᬢᬸᬓ᭄ᬤᬃᬫ᭞ᬲᬂᬳ᭄ᬬᬂᬥᬃᬫᬫᬓᬲ
ᬬᬸᬩ᭄᭞ᬤᬤᬶᬗᬮᬧ᭄ᬢᬦ᭄ᬧᬢᬗᬦ᭄᭞ᬗᬭᬦ᭄ᬩ᭄ᬭᬵᬳ᭄ᬫᬡᬲᬸᬚᬵᬢᬶ᭟᭐᭟ᬳᬶᬓᬸᬗᬭᬦ᭄ᬚᬮᬦ᭄ᬢᭂᬗᬄ᭞ᬢᬦ᭄ᬧᬦᭀᬮᬶᬄᬜᬶᬗᬓᬶᬦ᭄ᬓᬦᬦ᭄ᬓᬶᬭᬶ᭞ᬮᬫ᭄ᬧᬳᬾᬲᬢᬢᬚᬸᬚᬸᬃ᭞ᬢ᭄ᬯᬶᬧᬡ᭄ᬥᬶᬢᬫᬓᬩᬭ
[ ᭓᭙ 39A]
ᬦ᭄᭞ᬉᬥᬸᬄᬭᬵᬦᬓ᭄᭞ᬬᬧ᭄ᬯᬦ᭄ᬢᬦ᭄ᬓᬬᬧᬸᬦᬶᬓᬸ᭞ᬫᬜᭀᬂᬫᬜᭀᬂᬳᬶᬓᬸᬗᬭᬦ᭄᭞ᬳᬢᬶᬩᬶᬗᬸᬂᬳᬮᬄᬪᬸᬢᬶ᭟᭐᭟ᬢᬫ᭄ᬩᭂᬢᬾᬤᬤᬶᬲᬗ᭄ᬲᬭ᭞ᬓᬶᬭᬂᬳᬣᬶᬤᬤᬶᬲᬸᬫ᭄ᬩᬸᬂᬫᬫᬸᬜᬶ᭞ᬢ᭄ᬯᬶᬦ᭄ᬫ
ᬮᬚᬄᬢᬦ᭄ᬧᬕᬸᬭᬸ᭞ᬜᬸᬗ᭄ᬓᭂᬫᬶᬦ᭄ᬢᬢᬸᬚᭀᬦ᭄ᬲᬮᬄ᭞ᬯᬶᬦᬮᬸᬬᬗᬺᬫ᭄ᬢᬮᬸᬄᬦᬾᬲᭂᬫ᭄ᬩᬸᬯᬸᬓ᭄᭞ᬳᬗ᭄ᬕᬦᬶᬂᬯ᭄ᬯᬂᬫᬜᬶᬗᬶᬤᬂ᭞ᬳᭂᬳᭂᬧ᭄ᬳᬧᬦ᭄ᬳᬶᬓᬂᬧᬭᬶ᭟᭐᭟ᬩᬗᬸᬦᬼᬫᬄᬫᬢᬸᬃᬲᭂᬫ᭄ᬩᬄ᭞ᬲᬶᬗ᭄ᬕᬶᬄᬲᬶᬗ᭄ᬕᬶᬄ
ᬭᬢᬸᬲᬂᬅᬤᬶᬍᬯᬶᬄ᭞ᬲᬶᬦᬵᬫ᭄ᬧᬸᬭᬭᬵᬦᬓ᭄ᬳᭂᬫ᭄ᬧᬸ᭞ᬮᬗ᭄ᬖ᭄ᬬᬧᬸᬭᬸᬦ᭄ᬫᬧᬶᬦᬸᬦᬲ᭄᭞ᬮ᭄ᬯᬶᬃᬳᬶᬦᬸᬘᬧ᭄ᬧᬧᬶᬗᬶᬢᬦ᭄ᬯᬢᭂᬓ᭄ᬯᬶᬓᬸ᭞ᬲᬭᬶᬗᬦ᭄ᬧᬡ᭄ᬥᬶᬢᬰᬸᬓ᭄ᬮ᭞ᬦ᭄ᬤᬵᬢᬦ᭄ᬓᭂᬦᬶᬉᬧᬤ᭄ᬭᬯᬶ᭟᭐᭟ᬯᬦᭂᬂᬧᬶᬗᬶ
ᬢ᭄ᬢᬶᬢ᭄ᬬᬂᬦᬸᬦᬲ᭄᭞ᬓᬢᭂᬕᭂᬲᬶᬦ᭄ᬭᬶᬂᬘᬢᬸᬯᬾᬤᬲᬫᬶ᭞ᬥᬂᬕᬸᬭᬸᬭᬭᬶᬲ᭄ᬲᬸᬫᬯᬸᬃ᭞ᬳᬶᬓᬂᬗᬭᬦ᭄ᬧᬧᬶᬗᬶᬢᬦ᭄᭞ᬗᬭᬦ᭄ᬫᭀᬦᬗᬭᬦ᭄ᬲᭂᬧᬶᬗᬭᬦ᭄ᬲᬸᬯᬸᬂ᭞ᬳᬗ᭄ᬕᬩᬸᬤ᭄ᬥᬶᬚᬂᬫᬓᭂᬚᬂ᭞ᬧᬸᬧᬸᬮᬦ᭄ᬲᬂ
Page:Bali-lontar-gaguritan-pancayoga-01-300ppi.pdf/39
Jump to navigation
Jump to search
This page has been proofread.
