Page:Bali-lontar-gaguritan-pakangraras-01-350ppi.pdf/29

From Wikisource
Jump to navigation Jump to search
This page has been proofread.

[᭒᭘ 28B]
ᬲᬫ᭄ᬧᬸᬦ᭄ᬢᬢᬲ᭄ᬕᬮᬂᬢᬦᬄ᭟ᬲᬢᭂᬓᬦᬾᬭᬶᬂᬧᬕᭂᬦᬳᬦ᭄᭞ᬓᬧᬫᬺᬫᬦᬾᬗᬭᬭᬶᬲ᭄᭞ᬫᬧᬗᭂᬦᬦ᭄ᬩᭂᬗᬂᬩᭂᬗᭀᬂ᭞ᬳᬾᬮᬶᬂᬭᬶᬂᬭᬳᬤᬾ᭠
ᬦ᭄ᬕᬮᬸᬄ᭞ᬳᬶᬗᭂᬢᬾᬲᬧᬭᬶᬧᭀᬮᬄ᭞ᬫᬗ᭄ᬭᬡᬳᬶᬦ᭄᭞ᬭᬱᬳᬶᬤᬵᬤᬶᬧᬩᬶᬦᬦ᭄᭟ᬢᬦ᭄ᬓᭀᬘᬧᬺᬓᬾᬭᬳᬤ᭄ᬬᬦ᭄᭞ᬲᬶᬋᬧ᭄ᬳᬶᬤᬫᬭᬶᬂᬭ
ᬗ᭄ᬓᬶ᭞ᬲᬸᬩᬮᬶᬗ᭄ᬲᬶᬃᬲᬂᬳ᭄ᬬᬂᬲᬹᬃᬬ᭄ᬬ᭞ᬉᬘᬧᭂᬦ᭄ᬭᬳᬤᬾᬦ᭄ᬕᬮᬸᬄ᭞ᬲᬫ᭄ᬧᬸᬦ᭄ᬳᬶᬤᬫᬲᬸᬘ᭄ᬬᬦ᭄᭞ᬓᭂᬘᬸᬤ᭄ᬓᬸᬦᬶᬂ᭞ᬓᬤᬶᬩᬸᬮᬦ᭄ᬓᬭᬳᬶᬦᬦ᭄᭟ᬭᬭᬶᬲ᭄ᬳᬶᬤᬫ
ᬗᬦ᭄ᬤᬶᬓ᭞ᬜᭀᬦ᭄ᬢᭀᬤᬶᬢᬸᬘᭂᬭᬶᬓ᭄ᬘᭂᬭᬶᬓ᭄᭞ᬓᭂᬫᬳᬮᬶᬄᬳᬶᬧᬓᬂᬭᬭᬲ᭄᭞ᬦᬶᬭᬫᬗᬚᬳᬶᬦ᭄ᬧᬸᬧᬸᬄ᭞ᬧᬸᬧᬸᬄᬓᬶᬤᬸᬂᬚᬬᬾᬂᬤ᭄ᬭᬶᬬ᭞ᬕᭂᬮᬶᬲ᭄ᬫ
[᭒᭙ 29A]
ᬫᬃᬕ᭄ᬕᬶ᭞ᬧᬜ᭄ᬚ᭄ᬭᭀᬯᬦᬾᬗᬚᬩᬬᬂ᭟ᬲᬢᭂᬓᬦᬾᬫᬭᬶᬂᬭᬗ᭄ᬓ᭄ᬬ᭞ᬭᬳᬤ᭄ᬬᬦ᭄ᬯᬯᬸᬫᬢᬗᬶ᭞ᬦᬶᬰᭀᬓᬫᬰᬩ᭄ᬥᬳᬮᭀᬦ᭄᭞ᬭᬯᬸᬄᬢᬶᬢ᭄ᬬ
ᬗᬾᬓᬳᬸᬢᬸᬲ᭄᭞ᬳᬶᬕᬸᬲ᭄ᬢᬶᬦ᭄ᬤᬶᬓᬬᬂᬓᬧᬸᬭ᭞ᬲᬦᬾᬫᬗ᭄ᬓᬶᬦ᭄᭞ᬭᬢᬸᬳᬬᬗᬦ᭄ᬤᬶᬓᬬᬂ᭟ᬲᬸᬫᬯᬸᬃᬳᬶᬤᬭᬳᬤ᭄ᬬᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬓᬭᬶ
ᬫᬲᬸᬕᬶ᭞ᬯᬸᬲ᭄ᬫᬲᬸᬕᬶᬜᬸᬗ᭄ᬕᬃᬭᭀᬫ᭞ᬯᬃᬡ᭄ᬦᬦᬾᬓᬯᭀᬢ᭄ᬲᬸᬫᬸᬦᬸᬂ᭞ᬯᬸᬲᬦ᭄ᬫᬳ᭄ᬬᬲ᭄ᬗᬶᬦᬂᬲᭂᬥᬄ᭞ᬕᭂᬮᬶᬲ᭄ᬫᬫᬃᬕ᭄ᬕᬶ᭞ᬧᬜ᭄ᬚ᭄ᬭᭀᬯᬦᬾᬫᬗᬶᬭᬶᬗᬂ᭟
ᬕᭂᬮᬶᬲ᭄ᬭᬯᬸᬄᬳᬶᬤᬤᬶᬧᬸᬭᬶ᭞ᬕᭀᬯᬓ᭄ᬱᬓ᭄ᬯᬾᬳᬶᬂᬯᭀᬂᬧᬸᬭᬶ᭞ᬕᭀᬩᬦᬾᬢ᭄ᬯᬭᬤᬓᬲᭀᬃ᭞ᬭᬶᬂᬧᬃᬡ᭄ᬦᬦᬾᬭᬤᬾᬦ᭄ᬕᬮᬸᬄ᭞ᬢ᭄ᬯᬄᬲᭂᬥᭂᬂᬗ᭄ᬭᬡᬵ