[ ᭓᭐ 30B]
᭓᭐᭞
ᬮᬓ᭄ᬱᬡᬬᬂ᭟᭐᭟ᬯ᭄ᬬᬤᬶᬦ᭄ᬦᬫ᭄ᬧᬶᬤᬤᬸᬓᬬᬦ᭄᭞ᬲᬫ᭄ᬧᬿᬗᭂᬫᬲᬶᬦ᭄ᬫᬢᬶᬕ᭄ᬢᬶᬕ᭄᭞ᬫᭂᬦᭂᬂᬤᬾᬯᬳᬚᬦᬗ᭄ᬕᬮ᭞ᬤ᭄ᬬᬲ᭄ᬢᬸᬓᬾᬳᭂᬫᬲᬶᬦ᭄ᬫᬵᬢᬶ᭞ᬯᭂᬦᬂᬚᬷᬯᬦᬾᬫᬦᬯᬸᬭᬶᬦ᭄᭞ᬧᬫᬍᬲ
ᬦ᭄ᬳᬸᬧᬄᬗᭂᬫ᭄ᬧᬸ᭞ᬫᬢᭂᬕᭂᬲ᭄ᬕᬸᬭᬸᬭᬹᬧᬓ᭞ᬢᬦ᭄ᬯᭂᬦᬂᬭᬵᬦᬓ᭄ᬫᬶᬯᬮᬶᬦ᭄᭞ᬬᬾᬦᬶᬂᬫᬦ᭄ᬢᬸᬓ᭄᭞ᬧᬭᬧᬸᬢ᭄ᬭᬯᭂᬦᬂᬜᬸᬫ᭄ᬩᬄ᭟᭐᭟ᬯᭂᬓᬲ᭄ᬭᬵᬦᬓ᭄ᬤᬤᭀᬲ᭄ᬩᬧ᭞ᬮᬓ᭄ᬱᬡᬬᬂᬥᬃᬫᬦᬶᬂᬮᬶᬗ᭄ᬲᬶᬃ᭞ᬫ
ᬦᬸᬢᬸᬭᬶᬦ᭄ᬧᬭᬧᬸᬢ᭄ᬭ᭞ᬦᭂᬧᭂᬢᬂᬲᬵᬲᬦᬦ᭄ᬚᬦ᭄ᬫᬶ᭞ᬳᬬ᭄ᬯᬫᭀᬳᬮᬶᬜᭀᬓ᭄ᬘᬸᬮᬶᬕ᭄᭞ᬢᭂᬫ᭄ᬧᬮ᭄ᬲᬶᬕᬸᬕ᭄ᬫᬶᬫ᭄ᬩᬸᬄᬳᬚᬸᬫ᭄᭞ᬫᬮᬚᬳᬶᬦ᭄ᬢᬸᬢᬸᬃᬢᬦ᭄ᬧᬕᬸᬡ᭞ᬫᬗ᭄ᬤᬲᭂᬓᭂᬦ᭄ᬫᬯᬸᬭᬸᬓᬶᬦ᭄᭞
ᬭᬶᬂᬲᬂᬕᬸᬭᬸ᭞ᬦᬾᬫᬸᬡᬦᬭᬶᬂᬚᬕᬢ᭄᭟᭐᭟ᬇᬮ᭄ᬫᬸᬓᬯᬶᬓ᭄ᬯᬦᬾᬬᭀᬕ᭄ᬬ᭞ᬧᬢᬹᬢ᭄ᬳᬗ᭄ᬕᬾᬦ᭄ᬗᭂᬫ᭄ᬧᬸᬕᬸᬫᬶ᭞ᬗᬮᬶᬄᬭᬩᬶᬧᬓᬾᬮᬶᬗᬂ᭞ᬲ᭄ᬫᬭᬵᬕᬫᬦᬾᬳᬦᬹᬢᬶᬦ᭄᭞ᬓᬓᭂᬘᬧ᭄ᬤᬶᬢᬸ
[ ᭓᭑ 31A]
ᬗᬤᬶᬦᬶᬦ᭄᭞ᬫᬗ᭄ᬤᬢᬦ᭄ᬫᬫᬸᬭᬸᬕ᭄ᬢᬸᬢᬸᬃ᭞ᬚᬕᬢᬾᬫᬗ᭄ᬤᬭᬳᬃᬚ᭞ᬭᬵᬕᬧᬢᬹᬢ᭄ᬗᬯᬭᬶᬲᬶᬦ᭄᭞ᬦᬫ᭄ᬧᬶᬧᭂᬤᬸᬫ᭄᭞ᬓᬳᬸᬤᬸᬄᬦᭂᬫ᭄ᬧᬸᬄᬳᬸᬚ᭄ᬬᬦ᭄᭟᭐᭟ᬕᬸᬭᬸᬭᬾᬓᬦᬾᬫᬗᬚᬃ᭞ᬫᬘ
ᬗᬶᬢᬸᬂᬮᬦ᭄ᬫᬦᬸᬮᬶᬲ᭄᭞ᬲᬚᬭᬄᬫᬶᬯᬄᬫᬗ᭄ᬕᬫ᭄ᬩᬃ᭞ᬚᭂᬫᭂᬢ᭄ᬚᬸᬚᬸᬃᬓᬢᬸᬢᬸᬭᬶᬦ᭄᭞ᬕᭂᬫ᭄ᬩᬶᬭᬲᭂᬦᭂᬂᬤᬶᬳᬢᬶ᭞ᬧᬸᬭᬸᬦ᭄ᬫᬮᬓ᭄ᬱᬡᬧᬢᬹᬢ᭄᭞ᬓᬩᬸᬤ᭄ᬥᬬᬳᬦ᭄ᬓᬲᭂᬦ᭄ᬬᬦ᭄᭞ᬫᬲ᭄ᬬᬭᬓᬢᬾᬫᬜᭂᬦᭂ
ᬗᬶᬦ᭄᭞ᬩᬺᬲᬶᬄᬳᬮᬸᬲ᭄᭞ᬢᬸᬃᬓᬳᬚᬃᬓᬲᬶᬸᬲᬸᬳᬶᬮᬦ᭄᭟᭐᭟ᬫᬧᬗᬭᬦ᭄ᬧᬦᬪᬾᬬᬦ᭄᭞ᬕᬸᬭᬸᬰᬶᬯᬢᬍᬃᬢᬸᬗ᭄ᬕᬶᬮ᭄᭞ᬫᬗᬚᬃᬮ᭄ᬯᬶᬃᬓᬫᭀᬓ᭄ᬱᬦ᭄᭞ᬘᬢᬸᬃᬯᬾᬤᬓᬓᬸᬧᬲᬶᬦ᭄᭞ᬧᬸᬃ
ᬯᬅᬤᬶᬕᬫᬫᬮᬶᬄ᭞ᬇᬕᬫᬫᬧᬸᬭᬡᬦᬶᬧᬸᬦ᭄᭞ᬫᬶᬯᬄᬩ᭄ᬭᬵᬳ᭄ᬫᬵᬦ᭄ᬥᬧᬸᬭᬡ᭞ᬋᬱᬶᬲᬵᬲᬦᬢᬦ᭄ᬫᬭᬶ᭞ᬫᭀᬓ᭄ᬱᬦᬶᬧᬸᬦ᭄᭞ᬓᬳᭂᬫ᭄ᬧᭀᬦᬶᬦ᭄ᬤᬰᬰᬷᬮ᭟᭐᭟ᬧᬸᬦᬶᬓᬕᬸ
Page:Bali-lontar-gaguritan-pancayoga-01-300ppi.pdf/31
Jump to navigation
Jump to search
This page has been proofread.
