Page:Bali-lontar-gaguritan-pancayoga-01-300ppi.pdf/34

[ ᭓᭓ 33B]
᭓᭓᭞
ᬓᬮᬄᬫᬬᬥᬂᬦᬯ᭞ᬭᬓ᭄ᬬᬢ᭄ᬳᬶᬦ᭄ᬤᬸᬓᬾᬄᬫᬗᬶᬭᬶᬂ᭞ᬗᬶᬭᬶᬂᬅᬃᬬᬫᬳᬵᬤᬾᬯ᭞ᬳᬓ᭄ᬯᬾᬄᬚᭂᬦᭂᬓ᭄ᬦᬭᬶᬂᬩᬮᬶ᭟᭐᭟ᬩᬩᬦ᭄ᬢᭂᬦ᭄ᬭᬭᬧᬦ᭄ᬳᬶᬦ᭄ᬤᬸ᭞ᬳᬲ᭄ᬮᬶᬭᬯᬸᬄᬓᬩᬮᬶ᭞ᬫᬗ᭄ᬕᬾᬦᬭᬶᬂᬘᬢᬸᬃᬬᬚ᭄ᬜᬵ
᭞ᬓᬵᬮᬦᬶᬂᬫᬳᬘᬶᬳᬘᬶ᭞ᬘᬦᬂᬭᬵᬓᬧ᭄ᬭᬲ᭄ᬤᬓ᭄ᬱᬶᬡ᭞ᬮᬦ᭄ᬓᬧᬢ᭄ᬕᬦ᭄ᬤᬯᬗᬶ᭟᭐᭟ᬓᬸᬤᬂᬯᭂᬗᬶᬲᬵᬫ᭄ᬧᬸᬦ᭄ᬦᬸᬢᬸᬃ᭞ᬜᭀᬫᬦ᭄ᬳᬲᬸᬂᬚ᭄ᬯᬧᬶᬦᭂᬳᬶᬦ᭄᭞ᬢᬸᬢᬸᬭᬾᬯᬸᬲ᭄ᬧᭂᬢᬂᬩᬩᬤ᭄᭞ᬇᬦ᭄ᬤᬶᬓ᭄ᬧᬶᬢ᭄ᬭ
ᬓᬩᬯᭀᬲᬶᬦ᭄᭞ᬫᬥᬾᬧᬹᬦ᭄ᬬᬓᬤᬯᬸᬳᬦ᭄᭞ᬦ᭄ᬤᬾᬯᬧᬹᬚᬘᭂᬦᬶᬂᬩᬯᭀᬲᬶᬦ᭄᭟᭐᭟ᬧᬸᬧᬸᬄᬅᬤ᭄ᬭᬶ᭟᭐᭟ᬫᬥᬾᬧᬹᬦ᭄ᬬᬰᬶᬮᬲᬳᬗᬸᬦ᭄ᬢᬸᬮ᭄᭞ᬫᬦᬫ᭄ᬧᭂᬓᬂᬋᬓᬾ᭞ᬳᬶᬗ᭄ᬕᬶᬄᬤᬸᬭᬸᬲ᭄ᬭᬢᬸ
ᬫᭂᬤᬮᬶᬦ᭄᭞ᬳᭂᬫ᭄ᬧᬸᬤᬮᬂᬫᬧᬶᬢᬸᬢᬸᬃ᭞ᬲᬚᬭᬄᬳᬗ᭄ᬕᬾᬦ᭄ᬗᬯᬦ᭄ᬢᬸᬦ᭄᭞ᬇᬦ᭄ᬤᬶᬓ᭄ᬘᬦ᭄ᬤᬶᬫᬶᬯᬄᬧᬸᬭ᭞ᬧ᭄ᬭᬲᬤᬫᬶᬯᬄᬭᬶᬂᬫᬾᬭᬸ᭞ᬓᬦ᭄ᬤᬓᬦ᭄ᬤᬫ᭄ᬯᬂᬲᬵᬲᬲᬦ᭞ᬩᬩᭂᬜ᭄ᬘᬳᬦ᭄ᬘᬢᬸᬃᬯᬾᬤ᭟᭐᭟
[ ᭓᭔ 34A]
ᬭᬶᬂᬩᬮᬶᬯᬸᬲ᭄ᬓᬳᬸᬚᬂᬤᬸᬫᬸᬦ᭄᭞ᬲᬓᬢᬄᬘᬦ᭄ᬤᬶᬦᬾ᭞ᬭᬶᬂᬧ᭄ᬭᬬᬗᬦ᭄ᬦᬭᬶᬂᬩᬲᬓᬶᬄ᭞ᬢᬫ᭄ᬧᬓ᭄ᬲᬶᬭᬶᬂᬢᬍᬃᬲᬵᬫᬵᬧᬸᬦ᭄᭞ᬚᬯᬢᬶᬫᬸᬃᬦᬾᬓᬯᬸᬯᬸᬲ᭄᭞ᬲᬤᬸᬓ᭄ᬳᬩᬤ᭄ᬢᬶᬕᬂᬳᭀᬮᬲ᭄᭞ᬢᬳ
ᬦ᭄ᬜᬦᬾᬤᬸᬓ᭄ᬧᬸᬦᬶᬓᬸ᭞ᬲᬗᬂᬳᬢᬸᬲ᭄ᬲᬗᬢᬸᬗ᭄ᬕᬮ᭄᭞ᬓᬢᬄᬘᬦ᭄ᬤᬶᬯᬯᬗᬸᬦᬦ᭄᭟᭐᭟ᬰᬷᬥᬃᬫᬯᬗ᭄ᬲᬢᭂᬕᬸᬄᬳᬦᬦ᭄ᬢᬢᬸ᭞ᬗ᭄ᬕᬯᬶᬓ᭄ᬭᬫᬋᬓᬾ᭞ᬢᬸᬗ᭄ᬕᬤᬾᬯᬳᬭᬦᬾᬓᬶ᭞ᬓ᭄ᬯᬾᬄᬧᬡ᭄ᬥᬶ
ᬢᬯᬢᭂᬓ᭄ᬯᬶᬓᬸ᭞ᬗᬶᬭᬶᬂᬲᬫ᭄ᬩᬶᬮ᭄ᬫᬧᬯᬗᬸᬦ᭄᭞ᬗᭂᬦ᭄ᬢᭀᬲᬶᬦ᭄ᬲᬓᬜ᭄ᬘᬦ᭄ᬭᬸᬲᬓ᭄᭞ᬲᬤᬸᬓ᭄ᬢᬳᬸᬦ᭄ᬲᬢᬓ᭄ᬤᬸᬫᬸᬦ᭄᭞ᬢᬗ᭄ᬕᬸᬦ᭄ᬜᬦᬾᬓᬮᬶᬄᬢᬶᬩᬦ᭄᭞ᬫᬬᬥᬦᬯᬗᬭᬸᬲᬓ᭄᭟᭐᭟ᬲᬂᬧ᭄ᬭᬪᬸ
ᬫᬮᬶᬄᬗᬯᬗᬸᬦ᭄᭞ᬲᬋᬂᬧᬡ᭄ᬥᬶᬢᬦᬾ᭞ᬢᬸᬲ᭄ᬢᬸᬲᬦ᭄ᬯᬾᬤᬫᬓᬲᬫᬶ᭞ᬭᬶᬂᬲᬵᬲᬦᬢᭂᬕᭂᬲ᭄ᬤᬶᬢᬸ᭞ᬧᬹᬃᬯᬅᬤᬶᬕᬫᬳᬶᬓᬸ᭞ᬋᬱᬶᬫ᭄ᬯᬂᬰᬶᬯᬲᬵᬲᬦ᭞ᬪᬲᬚᬯᬓᬸᬦᬫᬸᬗ᭄ᬕᬸᬄ᭞ᬦᬭᬶᬂᬩᬮᬶᬫᬗ᭄ᬓᬶᬦ᭄ᬢ