[᭑᭙ 19B]
᭑᭙
ᬓ᭄ᬱᬾᬂᬧᬰ᭄ᬘᬤ᭄᭞ᬭᬤᬾᬦ᭄ᬤᬾᬯᬶᬩᬸᬓᬵᬢᭂᬢᬸᬲ᭄᭞ᬓᬬᬸᬦᬾᬮᬸᬮᬸᬢ᭄ᬓᬲ᭄ᬫᬭᬦ᭄᭞ᬢᬺᬱ᭄ᬡᬳᬲᬶᬄ᭞ᬢᭂᬍᬩ᭄ᬓᬬᬸᬦᬾᬓᬧ᭄ᬭᬡᬦ᭄᭟ᬓᬲᬸ᭠
ᬲᬸᬧᬦ᭄ᬩᬳᬦᬶᬦ᭄ᬤ᭄ᬭᬶᬬ᭞ᬓᬓᬯᬶᬦᬾᬫᬗ᭄ᬭᬡᬳᬶᬦ᭄᭞ᬩᬲ᭄ᬲᬗᭂᬢ᭄ᬩᬮᬸᬭᬶᬦ᭄ᬘᬶᬢ᭄ᬢ᭞ᬤᬶᬲᬸᬮᬸᬓᬾᬢ᭄ᬯᬄᬬᬳᬜᬸᬤ᭄᭞ᬉᬧᬫᬦ᭄ᬜᬲᬸᬩᬳᬤ᭞ᬲᬸᬩᬫᬶᬮᬶᬄ᭞ᬲᬭᬶᬦᬾ
ᬦᬦ᭄ᬢᬗᬶᬩᬸᬫ᭄ᬩᬸᬂ᭟ᬓᬾᬢᭀᬧᬓᭂᬜᭂᬢᬶᬂᬘᬶᬢ᭄ᬢ᭞ᬓᬾᬯᬮᬩᬳᬦᬺᬱᭂᬧᬲᬶᬄ᭞ᬤᬾᬦᬶᬂᬬᬚᬮ᭄ᬫᬳᭂᬲᭀᬃᬓᬾᬯᬮᬳᬢᬶᬦᬾᬮᬸᬮᬸᬢ᭄᭞ᬢᬺᬱ᭄ᬡᬦᬾᬤ
ᬳᬢ᭄ᬲᬲᬶᬳ᭞ᬭᬤᬾᬦ᭄ᬤᬾᬯᬶ᭞ᬫᬓᬬᬸᬦ᭄ᬗᬶᬘᬾᬦ᭄ᬓᬤᬸᬢᬦ᭄᭟ᬘᬳᬶᬢᬾᬳᬶᬧᬓᬂᬭᬭᬲ᭄᭞ᬫ᭄ᬩᭀᬓ᭄ᬫᬳᬂᬘᬳᬶᬓ᭄ᬭᬶᬲ᭄᭞ᬲᬸᬩᬜᬦ᭄ᬤᬂᬘᬳᬶᬗᬗ᭄ᬕᭀ᭞ᬫᬤᬗ
[᭒᭐ 20A]
ᬦᬦ᭄ᬫᬵᬫᬲᭂᬮᬸᬧ᭄᭞ᬓᭀᬘᬧ᭄ᬧᬹᬃᬡ᭄ᬦᬫᬦᬶᬂᬩᬾᬜ᭄ᬚᬂ᭞ᬳᬧᬂᬘᬳᬶ᭞ᬬᭀᬕ᭄ᬬᬫᬦ᭄ᬤᬸᬲ᭄ᬫᬧᭂᬦᬶᬗᬦ᭄᭟ᬧᬲᬳᬸᬭᬾᬭᬳᬤ᭄ᬬᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬭᬢᬸ
ᬫᬵᬲ᭄ᬫᬡᬶᬓ᭄᭞ᬧᬳᬶᬘᬦ᭄ᬘᭀᬓᭀᬃᬳᬶᬤᬾᬯ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬲᬗ᭄ᬕᬄᬢᬸᬗ᭄ᬕᬸᬮ᭄᭞ᬓᬮᬶᬄᬫᬗ᭄ᬕᬾᬗᭂᬫᬶᬢ᭄ᬢᬶᬯ᭞ᬫᬶᬫ᭄ᬩᬸᬄᬓᭂᬜᬶᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬦᬗ᭄ᬕ
ᬧ᭄᭟ᬤᬶᬲᬸᬩᬦᬾᬦᬗ᭄ᬕᬧ᭄ᬧᬩᬳᬂ᭞ᬭᬳᬤ᭄ᬬᬦ᭄ᬕᭂᬮᬶᬲ᭄ᬫᬧᬫᬶᬢ᭄᭞ᬕ᭄ᬮᬶᬲᬶᬂᬘᬭᬶᬢᬲᬫ᭄ᬧᬸᬦ᭄ᬍᬫᬄ᭞ᬧᬸᬃᬡ᭄ᬦᬫᬓᬃᬢ᭄ᬢᬶᬓᬦᬸᬚᬸ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᭀ
ᬘᬧᬦ᭄᭞ᬮᬸᬗ᭄ᬳᬵᬫᬩᬺᬱᬶᬄ᭞ᬫᬲᬶᬭᬫ᭄ᬗᬸᬗ᭄ᬲᬶᬭᬶᬂᬢᬫᬦ᭄᭟ᬲᬯᬸᬲᬦ᭄ᬳᬶᬤᬃᬫᬲᬶᬭᬫ᭄᭞ᬭᬭᬶᬲ᭄ᬩᬤᬮᬶᬤᬕᭂᬮᬶᬲ᭄᭞ᬫᬗ᭄ᬭᬭᬶᬲ᭄ᬳᬶᬤᬓᬚ᭄ᬭᭀ᭞ᬭᬶᬂᬮᬶᬗ᭄ᬕᬶ
Page:Bali-lontar-gaguritan-pakangraras-01-350ppi.pdf/20
Jump to navigation
Jump to search
This page has been proofread.
