[ ᭒᭙ 29B]
᭒᭙᭞
ᬧᬤᬡ᭄ᬥᬫ᭄ᬯᬂᬪᬕᬯᬵᬦ᭄᭞ᬰᬶᬯᬩᬸᬤ᭄ᬥᬳᬶᬤᬋᬱᬶᬚ᭄ᬭᭀᬳᭂᬫ᭄ᬧᬸ᭞ᬚ᭄ᬭᭀᬤᬸᬓᬸᬄᬮᬦ᭄ᬩᬸᬚᬗ᭄ᬕ᭞ᬧᬶᬦᬡ᭄ᬥᬶᬢᬫᬗᬸᬕᭀᬦᬶᬦ᭄᭟᭐᭟ᬫᬓᬫᬶᬯᬄᬯᬢᭂᬓ᭄ᬬᭀᬕ᭞ᬳᬶᬦ᭄ᬢᬶᬲᬭᬶᬓᬋᬕᭂᬧᬂ
ᬦᬶᬓᬲᬫᬶ᭞ᬢᬦᬤᭀᬄᬲᬂᬳ᭄ᬬᬂᬢᬸᬤᬸᬄ᭞ᬫᬜᬸᬲᬸᬧᬶᬦ᭄ᬢ᭄ᬯᬶᬦᬶᬭᬓ᭞ᬲᬧᬸᬦᬶᬓᬬᭀᬕ᭄ᬬᬲᭀᬮᬄᬳᬧᬂᬳᬦᬹᬢ᭄᭞ᬳᬸᬤᬸᬄᬭᬵᬦᬓ᭄ᬩᬗᬸᬦᬼᬫᬄ᭞ᬧᬸᬧᬸᬢ᭄ᬩᬾᬲᬸᬓ᭄ᬫᬮᬶᬄᬩᬯᭀᬲᬶᬦ᭄᭟᭐᭟
ᬧᬸᬧᬸᬄᬲᬶᬦᭀᬫ᭄᭟᭐᭟ᬫ᭄ᬧᬸᬤᬮᬂᬫᬗᬦ᭄ᬤᬶᬓ᭞ᬥᬸᬄᬕᭂᬥᬾᬫᬳᬶᬢᬫ᭄ᬧᭂᬓᬶᬦ᭄᭞ᬢᬸᬢᬸᬭᬾᬫᬮᬶᬄᬮᬦ᭄ᬢᬸᬭᬂ᭞ᬕᭂᬥᬾᬢᬸᬮᬸᬲ᭄ᬫᬢᬸᬃᬲᬶᬗ᭄ᬕᬶᬄ᭞ᬲᬳᬲᭂᬫ᭄ᬩᬄᬭᬶᬂᬲᬂᬦᬪᬶ᭞ᬤᬸᬭᬸᬲ᭄ᬭᬢᬸᬥᬂᬳ᭄ᬬᬂᬫ᭄ᬧᬸ
᭞ᬲᬶᬫᬅᬤᬢᬶᬂᬫᬵᬦᬸᬱ᭞ᬅᬕᭂᬫᬦᬶᬯᬢᭂᬓ᭄ᬚᬦ᭄ᬫᬶ᭞ᬲᬯᬸᬃᬕᬸᬬᬸ᭞ᬫ᭄ᬧᬸᬤᬮᬂᬫᬦᬢ᭄ᬯᬬᬂ᭟᭐᭟ᬳᬾᬮᬶᬗᬂᬧᬶᬢᬸᬢᬸᬃᬩᬧ᭞ᬳᬗ᭄ᬕᬾᬦ᭄ᬲᬲᬶᬫ᭄ᬧᭂᬦᬦ᭄ᬧᬲ᭄ᬢᬶ᭞ᬗᭂᬫ᭄ᬧᬸᬳᬯᬓ᭄ᬩᬸ
[ ᭓᭐ 30A]
ᬤ᭄ᬥᬶᬫᬦᬄ᭞ᬲᬶᬫᬮᬶᬄᬦᬶᬩᬓᬂᬫᬸᬜᬶ᭞ᬬᬤᬶᬦ᭄ᬚᬶᬦ᭄ᬤᬓ᭄ᬲᭀᬮᬄᬩᭂᬘᬶᬓ᭄᭞ᬭᬶᬂᬳᬢᬶᬳᬤᬸᬗᬂᬤᬸᬫᬸᬦ᭄᭞ᬰᬶᬮᬮᬸᬗ᭄ᬕᬸᬳᬾᬳᬤᬸᬗᬂ᭞ᬲᭂᬫᬸᬫᬦᬶᬲ᭄ᬧᭂᬲᬦ᭄ᬫᬸᬜᬶ᭞ᬘᬶᬗᬓᬤᬸᬂ᭞ᬳᬚᬮᬾᬤᬧ᭄ᬫᬓ
ᬭᬡ᭟᭐᭟ᬢᬦ᭄ᬯᭂᬦᬂᬗᬶᬭᬗᬶᬦ᭄ᬲᭀᬮᬄ᭞ᬗᬶᬭᬶᬂᬳᬶᬤᬤᬦᬾᬲᬳᬶ᭞ᬤ᭄ᬬᬲ᭄ᬢᬸᬦ᭄ᬓᬾᬧᬓᬤᬗᬦ᭄᭞ᬲᬯᬯᬲᬳᬶᬳᬦᬹᬢᬶᬦ᭄᭞ᬫᬸᬗ᭄ᬕᬄᬢᭂᬤᬸᬦ᭄ᬯᭂᬢᬸᬦ᭄ᬫᬸᬜᬶ᭞ᬲᬓᬶᬂᬳᬭᬶᬲ᭄ᬲᭂᬫᬸᬳᬭᬹᬫ᭄᭞
ᬲᭂᬓᭂᬦ᭄ᬮᬶᬗ᭄ᬕᬶᬳᬾᬫᬋᬧᬦ᭄᭞ᬬᬤᬶᬦ᭄ᬗᬶᬭᬶᬂᬭᬵᬫᬩᬶᬩᬶ᭞ᬗᬲᭀᬃᬤᬶᬢᬸ᭞ᬲᬧᬗᬸᬤᬸᬄᬦᭀᬭᬢᭂᬫ᭄ᬧᬮ᭄᭟᭐᭟ᬥᬂᬫᬦᬶᬂᬫᬦᬤᭀᬲ᭄ᬳᭀᬓ᭞ᬗᬶᬭᬶᬂᬤᬦᬾᬳᬶᬩᬸᬳᬚᬶ᭞ᬲᬧᬗᬸᬤᬸᬄᬮ
ᬓ᭄ᬱᬡᬬᬂ᭞ᬢᬢᬶᬗᬶᬦ᭄ᬲᬳᬶᬳᬬᬳᬶᬦ᭄᭞ᬲᬧᬗᬚᬃᬳᬦᬓ᭄ᬮᬶᬗ᭄ᬲᬶᬃ᭞ᬢᬸᬭᬸᬢᬶᬦ᭄ᬳᬬ᭄ᬯᬫᬸᬦ᭄ᬤᬸᬃ᭞ᬅᬕᬫᬲᬳᬶᬳᬦᬹᬢᬂ᭞ᬘᬢᬸᬃᬯᬾᬤᬧᬯᬸᬭᬸᬓᬶᬦ᭄᭞ᬫᬮᬶᬄᬳᬶᬧᬸᬦ᭄᭞ᬘᬢᬸᬃᬬᬚ᭄ᬜᬵ
Page:Bali-lontar-gaguritan-pancayoga-01-300ppi.pdf/30
Jump to navigation
Jump to search
This page has been proofread.
