Page:Bali-lontar-gaguritan-pakangraras-01-350ppi.pdf/15

From Wikisource
Jump to navigation Jump to search
This page has been proofread.

[᭑᭔ 14B]
᭑᭔
ᬦ᭄᭞ᬇᬗ᭄ᬕᬶᬄᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬸᬧᬸᬢᬂᬗᬯᬸᬮ᭟ᬭᬳᬤᬾᬦ᭄ᬤᬾᬯᬗᬦ᭄ᬤᬶᬓ᭞ᬬᬾᬦᬶᬂᬓᬾᬢᭀᬢᬸᬳᬸᬘᬳᬶ᭞ᬳᭂᬤᬩᬸᬯᬶᬦ᭄ᬓᬚᬩᬦᭀᬗᭀ
ᬲ᭄᭞ᬭᬶᬂᬳᬸᬫᬳᬾᬳᬶᬜᬩᭂᬓᬸᬂ᭞ᬤᬶᬭᬗ᭄ᬓᬶᬘᬳᬶᬫᬕᭂᬦᬄ᭞ᬚ᭄ᬭᭀᬦᬶᬂᬧᬸᬭᬶ᭞ᬤᬶᬢᬸᬫᬮᬚᬄᬳᬦᬾᬫᭂᬮᬄ᭟ᬘᬳᬶᬳᬗ᭄ᬕᭀᬦ᭄ᬳᭂᬫ᭄ᬩᭀᬓ᭄ᬜᬫᬵ᭞
ᬳᭂᬫ᭄ᬩᭀᬓ᭄ᬫᬗᬤᬦᬶᬦ᭄ᬘᬳᬶ᭞ᬘᬳᬶᬫᬤᬦ᭄ᬧᬓᬂᬭᬭᬲ᭄᭞ᬭᬳᬤ᭄ᬬᬦ᭄ᬕᭂᬮᬶᬲ᭄‌ᬲᬸᬫᬯᬸᬃ᭞ᬢᬶᬢ᭄ᬬᬂᬢᬦ᭄ᬧᬸᬭᬸᬦ᭄ᬧᬶᬯᬮ᭄᭞ᬢᬶᬢ᭄ᬬᬂᬗᬶᬭᬶᬂ᭞ᬮᬾᬤᬂᬭᬢᬸᬗᬶᬘᬾᬦ᭄ᬯ
ᬱ᭄ᬝᬵ᭟ᬭᬤᬾᬦ᭄ᬕᬮᬸᬄᬫᬗᬤᬶᬓ᭞ᬩᬬᬦ᭄ᬓᭂᬫᬓᬾᬫᬲᬕᬶ᭞ᬲᬕ᭄ᬬᬂᬳᬶᬧᬓᬂᬭᬭᬲ᭄᭞ᬳᬧᬂᬬᬫᬥᬳᬃᬫᬮᬸ᭞ᬦᬶᬩᬬᬦ᭄ᬗ᭄‌ᬫᬢᬸᬃᬲᬦ᭄ᬤᬶᬓ᭞ᬕᭂᬮᬶᬲ᭄ᬫ
[᭑᭕ 15A]
ᬲᬕᬶ᭞ᬦᬶᬩᬬᬦ᭄ᬫᬫ᭄ᬩᭂᬓ᭄ᬭᬲᭀᬤ᭟ᬭᬤᬾᬦ᭄ᬤᬾᬯᬶᬫᬮᬶᬄᬫᬗᬦ᭄ᬤᬶᬓ᭞ᬦᬄᬫᬥᬳᬃᬦᬾᬫᬮᬸᬘᬳᬶ᭞ᬧᬓᬂᬭᬭᬲ᭄ᬲᬯᬸᬃᬦᬸᬦᬲ᭄᭞ᬧᬳᬶ
ᬘᬦ᭄ᬘᭀᬓᭀᬃᬳᬶᬢᬸ᭞ᬢ᭄ᬯᬦ᭄ᬤᬾᬯᬶᬲᬯᬸᬃᬮᬯᬸᬢᬂ᭞ᬫᬥᬳᬃᬘᬳᬶ᭞ᬓᬗ᭄ᬕᭀᬯᬶᬓᬾᬢᭀᬲᬳᬦᬦ᭄ᬜ᭟ᬳᬶᬧᬓᬂᬭᬭᬲ᭄ᬫᬥᬳᬃ᭞ᬯᬸᬲ᭄ᬫᬤᬳᬃᬗᬶ
ᬦᬂᬲᬶᬭᬶᬄ᭞ᬲᬫ᭄ᬩᬸᬮ᭄ᬦᬸᬦᬲ᭄ᬧᬓᬬᬸᬦᬦ᭄᭞ᬗᬦ᭄ᬤᬶᬓᬭᬳᬤᬾᬦ᭄ᬕᬮᬸᬄ᭞ᬦᬄᬓᭂᬫᬦᬾᬚᬦᬶᬩᬸᬤᬮ᭄᭞ᬢᭂᬓᭂᬤ᭄ᬤᬶᬭᬗ᭄ᬓᬶᬦ᭄᭞ᬤᬶᬢᬸᬢᭀᬗᭀᬲ᭄ᬘᬳᬶ
ᬫᭂᬮᬄ᭟ᬦᬗ᭄ᬳᬶᬂᬳᭂᬤᬘᬳᬶᬢᬸᬦ᭞ᬫᬮᬚᬳᬶᬦ᭄ᬲᭀᬮᬄᬩᭂᬘᬶᬓ᭄᭞ᬫᬕᬸᬭᬸᬮᬕᬸᬯᬶᬭᬫ᭞ᬳᬦᬾᬜᬦ᭄ᬤᬂᬬᭀᬕ᭄ᬬᬢᬶᬭᬸ᭞ᬳᭂᬤᬫᬶᬮᬸᬗᬵ