[᭕᭙ 59B]
᭕᭙᭟
ᬓᬭᬷ᭞ᬩᬸᬯᬶᬦ᭄ᬳᭂᬦ᭄ᬢᭂᬦ᭄᭞ᬮᬬᬄᬩᬲᬗᬾᬓᬮᬗ᭄ᬓᬸᬂ᭞ᬢᬸᬯᬸᬦᬦ᭄ᬫᬗ᭄ᬮᬯᬸᬢ᭄᭞ᬫᬚᬮᬦ᭄ᬫᬦᬸᬯᬸᬢᬶᬤᬶᬂ᭞ᬫᬜᭂᬮᬸᬧᬶᬦ᭄ᬳᬩ᭄ᬬᬦᬩ᭄ᬬᬦᬦ᭄᭞ᬓᬘᬭᬶᬢᬧᭂᬲᬸᬮᬯᬸᬢ᭄᭞ᬗᭂ
ᬦᬄᬳᬶᬚᬗ᭄ᬓ᭄ᬭᬶᬓ᭄ᬬᬗᬶᬜᬄ᭞ᬤᬶᬧᬸᬦ᭄ᬤᬸᬓᬦᬾᬯ᭄ᬬᬓ᭄ᬢᬶ᭞ᬩᬸᬮᬸᬦ᭄ᬜᬦᬾᬓᭂᬜᬄᬓᭂᬜᬄ᭞ᬓᬭᬡᬧᭂᬤᬲ᭄ᬧᬶᬲᬦ᭄ᬳᬶᬮᬸᬢᬸᬂ᭟᭜᭟ᬯᭂᬢᬸᬳᬶᬥᭂᬧ᭄ᬜᬦᬾᬘᬸᬯᬶᬮ᭄᭞ᬭ
ᬭᬶᬫᬸᬢᬦ᭄᭞ᬗᭂᬦᭀᬢ᭄ᬬᬳᬶᬚᬗ᭄ᬓ᭄ᬭᬶᬓ᭄ᬤᬶᬢᬸ᭞ᬧᭂᬲᬸᬫᬸᬜᬶᬦᬾᬳᬮᬸᬲ᭄᭞ᬕᬸᬢᬶᬫᬗᬸᬤᬲᬶᬄᬤ᭄ᬭᬶᬓᬶ᭞ᬤᬶᬧᬸᬦ᭄ᬤᬸᬓᬦᬾᬫᬕᭂᬦᬄ᭞ᬓᬤᬶᬫᬗᬸᬚᭂᬦᭂᬂᬲᬸᬗ᭄ᬲᬸᬢ᭄᭞ᬧᬸᬦ
ᬧᬶᬲᬶᬄᬳᬯᬦᬦ᭄ᬜ᭞ᬤᬗᬸᬩ᭄ᬤᬕᭂᬮᬶᬲ᭄ᬦ᭄ᬤᬶᬓᬳᬶᬦ᭄᭞ᬢ᭄ᬬᬂᬚᬦᬶᬤᬤᬶᬩᬮ᭄ᬬᬦ᭄᭞ᬫᬕᬕᭂᬘᭂᬮ᭄ᬦᬸᬧ᭄ᬢᬸᬧ᭄ᬩᬬᬸ᭟᭜᭟ᬳᬶᬚᬗ᭄ᬓ᭄ᬭᬶᬓ᭄ᬓᭂᬜᬶᬂᬫᬫᬸᬜᬶ᭞ᬢᬶᬢ᭄ᬬᬂᬩ᭄ᬬᬦ᭞ᬩᭂ
[᭖᭐ 60A]
ᬮᬶᬫᬸᬮᬤᭂᬫᭂᬦ᭄ᬗᬸᬮ᭄ᬕᬸᬮ᭄᭞ᬢ᭄ᬬᬂᬓᭂᬦᭂᬄᬲᬥᬸ᭞ᬳᬶᬮᬸᬢᬸᬂᬜᬫ᭄ᬧ᭄ᬭᬓ᭄ᬫᬫᬸᬜᬶ᭞ᬩᭂᬮᬶᬲᬚᬳᭂᬗ᭄ᬲᬧ᭄ᬧᬶᬲᬦ᭄᭞ᬚᬮᬦ᭄ᬗᬯᬾᬚᬚᬓᬸᬦ᭄ᬓᬸᬲ᭄᭞ᬩᭂᬮᬶᬩᬶᬲᬤᬤᬶᬢᬸ
ᬓᬂ᭞ᬚᬚᬳᬸᬮᬶᬳᬧᬂᬩᭂᬘᬶᬓ᭄᭞ᬫᬮᬓᬃᬩᬳᬦ᭄ᬓᭂᬢᬦ᭄ᬳᬜᬃ᭞ᬭᬲᬦ᭄ᬜᬳᭂᬗᬶᬤ᭄ᬢᬸᬃᬫᬸᬮᬸᬲ᭄᭟᭜᭟ᬳᬶᬚᬗ᭄ᬓ᭄ᬭᬶᬓ᭄ᬩᬸᬯᬶᬦ᭄ᬜᬯᬸᬢᬶᬦ᭄᭞ᬯ᭄ᬬᬓ᭄ᬢᬶᬦ᭄ᬜ᭞ᬩᭂᬮᬶᬢᬸᬯᬄᬲᭂᬦᭂᬂᬗᬸ
ᬮ᭄ᬕᬸᬮ᭄᭞ᬳᬶᬮᬸᬢᬸᬂᬫᬲᬯᬸᬢ᭄᭞ᬕᬸᬤᬸᬕ᭄ᬳᬦᬓ᭄ᬲᬓᬶᬂᬚᬵᬢᬶ᭞ᬳᬶᬚᬗ᭄ᬓ᭄ᬭᬶᬓ᭄ᬬᬚᬦᬶᬮᬸᬯᬲ᭄᭞ᬗᬮᬶᬄᬭᭀᬯᬂᬜᬦᬾᬮᬶᬬᬸ᭞ᬤᬶᬢᬸᬬᬫᬳᭀᬭᬳᬦ᭄᭞ᬓ᭄ᬭᬡᬬ
ᬧᬕ᭄ᬭᬸᬩᬸᬲ᭄ᬧ᭄ᬭᬧ᭄ᬢᬶ᭞ᬲᬶᬂᬓᬶᬢᬫᬦᬗᬮ᭄ᬓᭂᬢᬦ᭄᭞ᬲᬤᬮᬶᬬᬸᬲᬸᬩᬭᬯᬸᬄ᭟᭜᭟ᬳᬶᬮᬸᬢᬸᬂᬮᬯᬸᬢ᭄ᬫᬫᬸᬜᬶ᭞ᬘᬸᬢᬶᬲᬫ᭄ᬬᬦ᭄᭞ᬤᬭᬶᬓᬶᬓᬾᬳᬦ᭄ᬢᭀᬲᬂᬤᬸᬫᬸᬦ᭄᭞ᬩᭂ
Page:Bali-lontar-gaguritan-lutung-mungil-02-350ppi.pdf/60
Jump to navigation
Jump to search
This page has been proofread.
