Page:Bali-lontar-gaguritan-padem-warak-350ppi.pdf/10

From Wikisource
Jump to navigation Jump to search
This page has been proofread.

[᭙ 9B]

ᬦ᭄ᬓᬢᬗ᭄ᬓᬶᬮ᭄᭞ᬗᬾᬩᬾᬓ᭄ᬓᬚᬗᬾᬩᬾᬓ᭄ᬓᭂᬮᭀᬤ᭄᭞ᬗᬾᬩᬾᬓ᭄ᬓᬯᬸᬄᬗᬾᬩᬾᬓ᭄ᬓᬗᬶᬦ᭄᭞ᬧᬭᬭᬢᬸᬦᬾᬢᬶᬢᬶᬩ᭄᭞ᬗ᭄ᬩᭂᬓ᭄ᬓᭂᬮᭀᬤ᭄ᬗᭂᬩᭂᬓ᭄ᬓᬯᬸᬄ᭞ᬬᬸᬱᬦᬾᬳᬦᭀᬫᬦᭀᬫ᭄᭞ᬓᬤᬶᬯᬶᬥ᭄ᬬ᭠
ᬥᬭᬲᬫᬶ᭞ᬩᬕᬸᬲ᭄᭞ᬓᬤᬤᬾᬦ᭄ᬳᬦᬓ᭄‌ᬉᬢ᭄ᬢᬫ᭟ᬦᬾᬓᬗᬶᬦ᭄ᬯᬢᭂᬓ᭄ᬩ᭄ᬭᬵᬳ᭄ᬫᬡ᭞ᬲᬸᬮᬶᬗ᭄ᬕᬶᬄᬳᬓᬾᬄᬫᬦᬗ᭄ᬓᬶᬮ᭄᭞ᬭᬕᬲᬫᬶᬳᬦ᭄ᬤᭀᬕ᭄ᬳᬦ᭄ᬤᭀᬕ᭄᭞ᬩᬸᬗᬄᬧᬥᬲᬗᭀᬯᬶᬚᬶᬮ᭄᭞ᬳᬧ
ᬦ᭄ᬯᬸᬲ᭄ᬓᬧᬹᬦ᭄ᬬᬳᬶᬦ᭄᭞ᬬᬦ᭄ᬭᬶᬂᬪᬵᬯᬲᬫᬶᬧᬸᬧᬸᬢ᭄᭞ᬢ᭄ᬯᬭᬢᬸᬦᬦ᭄ᬭᬯᭀᬲ᭄᭞ᬦᬾᬓᬮᬾᬃᬩᭂᬓ᭄ᬧᬭᬷᬲ᭄ᬢ᭄ᬭᬶ᭞ᬳᬕᬸᬗᬕᬸᬂ᭞ᬲᬫᬶᬳᬶᬭᬶᬗᬂᬮᬮᬜ᭄ᬘᬂ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬳᬶᬤᬫᬯᬾᬤ᭄ᬟ᭞ᬭᬭᬶᬲ᭄ᬓᬵᬢᬹᬭ
ᬦ᭄ᬫᬪᬓ᭄ᬢᬶ᭞ᬳᬶᬤᬳᬶᬲ᭄ᬢ᭄ᬭᬶᬮᬶᬦ᭄ᬢᬂᬳᬾᬧᭀᬢ᭄᭞ᬢ᭄ᬥᬸᬦ᭄ᬗᬵᬢᬹᬭᬂᬓᬯᬗᬶ᭞ᬲᬫᬶᬯᬸᬲ᭄ᬓᬘᬭᬶᬦ᭄᭞ᬫᬾᬦᬓ᭄ᬮᬯᬦ᭄ᬧᬭᬳᬕᬸᬂ᭞ᬢ᭄ᬮᬲ᭄ᬢᭂᬓᬦᬶᬂᬳᬶᬭᬶᬗᬦ᭄᭞ᬧᬸᬗ᭄ᬕᬯᬓ᭄ᬱᬢ᭄ᬭᬶᬬᬯᬃᬕ᭄ᬕᬶ᭞ᬢ᭄ᬮᬲ᭄ᬲᬵᬫ᭄ᬧᬸᬦ᭄᭞
[᭑᭐ 10A]
ᬧᬥᬡ᭄ᬟᬭᬭᬶᬲ᭄ᬫᬯᬾᬤ᭄ᬟ᭟ᬧᬸᬧᬸᬢᬶᬂᬲᬧᬭᬶᬓ᭄ᬭᬫ᭞ᬩ᭄ᬤᬶᬮ᭄ᬕᭀᬂᬓᬸᬮ᭄ᬓᬸᬮ᭄ᬫᬫᬸᬜᬶ᭞ᬫᬢᬸᬮᬸᬯᬦ᭄ᬳᭂᬦ᭄ᬤᭂᬄᬳᬸᬫᭀᬃ᭞ᬢ᭄ᬯᬭᬓᬃᬯ᭄ᬯᬦ᭄ᬤᬶᬗᭂᬄᬫᬸᬜᬶ᭞ᬚᬮ᭄ᬫᬦᬾᬦ᭄ᬓᭂᬧ᭄ᬓᬸᬧᬶᬂ᭞ᬧᬮᬶᬂᬤᬤᬶᬧᬢᬶᬢᬸᬮᬸᬤ᭄᭞ᬕᬸᬫᬶ᭠
ᬦᬾᬕᬾᬜ᭄ᬚᬂᬕᬾᬜ᭄ᬚᭀᬂ᭞ᬩᬸᬓᬭᬱᬦ᭄ᬜᬫᬩᬤᬶᬂ᭞ᬳᬦ᭄ᬢᬸᬓ᭄ᬓᬸᬮ᭄ᬓᬸᬮ᭄᭞ᬧᬚ᭄ᬦᭂᬗᬦᬾᬫᬲ᭄ᬯᬭ᭟ᬕ᭄ᬮᬶᬲ᭄ᬲᬫᬶᬫᬲ᭄ᬬᭂᬧᬦ᭄᭞ᬤᬸᬓ᭄ᬯᬯᬸᬉᬲᬦ᭄ᬫᬪᬓ᭄ᬢᬶ᭞ᬘᭀᬓᭀᬃᬤ᭄ᬟᬩᬸᬤᬮ᭄ᬫᬦᭀᬦ᭄ᬢᭀᬦ᭄᭞ᬲᬋᬂ᭠
ᬳᬦᬓ᭄ᬳᬶᬤᬓᬮᬶᬄ᭞ᬢ᭄ᬮᬲᬦ᭄ᬲᬫᬶᬗᬶᬭᬶᬂ᭞ᬫᬸᬗ᭄ᬕᬄᬭᬭᬶᬲ᭄‌ᬦᭀᬦ᭄ᬢᭀᬦ᭄ᬕᬫ᭄ᬩᬸᬄ᭞ᬫᬗᬶᬕᭂᬮ᭄ᬓᬮᬶᬄᬲᭀᬭᭀᬄ᭞ᬕᬫ᭄ᬩᬸᬄᬕ᭄ᬬᬜᬃᬫᬗ᭄ᬯᬶ᭞ᬲᬫᬶᬮᬸᬳᬸᬂ᭞ᬳᬧᬦ᭄ᬕᬫ᭄ᬩᬸᬄᬲᬲ᭄ᬮᬶᬓᬦ᭄᭟ᬧᬭᬳᬕᬸᬂᬳ
ᬓᬾᬄᬩᬸᬤᬮ᭄᭞ᬫᬮᬗ᭄ᬲᬶᬗᬦ᭄ᬲᬵᬫ᭄ᬧᬸᬦ᭄ᬲᬶᬗᬶᬢ᭄᭞ᬚᬮ᭄ᬫᬦᬾᬢ᭄ᬓᬦᬾᬮᭀ᭞ᬫᬓᬶᬲᭂᬮᬦ᭄ᬩᭂᬓ᭄ᬫᬩᬮᬶᬄ᭞ᬦᬾᬦᬗ᭄ᬕᬸᬤᬶᬉᬭᬶ᭞ᬲᭀᬓ᭄ᬫᬳᬦ᭄ᬫᬩᬮᬶᬄᬢᬸᬦ᭄ᬤᬸᬦ᭄᭞ᬗᬸᬮᬳᬂᬤ᭄ᬗᬓ᭄ᬤᭂᬗᭀᬓ᭄᭞᭠