Page:Bali-lontar-gaguritan-pakangraras-01-350ppi.pdf/48

From Wikisource
Jump to navigation Jump to search
This page has been proofread.

[᭔᭗ 47B]
ᬦ᭄ᬮᬓᬸ᭞ᬳᬦᬾᬫᬤᬦ᭄ᬲᬾᬰ᭄ᬭᬤᬶᬳ᭞ᬳᭂᬦ᭄ᬢᭀᬳᬸᬗ᭄ᬲᬶ᭞ᬤᬶᬢᬸᬳᬤᬕᬕᬸᬫᬸᬓ᭄ᬳᬜᬃ᭟ᬜᬦ᭄ᬤᬶᬂᬕᭂᬢᬶᬄᬫᬗ᭄ᬭᬭᬓᬦ᭄᭞ᬩᭀᬦ᭄ᬭᬳᬾᬓᬮᬶᬯᬢ᭄ᬫᬶᬬᬶᬓ᭄᭞
ᬤᬶᬮᬸᬳᬮᬶᬄᬕᬸᬲ᭄ᬢᬶᬧᬸᬦ᭄ᬢ᭞ᬢᬦ᭄ᬯᬗ᭄ᬤᬾᬧᬘᬂᬓᬧᬗ᭄ᬕᬸᬄ᭞ᬓᬾᬢᭀᬧᭂᬤᬲ᭄ᬓᬤᬶᬗᭂᬳᬂ᭞ᬭᬭᬶᬲ᭄ᬲᭂᬧᬶ᭞ᬳᬶᬧᬸᬦ᭄ᬢᬭᬭᬶᬲ᭄ᬳᬗᬸᬘᬧ᭄᭟ᬚᬦᬶᬓᬾᬓ᭄ᬓᬾᬦ᭄ᬪᬳᬦ᭄ᬫ
ᬥᬬ᭞ᬓᬢ᭄ᬢᬮᬚ᭄ᬭᬸᬥᬾᬄᬜᬯᬸᬭᬶᬦ᭄᭞ᬚᬮᬦᬦᬶᬲᬧᭂᬢᭂᬗ᭞ᬢᬸᬫᬸᬮᬶᬭᬭᬶᬲ᭄ᬮᬸᬫᬓᬸ᭞ᬫᬗᬸᬗ᭄ᬲᬶᬓᬲᬾᬢ᭄ᬭᬧᬭᬯᬦ᭄᭞ᬕᭂᬮᬶᬲ᭄ᬧ᭄ᬭᬧ᭄ᬢᬶ᭞ᬭᬶᬂᬲᬾᬢ᭄ᬭᬯᬸᬲ᭄ᬢ
ᬢᬲ᭄ᬍᬫᬄ᭟ᬲᬢᭂᬓᬦᬾᬫᬭᬶᬂᬲᬾᬢ᭄ᬭ᭞ᬧᬥᬗᬤᭂᬓ᭄ᬕᬡ᭄ᬥᬯᬗᬶ᭞ᬭᬭᬶᬲ᭄ᬫᬗᭂᬢᬸᬢᬂᬲᬗ᭄ᬓᬦ᭄᭞ᬓᬧᬗ᭄ᬕᬶᬄᬓᭂᬫ᭄ᬩᬂᬫᬗ᭄ᬭᬩᬸᬢ᭄᭞ᬓᬤᬶᬗᬶᬲᭂᬧ᭄ᬲᬭᬶᬦ᭄ᬓᭂᬫᬂ
[᭔᭘ 48A]
᭞ᬓᬢᬫ᭄ᬧᭂᬓᬶᬦ᭄᭞ᬲᬕᬾᬢ᭄ᬗᭂᬦᬄᬩᬂᬩᬂᬳᬜᬃ᭟ᬳᬶᬧᬸᬦ᭄ᬢᬚ᭄ᬭᬸᬥᬾᬄᬓᭂᬃᬢ᭄ᬢᬮ᭞ᬧᬥᬬᬫᬓᬜ᭄ᬘᬸᬢ᭄ᬕᭂᬦ᭄ᬢᬶᬂ᭞ᬢᬸᬫᬸᬮ᭄ᬬᬧᬥᬫᬗᭀᬓᭀᬄ᭞ᬕᭂᬮᬶᬲ᭄ᬮ
ᬮᬶᬸᬬᭀᬦᬾᬓᬢᬶᬫᬸ᭞ᬭᬭᬶᬲ᭄ᬕᭂᬮᬶᬲ᭄ᬓᬳᬸᬗ᭄ᬕᬳᬂ᭞ᬓᬳᬶᬗᭂᬢᬶᬦ᭄᭞ᬲᬸᬩᬧᭂᬤᬲ᭄ᬭᬸᬧᬦ᭄ᬕᬸᬲ᭄ᬢᬶᬦ᭄ᬜ᭟ᬕᭂᬮᬶᬲ᭄‌ᬬᬫᬗᬦ᭄ᬩᬶᬮ᭄ᬢᭀᬬ᭞ᬮᬬᭀᬦᬾᬭᬭᭀᬲ᭄ᬲᬶᬭ
ᬫᬶᬦ᭄᭞ᬯᬮᬸᬬᬫᬦ᭄ᬢ᭄ᬭᬶᬓᭀᬭᬶᬧᬦ᭄᭞ᬳᬶᬓᬃᬢ᭄ᬢᬮᬗᭂᬮᬶᬂᬫᬗᭂᬮᬸᬃ᭞ᬳᬶᬧᬸᬦ᭄ᬢᬰ᭄ᬭᬸᬥᬾᬄᬫᬕᬸᬬᬂ᭞ᬚᭂᬭᬶᬢ᭄ᬚᭂᬭᬶᬢ᭄᭞ᬧᬥᬬᬫᬲᬲᬫ᭄ᬩᬢᬦ᭄᭟ᬤᬾᬯᬩ
ᬕᬸᬲ᭄ᬳᬦ᭄ᬢᭀᬲ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬧᬘᬂᬗᬶᬭᬶᬂᬫᬢᬶ᭞ᬢᬶᬢ᭄ᬬᬂᬧᬘᬂᬓᬦᬵᬕᬭ᭞ᬦᬾᬫᬗ᭄ᬓᬶᬦ᭄ᬚᬕᬶᬫᬗᬫᬸᬓ᭄᭞ᬦᬤ᭄ᬬᬦ᭄ᬓᭂᬫ᭄ᬩᬭᬶᬦ᭄ᬧᬸᬗ᭄ᬕᬯ᭞ᬲᬸᬓᬫᬢᬶ᭞