This page has been proofread.
[᭔᭐ 40B]
᭔᭐
ᬳᬶᬦ᭄᭞ᬦᭂᬢᭂᬧᬂᬲᬧᬭᬶᬓ᭄ᬭᬫ᭟ᬮᬬᭀᬦᬾᬓᬤᬶᬉᬭᬶᬧ᭞ᬕᬸᬫᬶᬯᬂᬭᬕᬦᬾᬕᬥᬶᬂ᭞ᬫᬶᬬᬶᬓᬾᬗᭂᬩᭂᬓᬶᬦ᭄ᬢᬸᬦᭀᬦ᭄᭞ᬧ᭄ᬭᬪᬸᬯᬦᬶᬤᬦᬾᬮᬶ
ᬬᬸ᭞ᬢᬾᬚᬗᭂᬦ᭄ᬤᬶᬄᬫᬳᬶᬍᬳᬦ᭄᭞ᬭᬶᬭᬶᬲᬮᬶᬢ᭄᭞ᬓᭂᬢᬸᬕ᭄ᬮᬶᬦ᭄ᬤᬸᬫᬕᬾᬜ᭄ᬚᭀᬢᬦ᭄᭟ᬮᬶᬬᬸᬧᬥᬓᬕᬯᭀᬓᬦ᭄᭞ᬮᬸᬯᬶᬄᬳᬶᬤ
ᬕᬸᬲ᭄ᬢᬶᬧᬢᬶᬄ᭞ᬭᬭᬶᬲ᭄ᬫᬾᬮᬶᬂᬭᬶᬂᬧᬗ᭄ᬭᬯᭀᬲ᭄᭞ᬧᬩᭂᬲᭂᬦᬾᬲᬂᬳᬮᬫ᭄ᬧᬸᬲ᭄᭞ᬢᬸᬯᬶᬲᬚᬳᬦᬓ᭄ᬫᬾᬡᬓ᭄᭞ᬗ᭄ᬭᬱᬾᬂᬳᬢᬶ᭞ᬮᬶᬬᬸᬧ
ᬥᬫᬫᬗᭂᬦ᭟ᬬᬾᬦᬶᬂᬢ᭄ᬯᬄᬚᬦ᭄ᬫᬰᬸᬤ᭄ᬭ᭞ᬢᭀᬂᬤᬸᬕᬶᬫᬘᬶᬭᬶᬍᬯᬶᬄ᭞ᬫᬶᬭᬶᬩ᭄ᬧᬗ᭄ᬢᭂᬲ᭄ᬭᬚᬧᬸᬢ᭄ᬭ᭞ᬘᬶᬭᬶᬦ᭄ᬜᬦᬾᬲᬸᬩᬮᬶᬬᬸ᭞ᬚᬢᬶ
[᭔᭑ 41A]
ᬦ᭄ᬜᬦᬾᬢ᭄ᬯᬭᬢᬯᬂ᭞ᬢ᭄ᬯᬄᬦᬾᬳᬾᬲ᭄ᬢᬶ᭞ᬜᬤ᭄ᬬᬗᬶᬭᬶᬂᬓᬬᬸᬦ᭄ᬲᬂᬧ᭄ᬭᬪᬸ᭟ᬕᬸᬲ᭄ᬢᬶᬧᬢᬶᬄᬫᬗᬦ᭄ᬤᬶᬓ᭞ᬢᭂᬓᬾᬦᬶᬭᬶᬗᬦᬾᬲᬫᬶ᭞ᬦᬄ
ᬓᬾᬧᬥᬧ᭄ᬭᬕᬢᬂ᭞ᬳᬩᬓᬩᬗ᭄ᬩᬗᬾᬢᬸᬃᬳᬸᬭᬸᬕ᭄᭞ᬢᭂᬓᬦᬶᬲᬗ᭄ᬕᬃᬃᬮᬳᬧᬦ᭄᭞ᬧᬸᬧᬸᬢ᭄ᬲᬫᬶ᭞ᬲᬧᬭᬶᬓ᭄ᬭᬫᬦ᭄ᬯᭀᬂᬧᭂᬚᬄ᭟ᬢ
ᬦ᭄ᬓᭀᬘᬧᬦ᭄ᬫᬭᬶᬂᬲᬾᬢ᭄ᬭ᭞ᬓᭀᬘᬳᭀᬲᬫ᭄ᬧᬸᬦ᭄ᬩᬸᬤᬮ᭄ᬲᬫᬶ᭞ᬧᬥᬫᬗ᭄ᬭᬱᬧᬶᬢᬺᬱ᭄ᬡᬵ᭞ᬧᬚᬮᬦᬾᬗᬦ᭄ᬢᬸᬦᬦ᭄ᬢᬸᬦ᭄᭞ᬢᬦ᭄ᬓᭀᬘᬧ᭄ᬚᬦᬶᬭᬶᬂ
ᬫᬃᬕ᭄ᬕ᭞ᬕᭂᬮᬶᬲ᭄ᬧ᭄ᬭᬧ᭄ᬢᬶ᭞ᬫᬗᭀᬚᭀᬕ᭄ᬭᬭᬶᬲ᭄ᬓᬧᬸᬭ᭟ᬲᬢᭂᬓᬦᬾᬫᬭᬶᬂᬧᬸᬭ᭞ᬲᬂᬧ᭄ᬭᬪᬸᬓᬭᬶᬫᬮᬶᬗ᭄ᬕᬶᬄ᭞ᬲᬂᬦᬵᬣᬣᬗᬦ᭄ᬤᬶᬓᬳᬮᭀ
