Page:Bali-lontar-gaguritan-pancayoga-01-300ppi.pdf/28

From Wikisource
Jump to navigation Jump to search
This page has been proofread.

[ ᭒᭗ 27B]
᭒᭗᭞
ᬓᬢᬶᬗ᭄ᬳᬮᬦ᭄᭞ᬚᬵᬢᬶᬦ᭄ᬜᬦᬾᬪᬷᬦᬲᬫᬶ᭟᭐᭟ᬦᭀᬭᬳᬦᬦᬭᬯᬶᬓᬦ᭄᭞ᬫᬗᬃᬤᬶᬦᬶᬦ᭄ᬦᬶᬭᬸᬦᬶᬭᬸᬓᬜ᭄ᬘᬦ᭄ᬫᭂᬦ᭄ᬢᬶᬓ᭄᭞ᬢᬢᬦ᭄ᬤᬸᬭᬦ᭄ᬲᬂᬳ᭄ᬬᬂᬳᬬᬸ᭞ᬳᬦ᭄ᬢᬸᬓ᭄ᬭᬲᬫᬶᬯᬄᬭᬹᬧ
᭞ᬬᬤᬶᬦ᭄ᬲ᭄ᬯᬭᬫᬓᬫᬶᬯᬄᬳᬫ᭄ᬩᬸᬦᬶᬧᬸᬦ᭄᭞ᬬᬳᬶᬓᬸᬳᬯᬶᬦᬦ᭄ᬭᬵᬦᬓ᭄᭞ᬤᬺᬤᬪᬓ᭄ᬢᬶᬭᬶᬂᬲᬂᬳ᭄ᬬᬂᬯᬶᬥᬶ᭟᭐᭟ᬓᭂᬢᬸᬢ᭄ᬩᬗᬸᬦ᭄ᬫᬧᬶᬦᬸᬦᬲ᭄᭞ᬲᬧᬸᬦᬧᬶᬲᭀᬮᬳᬾᬗᬪᬓ᭄ᬢᬶ᭞ᬫᬗᬦᬹᬢᬶ
ᬦᬺᬱᬶᬧᬸᬢᬸᬲ᭄᭞ᬫᬗ᭄ᬤᬲᬶᬤ᭄ᬥᬓᬢᭂᬭᬶᬫ᭞ᬫ᭄ᬧᬸᬥᬂᬳ᭄ᬬᬂᬫᬗᬦ᭄ᬤᬶᬓᬫᬮᬚᬄᬫᬮᬸ᭞ᬓᬓᬸᬧᬲᬦ᭄ᬘᬢᬸᬃᬯᬾᬤ᭞ᬲᬲᬭᬶᬗᬦ᭄ᬯᬢᭂᬓᬺᬱᬶ᭟᭐᭟ᬲᬭᬲᬫᬸᬘ᭄ᬙᬬᬗᬭᬦ᭄᭞ᬓᬢᭂᬕᭂᬲᬶᬦ᭄ᬭᬶᬂ
ᬋᬱᬯᬭᬭᬸᬘᬶ᭞ᬧᬧᬸᬧᬸᬮᬦ᭄ᬲᬭᬶᬦ᭄ᬢᬸᬢᬸᬃ᭞ᬧᬳᬶᬘᬦ᭄ᬪᬕᬯᬵᬦᬪ᭄ᬬᬲ᭞ᬲᬵᬫᬵᬧᬸᬦ᭄ᬓᬸᬦ᭞ᬓᬤᬤᭀᬲᬂᬓᬮᬶᬄᬩᬸᬓᬸ᭞ᬲᬳᬲᬭᬶᬦᬶᬂᬉᬢ᭄ᬢᬫ᭞ᬲᬫ᭄ᬩᭂᬃᬢᬢ᭄ᬯᬫᬓᬲᬫᬶ᭟᭐᭟ᬲ
[ ᭒᭘ 28A]
ᬗᬮᬶᬓᬸᬃᬓ᭄ᬯᬾᬄᬧᬡ᭄ᬥᬶᬢ᭞ᬳᬤᬸᬂᬲᬫᬶᬫᬫᬯᭀᬲᬶᬦ᭄ᬓᬶᬢᬩ᭄ᬰᬸᬘᬶ᭞ᬫᬦ᭄ᬤᬤᭀᬲ᭄ᬳ᭄ᬬᬂᬯᬾᬤᬘᬢᬸᬃ᭞ᬯᬭᬶᬲᬦ᭄ᬦᬪᬾᬅᬪ᭄ᬬᬲ᭞ᬦᬾᬓᬭᬶᬧ᭄ᬢ᭞ᬳᭀᬮᬶᬄᬤᬶᬓ᭄ᬱᬳᬶᬤᬘᬢᬸᬃ᭞ᬲᬤᬸᬓ᭄ᬳᬩᬤ᭄ᬲᬢᬸ
ᬲ᭄ᬳᬫ᭄ᬧᬢ᭄᭞ᬓᬮᬶᬄᬳᬩᬤ᭄ᬓᬓᬃᬤᬶᬦᬶᬦ᭄᭟᭐᭟ᬪᬕᬯᬵᬦ᭄ᬚᬦᬸᬦᬶᬫᬗ᭄ᬭᬶᬧ᭄ᬢ᭞ᬫᬓᬤᬕᬶᬂᬓ᭄ᬱᬫᬯᬾᬤᬚᬵᬢᬶ᭞ᬧᬗᬲ᭄ᬢᬯᬫᭀᬦᬢᬸᬳᬸ᭞ᬪᬕᬯᬵᬦ᭄ᬧᬸᬮᬳᬗᬭᬦ᭄᭞ᬦᬾᬗ
ᬭᬶᬧ᭄ᬢ᭞ᬋᬕ᭄ᬯᬾᬤᬤᬕᬶᬂᬧᬗᬲ᭄ᬢᬸ᭞ᬫ᭄ᬯᬂᬪᬕᬯᬵᬦ᭄ᬲᬫ᭄ᬧᬾᬬᬡ᭞ᬬᬚᬸᬃᬯᬾᬤᬦᬾᬓᬭᬓᬶᬢ᭄᭟᭐᭟ᬤᬕᬶᬂᬜᬦᬾᬫᬗᬢᬸᬭᬂ᭞ᬭᬶᬂᬳ᭄ᬬᬂᬯᬶᬥᬶᬰᬹᬦ᭄ᬬᬲᬸᬯᬸᬂᬫᬳᬵᬰᬸᬘᬶ᭞ᬳᬶᬤ
ᬪᬯᬵᬦ᭄ᬲᬸᬫᬦ᭄ᬢᬸ᭞ᬫᬗ᭄ᬭᬓᬶᬢᬢᬃᬯᬯᬾᬤ᭞ᬲᬯᬫᬦ᭄ᬢ᭄ᬭᬤᬕᬶᬂᬜᬦᬾᬫᬶᬯᬄᬓᬯ᭄ᬭᬸᬄ᭞ᬓᬰᬓ᭄ᬢ᭄ᬬᬦ᭄ᬫᬓᬗᬭᬦ᭄᭞ᬧᬸᬧᬸᬢ᭄ᬘᬢᬸᬃᬫᬓᬲᬫᬶ᭟᭐᭟ᬧᬸᬦᬶᬓᬫᬮᬶᬄᬫᬯᭂᬘᬄ