Page:Bali-lontar-gaguritan-pancayoga-01-300ppi.pdf/10

From Wikisource
Jump to navigation Jump to search
This page has been proofread.

[ ᭙ 9B]
᭙᭞
ᬢᬸᬦᭀᬭᬲᭂᬮᬶᬧ᭄᭞ᬮᬶᬫᬂᬲᭀᬭᭀᬄᬧᬤᬗᬫᭀᬂ᭞ᬲᬢᬢᬳᬗ᭄ᬕᭀᬦ᭄ᬧᬶᬢᬸᬢᬸᬃ᭞ᬢᬾ ᬫ᭄ᬩᬳᬂᬭᬶᬂᬓᬸᬮᬩ᭄ᬭᬬ᭞ᬲᬵᬳᬶᬲᬳᬶ᭞ᬗᬦᬹᬢᬂᬰᬶᬮᬦ᭄ᬫᬵᬦᬸᬱ᭟᭐᭟ᬓᬓᬸᬧᬲᬦ᭄ᬘ
ᬢᬸᬃᬯᬾᬤ᭞ᬯᬶᬢ᭄ᬲᬵᬭᬶᬲᬶᬦᬸᬲᬸᬤ᭄ᬲᬵᬭᬶ᭞ᬫᬮᬧᬶᬲ᭄ᬳᬓᬸᬤᬂᬯᬃᬡ᭞ᬓᬫᭀᬗᬶᬦ᭄ᬭᬶᬂᬯᬢᭂᬓ᭄ᬯᬶᬓᬸ᭞ᬓᬤᬤᭀᬲᬂᬘᬢᬸᬃᬬᬚ᭄ᬜᬵ᭞ᬓᬳᭂᬫ᭄ᬧᭀᬦᬶᬦ᭄᭞ᬳᬦ᭄ᬢᬸᬓ᭄ᬲᭀᬮᬄᬧᬜ᭄ᬘᬰᬶᬮ᭟᭐᭟
ᬯᬓ᭄ᬬᬦ᭄ᬲᬶᬭᬫ᭄ᬧᬸᬥᬮᬂ᭞ᬦᬗ᭄ᬳᬶᬂᬰᬶᬱ᭄ᬬᬫᬓᬲᬫᬶ᭞ᬧᬜ᭄ᬘᬬᭀᬕᬗᬮᬧ᭄ᬓᬲᭀᬃ᭞ᬲᬶᬗ᭄ᬕᬶᬄᬲᬶᬗ᭄ᬕᬶᬄᬫᬳᬵᬫ᭄ᬧᬸ᭞ᬦᭀᬭᬲᬶᬫ᭄ᬧᬂᬮ᭄ᬯᬶᬃᬯᬘᬦ᭞ᬲᬶᬗ᭄ᬕᬶᬄᬫᬗ᭄ᬓᬶᬦ᭄᭞ᬓᬭᬶᬢᬶᬢ᭄ᬬᬂᬦᬶᬫ᭄ᬩᬂᬫᬦᬄ᭟᭐᭟
ᬫᬕᭂᬦ᭄ᬤᬸᬭᬲᬯᬘᬦ᭞ᬩᭂᬓᭂᬮ᭄ᬭᬕᬦᬾ ᬢᬶᬫ᭄ᬩᬗᬶᬦ᭄᭞ᬳᬚᬭᬦᬾ ᬲᬫᬶᬳᬜᬾᬢ᭄᭞ᬲᬋᬂᬧᬜ᭄ᬘᬦᬫ᭄ᬧᬶᬧᭂᬤᬸᬫ᭄᭞ᬕᭂᬥᬾᬢᬸᬮᬸᬲ᭄ᬫᬶᬲᭂᬓᭂᬦᬂ᭞ᬭᬶᬂᬳᬶᬬᬤᬶ᭞ᬫᬓᬘᬢᬸᬃᬓᬳᬸᬚᬗᬂ᭟᭐᭟
[ ᭑᭐ 10A]
ᬜᭀᬫᬦ᭄ᬳᬲᬸᬂᬫᬥᬾᬧᬸᬡ᭄ᬬ᭞ᬫᬶᬯᬄᬯᬬᬦ᭄ᬳᭀᬮᬲᬲᬶᬄ᭞ᬓᭂᬢᬸᬢ᭄ᬩᬗᬸᬦ᭄ᬲᬸᬩᬍᬫᬄ᭞ᬳᬯᬲᬶᬗᭂᬃᬯᬓ᭄ᬬᬦ᭄ᬕᬸᬭᬸ᭞ᬲᬸᬮᬸᬭᬂᬦᬫ᭄ᬧᬶᬧᬶᬦᬸᬦᬲ᭄᭞ᬲᬫ᭄ᬧᬾᬗᬃᬢᬶ᭞ᬯᬶᬮᬗᬶᬦ᭄ᬳᬓᬸ
ᬤᬂᬧᬲᬮ᭄᭟᭐᭟ᬲᬓᬶᬂᬓᬦ᭄ᬥᬲᬫᬶᬯᬶᬮᬂ᭞ᬩᬩᬦ᭄ᬢᭂᬦᬾᬯᬶᬚᬶᬯᬶᬚᬶ᭞ᬫᬶᬯᬄᬲᭀᬮᬳᬶᬂᬓᬥᬃᬫᬦ᭄᭞ᬧᬜ᭄ᬘᬕᬶᬮᬫᬮᬶᬄᬳᬶᬧᬸᬦ᭄᭞ᬫᬶᬯᬄᬢᬢᬸᬚᭀᬦ᭄ᬫᬢᬸᬭᬦ᭄᭞ᬜᬾᬦ᭄ᬳᬢᬸ
ᬭᬶᬦ᭄᭞ᬢᬢᬲᬂᬳᬧᬗᬢᬯᬂ᭟᭐᭟ᬓᬵᬮᬦᬶᬂᬫᬥᬦᬧᬸᬡ᭄ᬬ᭞ᬬᬤᬶᬦ᭄ᬫᬲᬯᬾᬯᬾᬄᬫᬮᬶᬄ᭞ᬓᬾᬦ᭄ᬓᬾᬦ᭄ᬲᭀᬮᬳᬾᬗᬢᬸᬭᬂ᭞ᬫᬋᬧ᭄ᬓᬶᬚᬓᬾᬫᬮᬸᬗ᭄ᬕᬸᬄ᭞ᬳᬶᬥᭂᬧᬾᬤᬶᬚᬕᭂᬦᬳᬂ᭞ᬬ
ᬤᬶᬦ᭄ᬪᬓ᭄ᬢᬶ᭞ᬗᬸᬓᬸᬃᬲᬸᬫ᭄ᬩᬳᬾᬢᬸᬦᬲᬂ᭟᭐᭟ᬜᬸᬫ᭄ᬩᬄᬯᬶᬥᬶᬜᬸᬫ᭄ᬩᬄᬤᬾᬯ᭞ᬜᭂᬫ᭄ᬩᬄᬧᬶᬢ᭄ᬭᬫᬶᬯᬄᬪᬹᬢᬶ᭞ᬬᬤᬶᬦ᭄ᬜᭂᬫ᭄ᬩᬄᬰᬶᬯᬢᬶᬕ᭞ᬯᬦᭂᬗᬾ ᬢᭂᬕᭂᬲᬂᬤᬶᬢᬸ᭞ᬫᬗ᭄ᬤᬦᭂᬤᬢ