[ ᭑᭖ 16B]
᭑᭖᭞
ᬫ᭄ᬧᬸᬦ᭄ᬫᬮᬸᬓᬢ᭄᭞ᬫᬍᬩᬸᬫᬢᭂᬧᬸᬂᬢᬯᬭᬦ᭄᭟᭐᭟ᬧᬸᬧᬸᬄᬕᬶᬦᬥ᭟᭐᭟ᬳᭀᬮᬲᬲᬶᬄᬫᬧᬶᬦᬸᬦᬲ᭄᭞ᬲᬶᬗ᭄ᬕᬶᬄᬭᬢᬸᬫ᭄ᬧᬸᬲᬶᬤ᭄ᬥᬶ᭞ᬧᬶᬦᬸᬦᬲ᭄ᬢᬶᬢ᭄ᬬᬗᬾᬮᬦ᭄ᬢᬸᬭᬂ᭟ᬫᬗ᭄ᬤᬦ᭄ᬤᬵᬢᬦ᭄ᬲ
ᬮᬄᬲᭂᬗ᭄ᬕᬸᬄ᭞ᬦᬾᬫᬢᭂᬕᬸᬲ᭄ᬪᬹᬢᬬᬚ᭄ᬜᬵ᭞ᬪᬹᬢᬪᬹᬢᬶ᭞ᬲᬧᬸᬦᬧᬶᬓᬫᬶᬫᬶᬢᬦ᭄᭟᭐᭟ᬓᬤᬶᬲᬵᬫᬵᬧᬸᬦ᭄ᬢᬸᬦᬲ᭄ᬢᬶᬢ᭄ᬬᬂ᭞ᬥᬂᬳ᭄ᬬᬂᬕᬸᬭᬸᬲᬯᬸᬃᬓᭂᬜᬶᬂ᭞ᬲᬮ᭄ᬯᬶᬃᬧᬶᬢᬓᬾᬦ᭄ᬭᬦᬓ᭄᭞ᬪᬹᬢᬓᬵᬮᬢᭂᬕᭂ
ᬲᬶᬧᬸᬦ᭄᭞ᬓᬮᬶᬓᬗᬭᬦ᭄ᬓᭂᬜ᭄ᬚᭂᬓᬦ᭄᭞ᬫᬗᭂᬫᬲᬶᬦ᭄᭞ᬧᬜᭂᬗ᭄ᬓᬮᬾᬦᬾᬤᬶᬳᬯᬓ᭄᭟᭐᭟ᬪᬹᬢᬫᬢᭂᬕᭂᬲ᭄ᬫᬭᬶᬪᬹᬢ᭞ᬓᬵᬮᬦᬶᬂᬫᬦᭂᬫᬸᬧᬜᬓᬶᬢ᭄᭞ᬲᬮᬄᬳᬸᬮᬄᬲᬮᬄᬢᬶᬦ᭄ᬤᬓ᭄᭞
ᬯᭂᬢᬸᬦ᭄ᬫᬸᬜᬶᬲᬮᬄᬳᬸᬦ᭄ᬤᬸᬓ᭄᭞ᬗᬯᬶᬦᬶᬦᭂᬫᬸᬲᬗ᭄ᬓᬵᬮ᭞ᬫᭂᬤᬶᬫᭂᬤᬶ᭞ᬧᬫᬮᬶᬗᬭᬦ᭄ᬧᬫᬮ᭟᭐᭟ᬦᬶᬓᬤᬤᬶᬧᬜᬗ᭄ᬓᬮ᭞ᬲᬓᬜ᭄ᬘᬦ᭄ᬓᬤᬶᬦᬾᬧᭂᬮᬶᬄ᭞ᬭᬶᬂᬧ᭄ᬭᬫᬬᭀᬕ
[ ᭑᭗ 17A]
ᬦᬾᬫᬸᬗ᭄ᬕᬸᬄ᭞ᬲᬂᬳ᭄ᬬᬂᬰᬶᬯᬲᬮᬄᬳᬸᬦ᭄ᬤᬸᬓ᭄᭞ᬫᬢᭂᬫᬸᬭᬶᬂᬤᬾᬯᬶᬉᬫ᭞ᬫᬓ᭄ᬱᬭᬩᬷ᭞ᬫᬦᬸᬮᬗᬸᬦ᭄ᬭᬶᬂᬲᬵᬕᬭ᭟᭐᭟ᬗᬭᬦᬶᬓᬫᬡᬶᬲᬮᬄ᭞ᬲᬮᬄᬳᭂᬗ᭄ᬕᭀᬦᬾ ᬗᬯᬶᬦᬶᬦ᭄᭞ᬦᬗ᭄ᬕᬂ
ᬍᬫ᭄ᬩᬸᬓᬲ᭄ᬫᬭᬦ᭄᭞ᬓᬲᬵᬕᬭᬭᬾᬢᬦᬾᬭᬸᬦ᭄ᬢᬸᬄ᭞ᬳᬸᬮᬫᬕᬸᬂᬦᬾᬫᬦᭂᬥ᭞ᬭᬭᬶᬲ᭄ᬫᬶᬚᬶᬮ᭄᭞ᬰᬓ᭄ᬢᬶᬦᬾᬫᬗᬶᬧᬓᬶᬧᬓ᭄᭟᭐᭟ᬓ᭄ᬭᬸᬭᬭᬹᬧᬫᬳᬗ᭄ᬓᬭ᭞ᬤᬶᬢᬸᬭᬭᬶᬲ᭄ᬓᬯᬱ᭄ᬝᬦᬶ
ᬦ᭄᭞ᬪᬹᬢᬫᬬᬫᬓᬗᬭᬦ᭄᭞ᬓᬵᬮᬧᬢᭂᬫᬸᬦᬾᬤᬶᬢᬸ᭞ᬢᬸᬃᬓᬳᬶᬘᬾᬦ᭄ᬯᬭᬦᬸᬕ᭄ᬭ᭞ᬗᭀᬤᬕ᭄ᬪᬹᬫᬶ᭞ᬜᭂᬗ᭄ᬓᬮᬾᬦ᭄ᬲᬂᬗᭂᬸᬄᬶᬸᬲᬮᬄᬚᬮᬦ᭄᭟᭐᭟ᬲᬫ᭄ᬧᬾᬫᬗ᭄ᬓᬶᬦ᭄ᬫᬦᬸᬭᬸ
ᬦᬂ᭞ᬫᬗᬕᬸᬗᬶᬦ᭄ᬯᬢᭂᬓ᭄ᬪᬹᬢᬶ᭞ᬯᬾᬦᬵᬢᭂᬦ᭄ᬫᬮᬶᬄᬓᬳᬸᬗ᭄ᬕᬳᬂ᭞ᬭᬶᬂᬰᬲᬦᬧᬥᬫᬸᬗ᭄ᬕᬸᬄ᭞ᬫᬵᬦᬸᬱᬦᬾᬲᬮᬄᬚᬮᬦ᭄᭞ᬢᬸᬦᬶᬸᬦᬹᬢᬶᬦ᭄᭞ᬲᬲᭀᬮᬳᬦ᭄ᬘᬢᬸᬃᬚᬦ᭄ᬫ᭟᭐᭟ᬲᬓᬶᬂᬓᬸᬦ
Page:Bali-lontar-gaguritan-pancayoga-01-300ppi.pdf/17
Jump to navigation
Jump to search
This page has been proofread.
