This page has been proofread.
[᭒᭑ 21B]
᭒᭑
ᬗ᭄ᬓ᭄ᬭᬕ᭄ᬤᬶᬚᬮᬦ᭄᭞ᬳ᭄ᬤᬵᬫᬦᭀᬮᬄᬓᭂᬤᭀᬭᬶ᭞ᬋᬕᭂᬧᬂᬘ᭄ᬦᬶᬂᬫ᭄ᬮᬳᬂ᭞ᬤᬵᬦᬶᬗᭂᬄᬗᬤᭂᬓ᭄ᬦᬶᬗ᭄ᬳᬮᬶᬦ᭄᭞ᬤᬾᬯᬾᬓᬾᬧ
ᬦ᭄ᬤᬺᬂᬳᬶᬗᭂᬢᬶᬦ᭄᭞ᬰᬹᬦ᭄ᬬᬦᬾᬕᬼᬗᬂᬢᬸᬚᬸ᭞ᬬᬦ᭄ᬘᭂᬦᬶᬂᬫᬢᭀᬮᬶᬳᬦ᭄᭞ᬚᬦ᭄ᬢᭂᬦ᭄ᬭᬯᬶᬢ᭄ᬦᬾᬢᬶᬗ᭄ᬳᬮᬶᬦ᭄᭞ᬜᭂᬦ᭄ᬢᬦ᭄ᬩᬸ
ᬳᬸᬂ᭞ᬓ᭄ᬮᬗᭂᬦ᭄ᬘᭂᬦᬶᬂᬫᬮᬶᬧᭂᬢᬦ᭄᭟᭐ᬳ᭄ᬥᬵᬳᭂᬗ᭄ᬲᬧ᭄ᬢᭂᬓᬾᬦ᭄ᬳᬯᬓ᭄᭞ᬳᬶᬗᭂᬢᬶᬦ᭄ᬤᬾᬯᬾᬓᬾᬲᬳᬶ᭞ᬫᬗ᭄ᬤᬾᬲᬶᬦᬄᬬ
ᬫᭂᬮᬯᬢ᭄᭞ᬲᬧᬭᬶᬧᭀᬮᬄᬢᬶᬗ᭄ᬳᬮᬶᬦ᭄᭞ᬳᬧᬂᬲᬶᬤ᭄ᬥᬩᬦ᭄ᬗᬶᬗᭂᬢᬶᬦ᭄᭞ᬓᬤᬶᬕᬕᬫ᭄ᬩᬭᬦ᭄ᬳᬶᬧᬸᬦ᭄᭞ᬘᬶᬢᬮᬓ᭄ᬱ
[᭒᭒ 22A]
ᬦᬢᬸᬯᬶᬧᭀᬮᬄ᭞ᬚ᭄ᬮᬾᬫ᭄ᬮᬄᬢ᭄ᬭᬂᬢᬶᬗ᭄ᬳᬮᬶᬦ᭄᭞ᬓᬾᬢᭀᬢᬸᬳᬸ᭞ᬢᬸᬗ᭄ᬓᬄᬦᬸᬭᬾᬓ᭄ᬱᬳᬯᬓ᭄᭟᭐ᬫᬗ᭄ᬤᬾᬳᬯᬓ᭄ᬗᭂ
ᬫ᭄ᬮᬦ᭄ᬳᬯᬓ᭄᭞ᬓᬤᬶᬗᭂᬫ᭄ᬧᬸᬳᬦᬓ᭄ᬘᭂᬭᬶᬓ᭄᭞ᬲᬮᬳᬂᬬᬲᬬᬗᬂ᭞ᬤᬵᬜᬓ᭄ᬓᬮᬄᬩᬦ᭄ᬳᭂᬮᬶᬂ᭞ᬢᬕᬸᬢ᭄ᬲᬶᬤ᭄ᬥᬩᬦ᭄ᬗᬸᬮᬸᬭᬶ
ᬦ᭄᭞ᬘ᭄ᬦᬶᬂᬗᭂᬫ᭄ᬧᬸᬳᬸᬮᬶᬳᬮᬸᬄ᭞ᬢᬓᬸᬢ᭄ᬫᬓ᭄ᬭᬲᬶᬦ᭄ᬳᬯᬓ᭄᭞ᬓᬤᬾᬦ᭄ᬓᬾᬢᭀᬢᬺᬱ᭄ᬡᬚᬵᬢᬶ᭞ᬗᬸᬮᬄᬳᬮᬸᬄ᭞ᬫᬗᬸᬮᬸᬭᬶ
ᬦ᭄ᬭᬚᬄᬢᬫᬄ᭟᭐ᬘ᭄ᬦᬶᬂᬮ᭄ᬫᭂᬤ᭄ᬗᬮᬳᬂᬳᬯᬓ᭄᭞ᬫᬺᬓᬓ᭄ᬤᬶᬕᬸᬫᬶᬦᬾᬤᬶᬦᬶ᭞ᬦᬕᬶᬄᬧᬂᬳᬚᬶᬦᬶᬦ᭄ᬢᬶᬫ᭄ᬧᬮ᭄᭞ᬳᬶᬦ᭄ᬤᬬᬂᬲᬼᬄ
