Page:Bali-lontar-gaguritan-pancayoga-01-300ppi.pdf/25

[ ᭒᭔ 24B]
᭒᭔᭞
ᬕᭂᬮᬃᬯᬢᭂᬓ᭄ᬕᬦ᭄ᬥᬃᬯ᭟᭐᭟ᬪᬕᬯᬵᬦ᭄ᬩ᭄ᬬᬲᬦᭂᬕᭂᬲᬂᬤᬸᬫᬸᬦ᭄᭞ᬭᬶᬂᬅᬤᬶᬧᬃᬯᬦᬾ᭞ᬢᭂᬓᬦᬶᬂᬓᬵᬮᬶᬬᬸᬕᬦ᭄ᬕᬸᬫᬶ᭞ᬕᬦ᭄ᬥᬃᬯᬦᬸᬫᬶᬢᬶᬲ᭄ᬢᭂᬤᬸᬦ᭄᭞ᬫᬦᬸᬫᬤᬶᬤᬤᬶᬳᬕᬸᬂ᭞ᬤᬤᬶᬫᭀᬫᭀᬮ᭄ᬯᬶᬄᬅᬗ᭄ᬓ
ᬭ᭞ᬭᬶᬂᬅᬲ᭄ᬣᬦᬗᬤᭂᬕᬕᬸᬂ᭞ᬤᬸᬃᬬᭀᬥᬦᬫᬓᬗᬭᬦ᭄᭞ᬫᬦᬸᬦ᭄ᬤᬸᬂᬧᬜ᭄ᬘᬧᬡ᭄ᬥᬯ᭟᭐᭟ᬥᬃᬫᬯᬗ᭄ᬰᬭᬶᬂᬧᬡ᭄ᬥᬯᬲᬥᬸ᭞ᬲᬋᬂᬧᬜ᭄ᬘᬋᬓᬾ᭞ᬯᬢᭂᬓ᭄ᬤᬾᬯᬫᬜ᭄ᬭᭀᬯᬤᬶ᭞ᬫᬗ᭄ᬤᬉᬚᬃᬥᬃᬳ᭄ᬬᬂᬕᬸᬭᬸ
᭞ᬳᭀᬮᬲᬲᬶᬄᬦᬗ᭄ᬕᬮ᭄ᬫᬢᬸᬃ᭞ᬫᬮᬶᬳᬶᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬓᬦ᭄ᬤᬦ᭄ᬪᬹᬢᬫᬗ᭄ᬤᬧᬸᬧᬸᬢ᭄᭞ᬫ᭄ᬧᬸᬥᬂᬳ᭄ᬬᬂᬫᬗᬸᬚᬗᬂ᭞ᬋᬗᭃᬦ᭄ᬦᬦᬓ᭄ᬳᬧᬂᬢᬢᬲ᭄᭟᭐᭟ᬧᬸᬧᬸᬄᬕᬶᬦᬥ᭟᭐᭟ᬚᬦ᭄ᬫᬫᬢᬶᬲᬮᬄᬉ
ᬮᬄ᭞ᬤᬤᭀᬲ᭄ᬲᬾᬢᬦ᭄ᬫ᭄ᬯᬂᬫᬫᭂᬤᬶ᭞ᬤᬤᬶᬪᬹᬢᬤᬤᭀᬲ᭄ᬓᬵᬮ᭞ᬤᬤᭀᬲ᭄ᬩᬦᬲ᭄ᬘᬸᬮᬶᬕ᭄ᬢᬸᬳᬸ᭞ᬦᭀᬗᭀᬲ᭄ᬭᬶᬂᬳᬮᬰ᭄ᬰᬹᬦ᭄ᬬ᭞ᬦᬾᬗᬕᬸᬗᬶᬦ᭄᭞ᬚᬶᬫ᭄ᬲᬾᬢᬦ᭄ᬫᬓᬗᬭᬦ᭄᭟᭐᭟ᬧᬸᬦᬶᬓᬤᬤᭀᬲᬸᬘ
[ ᭒᭕ 25A]
ᬧᬦ᭄᭞ᬢᬦᬄᬳᬗ᭄ᬓᭂᬃᬓᬯᬱ᭄ᬝᬦᬶᬦ᭄᭞ᬤᬸᬫᬸᬦᬦ᭄ᬳᬶᬧᬸᬦ᭄ᬫᬦᭀᬗᭀᬲ᭄᭞ᬦᬭᬾᬂᬭᬾᬚᬾᬶᬫᬶᬯᬄᬧᬗ᭄ᬓᬸᬂ᭞ᬓᬜ᭄ᬘᬦᬶᬂᬕᭂᬦᬳᬾ ᬮᬶᬓᬤ᭄᭞ᬓᬢᭀᬗᭀᬲᬶᬦ᭄᭞ᬢᬭᬸᬯᬢᬸᬫᬶᬯᬄᬚᬸᬭᬂ᭟᭐᭟
ᬲᬬᬦ᭄ᬮᬫᬚᬦ᭄ᬫᬦᬾᬓᬢᬄ᭞ᬗᬮᬶᬄᬢᬦᬄᬗᬯᬗᬸᬦ᭄ᬘᬭᬶᬓ᭄᭞ᬗᬯᬾᬢᭂᬕᬮ᭄ᬫᬶᬯᬄᬓᭂᬩᭀᬦ᭄᭞ᬓᬜ᭄ᬘᬦ᭄ᬓᬵᬮᬕᬮᬓ᭄ᬤᬶᬢᬸ᭞ᬫᬜᭂᬗ᭄ᬓᬮᬾᬦ᭄ᬳᬶᬫᬵᬦᬸᬱ᭞ᬫᬦᬕᬶᬳᬶᬦ᭄᭞ᬗᬸᬯᬶᬥᬶᬳᬸ
ᬫᬄᬧᬲᬶᬫ᭄ᬧᬗᬦ᭄᭟᭐᭟ᬲᬓᬶᬂᬤᬶᬢᬸᬧᭀᬮᬶᬄᬧᬭᬩ᭄᭞ᬚ᭄ᬭᭀᬕᭂᬥᬾᬓᬯᬱ᭄ᬝᬦᬶᬦ᭄᭞ᬲᬓᬶᬂᬢᬸᬕᬸᬢᬸᬕᬸᬢᬦᬄ᭞ᬯᬾᬦ᭄ᬢᭂᬦ᭄ᬲᬓᬶᬂᬢᬸᬭᬸᬲ᭄ᬮᬸᬫ᭄ᬩᬸᬂ᭞ᬯᬾᬦ᭄ᬢᭂᬦ᭄ᬲᬓᬶᬂᬩᬢᬩᬵᬂ᭞ᬫᬗ᭄ᬤ
ᬩᭂᬘᬶᬓ᭄᭞ᬧᬲᬶᬗ᭄ᬓᬸᬳᬶᬦ᭄ᬳᬦ᭄ᬢᬸᬓ᭄ᬳᬸᬫᬄ᭟᭐᭟ᬯᬾᬦ᭄ᬢᭂᬦ᭄ᬫᬮᬶᬄᬫᬗᬸᬘᬧᬂ᭞ᬤᬦᬾᬚ᭄ᬭᭀᬗᭂᬮᬄᬕᬸᬫᬶ᭞ᬳᬢᬸᬭᬶᬦ᭄ᬕᬸᬮᬶᬂᬗᬢᬶᬩᬦ᭄᭞ᬳᬧᬂᬚᭂᬫᭂᬢ᭄ᬤᬶᬢᬸᬦᬸᬗ᭄ᬕᬸ᭞ᬫᬗ᭄ᬤᬢᬦᬫᬮᬕᬾ