[᭓᭖ 36B]
᭓᭖
ᬢ᭄ᬬᬂᬓᬭᬶᬫᬤᬩ᭄ᬤᬩᬦ᭄᭟ᬲᬂᬧ᭄ᬭᬪᬸᬳᬶᬤᬗᬦ᭄ᬤᬶᬓ᭞ᬦᬄᬓᬾᬓᭂᬫᬧᬕᬗ᭄ᬲᬭᬶᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬭᬭᬶᬲ᭄ᬩᬸᬤᬮ᭄᭞ᬲᬢᭂᬓᬦᬾᬗᬭ
ᬱᬭᬶᬂᬓᬬᬸᬦ᭄᭞ᬢᬦ᭄ᬯᬗ᭄ᬤᬾᬦᬦ᭄ᬧᬘᬂᬧᭂᬚᬄ᭞ᬕᭂᬮᬶᬲ᭄ᬗᬫ᭄ᬩᬶᬮ᭄᭞ᬭᭀᬦ᭄ᬢᬮ᭄ᬫᬗ᭄ᬭᬭᬶᬲ᭄ᬜᬸᬭᬢ᭄᭟ᬢᬦ᭄ᬮ᭄ᬬᬦᬾᬓᬳᬸᬗ᭄ᬕᬳᬂ᭞ᬲᬓᬦ᭄ᬤᬦᬾᬫᬗ᭄ᬕᬸᬄᬲᬫᬶ᭞
ᬢᬸᬲ᭄ᬢᬸᬲᬦ᭄ᬯᬗ᭄ᬰᬓᬧ᭄ᬭᬪᭀᬦ᭄᭞ᬭᬶᬂᬚᬗ᭄ᬕᬮᬫᬗ᭄ᬓᬸᬦᬕᬦ᭄ᬢᬸᬦ᭄᭞ᬭᬕᬦᬾᬓᬩᬲᬬᬂ᭞ᬳᬤᬶᬤᬾᬯᬶ᭞ᬩᭂᬮᬚᬦᬶᬫᭂᬕᬢ᭄ᬢᬺᬱ᭄ᬡᬵ᭟ᬬᬾᬦ᭄ᬢᬸᬯᬄ᭠
ᬳᬤᬶᬫᭂᬗᭂᬕᭃ᭞ᬩᭂᬮᬶᬫᬫᬶᬲᬦ᭄ᬭᬶᬂᬳᬤᬶ᭞ᬩᭂᬮᬶᬫᬦ᭄ᬢ᭄ᬭᬶᬦᬶᬂᬓᭀᬭᬶᬧᬦ᭄᭞ᬦᬾᬚᬦᬶᬳᬶᬩᬧᬫᬗᬸᬢᬸᬲ᭄᭞ᬢᬦᬸᬭᬸᬂᬢ᭄ᬯᬄᬩᭂᬮᬶᬧᭂᬚᬄ᭞ᬳᬤᬶᬗ
[᭓᭗ 37A]
ᬫ᭄ᬩᬶᬮ᭄᭞ᬧᬗᬗ᭄ᬕᭀᬦ᭄ᬩᭂᬮᬶᬦᬾᬤᬶᬢᬫᬦ᭄᭟ᬤᬶᬢᬸᬩᭂᬮᬶᬫᬦᬦᭂᬫᬂ᭞ᬭᬶᬂᬩᭀᬗ᭄ᬓᭀᬮ᭄ᬯᬶᬢ᭄ᬦᬕᬲᬭᬶ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬗᭂᬮᬶᬢᬺᬱ᭄ᬡ᭞ᬳᬶᬥᭂ
ᬧ᭄ᬩᭂᬮᬶᬭᬶᬂᬳᬤᬶᬕᬮᬸᬄ᭞ᬲᬓ᭄ᬱᬢ᭄ᬩᭂᬮᬶᬧᭂᬢᭂᬂᬍᬫᬄ᭞ᬩᬋᬂᬳᬤᬶ᭞ᬳᭂᬤᬲᬗᭂᬲᬗᭂᬢ᭄ᬯᬬᬗᭀᬦᬦ᭄᭟ᬬᬾᬦ᭄ᬮᬾᬦ᭄ᬭᬶᬂᬧᬸᬢ᭄ᬭᬚᬗ᭄ᬕᬮ᭞ᬩᭀᬦ᭄ᬧᬸᬭᬸ
ᬦ᭄ᬭᬶᬂᬳᬶᬬᬤᬶ᭞ᬮᬗ᭄ᬕᬧ᭄ᬬᬫᬗᬫᬾᬢ᭄ᬲᭂᬓᬃ᭞ᬭᬶᬂᬓᬃᬡ᭄ᬦᬦᬤᬶᬦᬾᬲᬫ᭄ᬧᬸᬦ᭄᭞ᬲᭂᬥᭂᬂᬧᬹᬃᬡ᭄ᬦᬫᬦᬶᬂᬓᬧᬢ᭄᭞ᬯᬸᬲᬦ᭄ᬫᬗ᭄ᬭᬲᬶᬄ᭞ᬤᬶᬢᬸᬩᭂᬮᬶᬫᬳᬸᬭᬸᬧ᭄ᬲᭂᬓᬃ
᭟ᬲᬯᬸᬲᬦ᭄ᬳᬶᬤᬫᬜᬸᬭᬢ᭄᭞ᬭᬭᬶᬲ᭄ᬓᬕᭂᬦᬳᬂᬕᭂᬮᬶᬲ᭄᭞ᬭᬶᬂᬩᬢᬦ᭄ᬓᬮᬲᬧᬢᬸᬭᭀᬦ᭄᭞ᬫᬲᬸᬲᬸᬦ᭄ᬧᬧᭂᬤᭂᬓᬾᬤᬶᬢᬸ᭞ᬕᭂᬮᬶᬲ᭄ᬳᬶᬤᬗᬫ᭄ᬩᬶᬮ᭄ᬘᬦᬂ᭞
Page:Bali-lontar-gaguritan-pakangraras-01-350ppi.pdf/37
Jump to navigation
Jump to search
This page has been proofread.
