[᭑᭓ 13B]
᭑᭓
ᬍᬫᬄᬲᬸᬳᬤ᭄ᬬᬫᬗᬭᬂ᭟ᬤᬾᬭᬾᬂᬦᬫ᭄ᬧᬶᬥᬯᬸᬄᬢᬶᬕ᭞ᬩᬦ᭄ᬢᭂᬦᬵᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬧᬥᬡ᭄ᬟᬲᬵᬫ᭄ᬧᬸᬦ᭄ᬫᬧᬶᬬᭀᬲ᭄᭞ᬘᭀᬓᭀᬃᬤ᭄ᬟᬩ᭄ᬢᬾᬦ᭄ᬓᬢᬗ᭄ᬓᬶᬮ᭄᭞ᬧᬦᬗ᭄ᬓᬶᬮᬦᬾᬢᬶᬢᬶᬩ᭄᭞ᬳᬾᬩᭂ
ᬓ᭄ᬩᬳᬦ᭄ᬧᬭᬭᬢᬸ᭞ᬩ᭄ᬭᬵᬳ᭄ᬫᬡᬮᬾᬦ᭄ᬧᬤᬗ᭄ᬕᬯ᭞ᬓ᭄ᬱᬢ᭄ᬭᬶᬬᬫᬜ᭄ᬘᬦᬵᬕᬭᬶ᭞ᬬᬦ᭄ᬲᬯᬗᬂᬧᬦᬗ᭄ᬓᬶᬮᬦ᭄ᬲᬂᬭᬵᬯᬡ᭟ᬯᬾᬦ᭄ᬢᭂᬦ᭄ᬭᬯᬸᬄᬫᬮᬶᬄᬓᭀᬘᬧ᭄᭞ᬩ᭄ᬭᬵᬳ᭄ᬫᬡᬲᬵᬫ᭄ᬧᬸᬦ᭄ᬲᬸᬮᬶᬗ᭄ᬕᬶᬄ᭞ᬓᬲᬾ
ᬧ᭄ᬳᬦ᭄ᬢᬸᬓ᭄ᬓᬲᬗ᭄ᬓᬯᭀᬦ᭄᭞ᬲᬫᬶᬤᬸᬭᬸᬂᬓᬧᬦ᭄ᬬᬳᬶᬦ᭄᭞ᬳᬧᬦ᭄ᬲᬵᬫ᭄ᬧᬸᬦ᭄ᬫᬘᬯᬶᬲ᭄᭞ᬧᬯᬶᬮᬗᬦ᭄ᬧᬸᬦ᭄ᬬᬲᬢᬸᬲ᭄᭞ᬧᬸᬦᬶᬓᬤᬾᬭᬾᬂᬢ᭄ᬮᬲ᭄᭞ᬫᬮᬶᬄᬓᬧᬬᬚ᭄ᬜᬦ᭄ᬫᬶᬚᬶᬮ᭄᭞ᬧᬘᬂᬓᬵᬢᬹᬃ᭞ᬭᬶᬂᬳᬶᬤᬲᬂ
ᬯᬯᬸᬥᬢᬂ᭟ᬧᬭᬓᬗ᭄ᬕᭀᬦᬾᬗᬾᬦ᭄ᬢᭂᬭᬂ᭞ᬓᬤᬶᬦᬾᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬯᬾᬦ᭄ᬢᭂᬦ᭄ᬫᬗᭂᬩᬢᬶᬦ᭄ᬳᬾᬜ᭄ᬘᭀᬂ᭞ᬳᬧᬦ᭄ᬩᬸᬢ᭄ᬢᬫᬬᬂᬮᬶᬗ᭄ᬕᬶᬄ᭞ᬧᬸᬦ᭄ᬬᬦᬾᬲᬵᬫ᭄ᬧᬸᬦ᭄ᬫᬤᬕᬶᬂ᭞ᬫᬤᬾᬭᬾᬓ᭄ᬕ᭄ᬦᬳᬾᬮᬸᬳᬸᬂ᭞᭠
[᭑᭔ 14A]
ᬲᬫᬶᬫᬯᬤᬄᬩᭀᬓᭀᬃ᭞ᬩᭀᬓᭀᬭᬦ᭄ᬧᬸᬦᬶᬓᬲᬫᬶ᭞ᬤᬕᬶᬗᬶᬧᬸᬦ᭄᭞ᬓᬫ᭄ᬧᬸᬄᬯᬵᬲ᭄ᬢ᭄ᬭᬯᬶᬚᬶᬮ᭄ᬚᬯ᭟ᬤᬫᬃᬮᬶᬮᬶᬦ᭄ᬫᬓᭂᬫ᭄ᬩᬭᬦ᭄᭞ᬭᬯᬸᬳᬶᬂᬫ᭄ᬜᬦ᭄ᬳᬱ᭄ᬝᬗ᭄ᬕᬶ᭞ᬧᬸᬦᬶᬓᬓᬗ᭄ᬓᬢ᭄ᬳᬩᭀᬓᭀᬃ᭞ᬮ᭄ᬬᬦ᭄ᬧ
ᬚᭂᬂᬳᬮᬶᬢ᭄ᬳᬲᬶᬓᬶ᭞ᬫᬚᬶᬦᬄᬢᬶᬕᬂᬢᬮᬶ᭞ᬯᬵᬲ᭄ᬢ᭄ᬭᬲᬫᬶᬮᬸᬳᬸᬮᬸᬳᬸ᭞ᬢᬢ᭄ᬓᭂᬦ᭄ᬍᬲ᭄ᬘᬫᬭ᭞ᬫᬳᬸᬲᬸᬲ᭄ᬲ᭄ᬮᬓᬲᬫᬶ᭞ᬢ᭄ᬮᬲ᭄ᬲᬵᬫ᭄ᬧᬸᬦ᭄᭞ᬤᬶᬳᬚᭂᬂᬳᬶᬤᬘᭀᬓᭀᬃᬤ᭄ᬟ᭟ᬓᬳᬶᬍᬳᬶᬦ᭄ᬧᬦᬗ᭄ᬓᬶᬮ
ᬦ᭄᭞ᬤᬶᬢ᭄ᬗᬄᬮᬶᬗ᭄ᬕᬶᬳᬾᬩ᭄ᬘᬶᬓ᭄᭞ᬧᬗᬾᬦ᭄ᬢᭂᬭᬾᬮᬶᬦ᭄ᬢᬂᬳᬾᬧᭀᬢ᭄᭞ᬦ᭄ᬲᭂᬓ᭄ᬫᬗ᭄ᬯᬘᬾᬦ᭄ᬧᬶᬧᬶᬮ᭄᭞ᬧᬥᬡ᭄ᬟᬲᬵᬫ᭄ᬧᬸᬦ᭄ᬲᬫᬶ᭞ᬓᬳᬢᬹᬭᬦ᭄ᬓ᭄ᬜᬂᬓ᭄ᬜᬂ᭞ᬕ᭄ᬮᬶᬲ᭄ᬲᬫᬶᬫᬓᬓᬸᬭᬄ᭞ᬓᬳᬢᬹᬭᬦ᭄ᬢᭀᬬᬯ
ᬚᬶᬓ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬭᬭᬶᬲ᭄ᬫᬫ᭄ᬩᭂᬘᬶᬓᬂᬲᬶᬮ᭟ᬜ᭄ᬚᭂᬳᭂᬂᬲᬫᬶᬫᬵᬋᬧ᭄ᬓᬚ᭞ᬜᬓᬸᬧᭂᬢᬗᬦ᭄ᬫᬫᬸᬱ᭄ᬝᬶ᭞ᬲᬲ᭄ᬩᭂᬗᬾᬲᬮᬶᬂᬳᬦ᭄ᬢᭀᬲ᭄᭞ᬓ᭄ᬦᬶᬯᬾᬦ᭄ᬢᭂᬘ᭄ᬫᬗ᭄ᬭᬶᬳᬶᬦᬶᬦ᭄᭞ᬭᬸᬧᬤᬾᬭᬾᬂᬫᬫᬗ᭄ᬕᬶᬄ᭞
Page:Bali-lontar-gaguritan-padem-warak-350ppi.pdf/14
Jump to navigation
Jump to search
This page has been proofread.
