This page has been proofread.
[᭑᭖ 16B]
᭑᭖
ᬫᬤᬶᬢᬸᬤᬩ᭄ᬤᬩᬂ᭞ᬢᬶᬓᭂᬄᬕᬍᬂᬫᬶᬯᬄᬓᬲᬸᬃ᭞ᬮᬗ᭄ᬲᬾᬮᬮᬸᬳᬸᬭᬾᬧᬦ᭄ᬢᭂᬲᬂ᭞ᬫ᭄ᬯᬄᬕᬕᬸᬮᬶᬂ᭞ᬢᭂᬓᬾᬦ᭄ᬧᬯᭀᬦ᭄ᬧᬯᬶᬤ᭄ᬯᬦ᭄᭟ᬧ
ᬜ᭄ᬚ᭄ᬭᭀᬯᬦ᭄ᬫᬓ᭄ᬢᬧᬫ᭄ᬭᬫᬦ᭄᭞ᬫᬤᬸᬮᬸᬭᬦ᭄ᬘᬦᬂᬳᬯᬜ᭄ᬘᬶ᭞ᬫᬶᬯᬄᬯᬲ᭄ᬢ᭄ᬭᬘᭂᬧᬸᬓ᭄ᬯᬶᬭᬗ᭄ᬭᭀᬂ᭞ᬲᬩᬓ᭄ᬲᬸᬢ᭄ᬭᬦᬾᬫᬲᬳᬸᬤ᭄᭞ᬓᬫ᭄ᬧᬸᬄᬲᬸ
ᬢ᭄ᬭᬩᬩᬶᬦ᭄ᬢᬗᬦ᭄᭞ᬫᬥᬲᬃᬢᬗᬶ᭞ᬲᬧᬗᬗ᭄ᬕᭀᬳᬦᬓ᭄ᬮᬦᬂ᭟ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭟ᬭᬳᬤ᭄ᬬᬦ᭄ᬭᬭᬶᬲ᭄ᬓᬭᬗ᭄ᬓᬶ᭞ᬧᬫᬃᬕ᭄ᬕᬶᬦᬾᬲᬤᬳᬮᭀ
ᬦ᭄᭞ᬭᬤᬾᬦ᭄ᬤᬾᬯᬶᬤᬫᬦ᭄ᬤᬸᬮᬸ᭞ᬮᬫ᭄ᬧᬳᬾᬳᬶᬧᬓᬂᬭᬭᬲ᭄᭞ᬢᬸᬳᬸᬳᬲᬶᬦ᭄᭞ᬢᬶᬗ᭄ᬓᬳᬾᬦᬶᬭᬸᬓᬭᬹᬧ᭟ᬢᬦ᭄ᬓᭀᬘᬧᬺᬓᬾ᭠
[᭑᭗ 17A]
ᬤᬶᬚᬮᬦ᭄᭞ᬲᬫ᭄ᬧᬸᬦ᭄ᬭᬯᬸᬄᬬᬭᬶᬂᬭᬗ᭄ᬓᬶᬦ᭄᭞ᬭᬳᬤ᭄ᬬᬦ᭄ᬫᬮᬶᬗ᭄ᬕᬶᬄᬩᭂᬗᭀᬂ᭞ᬩᬬᬦ᭄ᬲᬗ᭄ᬳᬶᬢ᭄ᬩᬸᬤᬮ᭄ᬲᬫ᭄ᬧᬸᬦ᭄᭞ᬗᬶᬦ᭄ᬢᬾᬫ᭄ᬩᬦ᭄ᬮᬦ᭄ᬧᬜ᭄ᬚ᭄ᬭᭀᬯᬦ᭄᭞
ᬧᬥᬧᬓ᭄ᬭᬶᬫᬶᬓ᭄᭞ᬫᬶᬲᬶᬓᬂᬳᬶᬧᬓᬂᬭᬭᬲ᭄᭟ᬧᬥᬫᬗᬮᬶᬄᬧᬳᬾᬓᬦ᭄᭞ᬳᬤᬗᬮᬶᬄᬕᬸᬡᬧᬗᬲᬶᬄ᭞ᬳᬤᬗᬮᬶᬄᬩᬸᬗᬄᬧᬗᬗ᭄ᬕᭀ᭞ᬳ
ᬤᬗᬮᬶᬄᬍᬗᬶᬲ᭄ᬤᬸᬬᬸᬂ᭞ᬳᬤᬗᬮᬶᬄᬫᬭᬓᭀᬰ᭞ᬫᬗᬸᬗ᭄ᬕᬳᬶᬦ᭄᭞ᬗᬮᬶᬄᬍᬕᬓᬓᭀᬲᭀᬤᬦ᭄᭟ᬳᭂᬦᭂᬗᬓ᭄ᬦᬧᬸᬦᬶᬓ᭞ᬓᬯᬸᬯᬸᬲᬦ᭄ᬭᬤᬾ
ᬦ᭄ᬤᬾᬯᬶ᭞ᬲᬫ᭄ᬧᬸᬦ᭄ᬫᬸᬗ᭄ᬕᬄᬭᬶᬂᬧᬢᬸᬭᭀᬦ᭄᭞ᬤᬶᬓᬬᬸᬦ᭄ᬫᬲᬶᬄᬫᬕᬦ᭄ᬢᬸᬂ᭞ᬢᬦ᭄ᬮ᭄ᬬᬦᬶᬧᬓᬂᬭᬭᬲ᭄᭞ᬲᬸᬫᭂᬮᬧᬶᬂᬮᬶᬭᬶᬂ᭞ᬭᬭᬶᬲ᭄ᬗᬦ᭄ᬤᬶᬓᬭᬶᬂᬦᬶᬩᬬᬦ᭄
