Page:Bali-lontar-gaguritan-padem-warak-350ppi.pdf/17

From Wikisource
Jump to navigation Jump to search
This page has been proofread.

[᭑᭖ 16B]
᭑᭖
ᬧᬶᬧᬶᬮ᭄᭞ᬧᬚᭂᬂᬢᭂᬗ᭄ᬕᬮᬦᬾᬤᬶᬢᬸ᭞ᬧᭂᬧᭂᬓ᭄ᬲᬭᬸᬦ᭄ᬢᬸᬢᬦ᭄ᬜ᭞ᬯᬾᬦ᭄ᬢᭂᬦ᭄ᬮ᭄ᬬᬦ᭄ᬲᭀᬓᬲᬶᬩ᭄ᬘᬶᬓ᭄᭞ᬲᬵᬫ᭄ᬧᬸᬦ᭄ᬧᭂᬦᬸᬄ᭞ᬲᬫᬶᬧᬥᬓᬤᬕᬶᬗᬦ᭄᭟ᬩᬦ᭄ᬢᭂᬦ᭄ᬜᬦ᭄ᬤᬶᬂᬲᬗ᭄ᬕᬃᬢᬯᬂ᭞ᬲᬵᬫ᭄ᬧᬸᬦ᭄ᬫᬳᬸᬗ᭄ᬕᬳᬂᬲᬸ
ᬫᬶᬲᬶ᭞ᬧᬥᬡ᭄ᬟᬳᬾᬦᬓ᭄ᬫᬧᬶᬬᭀᬲ᭄᭞ᬧᭂᬧᭂᬓ᭄ᬫᬪᬸᬱᬡᬍᬯᬶᬄ᭞ᬮᬾᬦ᭄ᬮᬳᬧᬦ᭄ᬫᬤᬕᬶᬂ᭞ᬘᬭᬸᬲᭀᬃᬲᬭᬸᬧᬦᬶᬧᬸᬦ᭄᭞ᬮᬾᬜ᭄ᬚᬤ᭄ᬫᬫᬕ᭄ᬚᭂᬦᬦ᭄᭞ᬳᭂᬫ᭄ᬧᭂᬢ᭄ᬓᬚᬳᭂᬫ᭄ᬧᭂᬢ᭄ᬓᬗᬶᬦ᭄᭞ᬳᭂᬫ᭄ᬧᭂ᭠
ᬢ᭄ᬓᬯᬸᬄ᭞ᬓ᭄ᬮᭀᬤ᭄ᬢ᭄ᬯᬭᬗᬶᬢᬸᬂᬧᬦᬲ᭄᭟ᬢ᭄ᬓᬦᬶᬂᬓᬬᬸᬤᬶᬤᬾᬰ᭞ᬢ᭄ᬮᬲ᭄ᬲᬵᬫ᭄ᬧᬸᬦ᭄ᬓᬕ᭄ᬦᬳᬶᬦ᭄᭞ᬢᬦᬸᬘᬧᬦ᭄ᬢᬾᬫ᭄ᬩᭀᬓ᭄ᬢᬾᬫ᭄ᬩᭀᬓ᭄᭞ᬗ᭄ᬩᬓ᭄ᬚᬤ᭄ᬫᬦᬾᬫᬩᬮᬶᬄ᭞ᬮᬾᬦ᭄ᬦᬾᬧᬘᬂᬜᬸᬭᬕᬶᬦ᭄᭞᭠
ᬫᬧᬸᬦ᭄ᬤᬸᬄᬫᬳᬸᬤᭂᬂᬳᬫ᭄ᬩᬸ᭞ᬳᬤᬫᬳᬸᬤᭂᬂᬳᬢ᭞ᬫᬓ᭄ᬚᬂᬫᬩᬸᬍᬢ᭄ᬕᬶᬦ᭄ᬢᬶᬂ᭞ᬩᭀᬓᬾᬳ᭠ᬗ᭄ᬕᬸᬦ᭄᭞ᬧᬦ᭄ᬢᭂᬲ᭄‌ᬗ᭄ᬕᬯᬾᬤᬸᬃᬫ᭄ᬫᬗ᭄ᬕᬮ᭟᭜᭟᭚᭜᭚ᬧᬸᬧᬸᬄᬤᬸᬃᬫ᭄ᬫ᭚᭜᭚ᬫᬩ᭄ᬭᬾᬶᬬᬸᬓ᭄ᬩᬗᬸᬦ᭄
[᭑᭗ 17A]
ᬢᭀᬂᬤᬤᬶᬢᬳᬦᬂ᭞ᬩᬵᬦ᭄ᬤᭂᬫᭂᬦᬾᬫᬗᬶᬯᬲᬶᬦ᭄᭞ᬩᬗᬸᬦᬾᬜ᭄ᬚᭀᬓᭀᬓᬂ᭞ᬩᬸᬲᬦ᭄ᬩᬸᬲᬦ᭄ᬕᬫᬩᬸᬭ᭞ᬫᬾᬄᬢᭀᬂᬲᬶᬤ᭄ᬟᬳᬫ᭄ᬧᭂᬳᬶᬦ᭄᭞ᬧᬦ᭄ᬓᬮᬶᬬᬸᬦᬦ᭄᭞ᬦᬾᬦᬾᬧᬘᬂᬭᬱᬦᬶᬦ᭄‌‌᭟ᬩᬯᬸ
ᬉᬲᬦ᭄ᬧᬥᬡ᭄ᬟᬗᬸᬜ᭄ᬘᬭᬂᬯᬾᬤ᭄ᬟ᭞ᬲᬵᬫ᭄ᬧᬸᬦ᭄ᬯᬸᬲ᭄ᬫᬪᬓ᭄ᬢᬶ᭞ᬭᬭᬶᬲ᭄ᬧᬥᬫᬸᬗ᭄ᬕᬄ᭞ᬫᬦᬸᬳᬸᬢᬶᬢᬶᬕᬗ᭄ᬲ᭞ᬤᬶᬩᬮᬾᬢ᭄ᬕᭂᬳᬾᬩ᭄ᬘᬶᬓ᭄᭞ᬭᬭᬶᬲ᭄ᬫᬘᬶᬗᬓ᭄᭞ᬓᭀᬲᭂᬓᬦ᭄ᬦᬾᬫᬦᬗ᭄ᬓᬶᬮ᭄᭟ᬤᬾᬭᬾᬂ
ᬢ᭄ᬮᬲ᭄ᬫᬸᬗ᭄ᬕᬄᬓᬸᬮ᭄ᬓᬸᬮᬾᬫᬲ᭄ᬯᬭ᭞ᬩᬗᬸᬦ᭄ᬦᬾᬦᬾᬜᬸᬭᬕᬶᬦ᭄᭞ᬭᬦ᭄ᬢᬩᬦ᭄ᬫᬦᬶᬜ᭄ᬘᬧ᭄᭞ᬫ᭄ᬦᬾᬓᬶᬦ᭄ᬩᬩᬢᬭᬦ᭄᭞ᬓ᭄ᬭᬹᬭᬧᬥᬗᭀᬕᭀᬧᬶᬧᬶᬲ᭄᭞ᬲᬮᬶᬂᬳᬫ᭄ᬧᬶᬕᬂ᭞ᬳᬤᬗᬸᬗ᭄ᬓᬩ᭄ᬲᭀᬓᬲᬶ
᭟ᬫᬳᬤᬸᬓᬦ᭄ᬭᬫᬾᬬᬲᬮᬶᬂᬳᬗ᭄ᬲᭂᬓᬂ᭞ᬧ᭄ᬲᬸᬗ᭄ᬭᭀᬦ᭄ᬤᭀᬢ᭄ᬧᬶᬧᬶᬲ᭄᭞ᬳᬤᬦᬾᬗᬸᬗ᭄ᬓ᭠ᬩ᭄ᬓᭀᬢᬓ᭄᭞ᬫᬋᬩᬸᬢ᭄ᬲᬮᬶᬂᬉᬫᬤ᭄᭞ᬲᬶᬮᬶᬄᬢᬸᬳᬸᬓ᭄ᬩᬸᬩᬢᬩᬶᬢ᭄᭞ᬲᬮᬶᬂᬳᬫ᭄ᬧᭂᬕᬂ᭞ᬮ