Page:Bali-lontar-gaguritan-pancayoga-01-300ppi.pdf/33

From Wikisource
Jump to navigation Jump to search
This page has been proofread.

[ ᭓᭒ 32B]
᭓᭒᭞
ᬳᬲᬶᬂᬓᬃᬤᬶᬦᬶᬦ᭄᭞ᬳᬶᬯᬂᬧᬢᬹᬢ᭄ᬧᬸᬦ᭄ᬫᬲᬤᬸ᭞ᬬᬤᬶᬦ᭄ᬮᬸᬗ᭄ᬳᬦ᭄ᬤᬸᬭᬤᬾᬰ᭞ᬳᬫᬸᬦᬶᬓᬓᬩᬯᭀᬲᬶᬦ᭄᭞ᬥᬂᬳ᭄ᬬᬂᬕᬸᬭᬸ᭞ᬫᬦᬢ᭄ᬯᬬᬂᬲᬶᬫᬅᬤᬢ᭄᭟᭐᭟ᬧᬸᬧᬸᬄᬕᬶᬦᬦ᭄ᬢᬶ᭟᭐᭟
ᬜᭀᬫᬦ᭄ᬳᬲᬸᬂᬫᬮᬶᬄᬫᬢᬸᬃ᭞ᬧᬶᬢ᭄ᬭᬧᬹᬚᬭᬢᬸᬫᬮᬶᬄ᭞ᬧᬸᬦᬶᬓᬫᬮᬶᬄᬮᬦ᭄ᬢᬸᬭᬂ᭞ᬬᬯᬢ᭄ᬭᬯᬸᬳᬶᬂᬧᬗᬘᬶ᭞ᬫ᭄ᬧᬸᬤᬮᬂᬫᬗᬦ᭄ᬤᬶᬓ᭞ᬲᬚᬭᬄᬳᬗ᭄ᬕᬾᬦ᭄ᬜᬫ᭄ᬩᬸᬗᬶᬦ᭄᭟᭐᭟ᬢ᭄ᬬᭀᬂᬳ᭄ᬯᬧᬸᬦᬶᬓ
ᬤᬸᬫᬸᬦ᭄᭞ᬫᬮᬓᬸᬤᬕᬂᬫᬗ᭄ᬭᬯᬸᬳᬶᬦ᭄᭞ᬯᬶᬯᬶᬢ᭄ᬲᬓᬶᬂᬳᬶᬦ᭄ᬤᬸᬘᬶᬦ᭞ᬳᬩᬤ᭄ᬳᬦᭂᬫ᭄ᬲᬦᬾᬗᬹᬦᬷ᭞ᬗᬮᬸᬗ᭄ᬳᬦᬶᬦ᭄ᬓᬶᬦ᭄ᬤᭀᬦᬾᬲ᭄ᬬ᭞ᬭᬶᬂᬩᬮᬶᬓᬭᬦᬶᬦ᭄ᬧᭀᬮᬶ᭟᭐᭟ᬲᬬᬦ᭄ᬮᬫᬶᬳᬧᬸ
ᬦ᭄ᬘᬮᬸᬄ᭞ᬲᬓᬶᬂᬩᬮᬶᬫᬗ᭄ᬭᬯᬸᬳᬶᬦ᭄᭞ᬓᬢ᭄ᬬᭀᬗ᭄ᬓᭀᬓ᭄ᬤᬸᬓ᭄ᬧᬸᬦᬶᬓ᭞ᬓᬳᬸᬢᬸᬲ᭄ᬭᬶᬂᬲᬭᬧᬢᬶ᭞ᬢᬳᬸᬦ᭄ᬳᬦᭂᬫ᭄ᬘᬢᬸᬃᬲᬧ᭄ᬢ᭞ᬲᬶᬫᬅᬤᬢ᭄ᬳᬤᬸᬗᬂᬲᬫᬶ᭟᭐᭟ᬦᬭᬶᬂᬚᬯᬶᬢᬍᬃᬳᬤᬸᬂ᭞
[ ᭓᭓ 33A]
ᬬᬤᬶᬦ᭄ᬲᭀᬮᬄᬜᬦᬾᬦᬸᬮᬶᬲ᭄᭞ᬫᬢᬢᬓᬦ᭄ᬤᬳᬸᬦ᭄ᬮᭀᬦ᭄ᬢᬃ᭞ᬫᬶᬯᬄᬘᬗ᭄ᬓᭂᬫ᭄ᬜᬲᬂᬫᬵᬢᬶ᭞ᬓᬫᭀᬫᭀᬦᬶᬦ᭄ᬳᬦ᭄ᬢᬸᬓ᭄ᬤᭂᬫᬵᬲ᭄᭞ᬧᬫᬸᬧᬸᬢ᭄ᬭᬭᬶᬲ᭄ᬓᬪᬱ᭄ᬫᬶ᭟᭐᭟ᬦᭂᬫ᭄ᬧᬩᬦ᭄ᬢᭂᬦ᭄ᬢᬍᬃᬤᬶ
ᬢᬸ᭞ᬧᬧᬕᬯᬥᬳᬾᬫᬮᬶᬄ᭞ᬤᬮ᭄ᬯᬂᬢᬧᬶᬲ᭄ᬳᬦ᭄ᬢᭂᬂᬲᬓᬄ᭞ᬚᬶᬦᬄᬩᭀᬮᭀᬂᬚᬶᬦᬄᬓᬸᬘᬶ᭞ᬓᬓᬺᬘᬾᬦ᭄ᬧᬗᬸᬧᬓᬭ᭞ᬯ᭄ᬬᬤᬶᬦ᭄ᬧ᭄ᬭᬲ᭄ᬩᬳᬦ᭄ᬫᬮᬶᬄ᭟᭐᭟ᬇᬦ᭄ᬤᭀᬦᬾᬲ᭄ᬬᬢᬍᬃᬲᬵᬫᬵᬧᬸᬦ᭄᭞ᬫ
ᬤ᭄ᬯᬾᬩᬩᬦ᭄ᬢᭂᬦ᭄ᬧᬗᬘᬶ᭞ᬳᬤᬸᬂᬲᬫᬶᬗᬦᬹᬢ᭄ᬰᬶᬯ᭞ᬲᬗ᭄ᬳᬕᬸᬭᬸᬩᬸᬤ᭄ᬥᬲᬫᬶ᭞ᬦᬾᬯᬧᬹᬚᬧᬶᬢ᭄ᬭᬧᬸᬚ᭞ᬅᬤᬢᬶᬲ᭄ᬢ᭄ᬬᬤᬢ᭄ᬫᬮᬶᬄ᭟᭐᭟ᬳᬩᬤ᭄ᬤᬰᬫᬮᬶᬄᬭᬯᬸᬄ᭞ᬳᬶᬦ᭄ᬤᬸᬚᬯᬭᬯᬸᬄ
ᬓᬩᬮᬶ᭞ᬗᬚᬃᬪᬲᬚᬯᬓᬸᬦ᭞ᬢᬢᬲᭀᬮᬄᬦᬭᬶᬂᬩᬮᬶ᭞ᬬᬤ᭄ᬬᬦ᭄ᬫᬗᭂᬲᭂᬂᬰᬯ᭞ᬩᬩᬦ᭄ᬢᭂᬦ᭄ᬯᬦ᭄ᬢᬄᬳᬓᬶᬜ᭄ᬘᬶᬢ᭄᭟᭐᭟ᬓᬫᬗ᭄ᬕᭂᬳᬂᬓᬤᬶᬤᬸᬫᬸᬦ᭄᭞ᬲᬓᬶᬂᬳᬶᬦ᭄ᬤᬸᬲᬦᬾᬗᬹᬦᬷ᭞ᬤᬸ