[᭔᭘ 48B]
᭔᭘᭟
ᬢ᭄ᬭᬧᭀᬮᬶᬄᬫᬢᬸᬭᬦ᭄᭟᭜᭟ᬲᬂᬮᬦ᭄ᬤᬾᬬᬦ᭄ᬲᬸᬓ᭄ᬱ᭄ᬫᬧᬶᬲᬦ᭄᭞ᬫᬶᬋᬂᬫᬸᬜᬶᬦᬶᬯᬦᬭᬶ᭞ᬳᬢ᭄ᬕᬶᬦ᭄ᬤᬶᬬᬦ᭄ᬤᬶᬗᭂᬳᬂ᭞ᬫᬶᬭᬶᬩ᭄ᬫᬢᬧᬓᬦ᭄ᬕᬜ᭄ᬚᬶᬄ᭞ᬓᬓᭂᬘᬧ᭄ᬜ
ᬦᬾᬫᬦᬶᬲ᭄᭞ᬧᬧᭂᬲᭀᬦ᭄ᬫᬸᬮᬸᬓ᭄ᬢᬸᬃᬳᬮᬸᬲ᭄᭞ᬕᭂᬢᬃᬢᬗ᭄ᬓᭂᬧᬾᬦᬧ᭄ᬢᬧ᭄᭞ᬲᭀᬮᬄᬮᬶᬦ᭄ᬢᬂᬧᬗᬸᬲ᭄ᬳᬰ᭄ᬭᬶ᭞ᬜᬦ᭄ᬤᬂᬓᬲᬸᬩ᭄᭞ᬫᬳᬤᬦ᭄ᬳᬶᬮᬸᬮᬸᬢ᭄ᬲ᭄ᬫᬭ᭟᭜᭟ᬲᬶᬂ
ᬜᬮᬳᬂᬲᬂᬮᬦ᭄ᬤᬾᬬᬦ᭄᭞ᬓᭂᬦᭂᬳᬲᬓᬶᬂᬢ᭄ᬯᬲ᭄ᬚᬵᬢᬶ᭞ᬳᬸᬮᬫᬾᬮᬦ᭄ᬢᬲ᭄ᬓᬢᬗ᭄ᬕᬧ᭄᭞ᬦᬄᬚᬦᬶᬓᬳᬶᬳᬶᬤᬶᬳᬶᬦ᭄᭞ᬲᬳᬤᬦ᭄ᬜᬦᬾᬤᬶᬦᬶ᭞ᬓᬳᬶᬯᬦ᭄ᬢᬄ
ᬫᬫᬶᬢᬸᬳᬸ᭞ᬲᬸᬓᬫᬫ᭄ᬩᬳᬂᬳᬶᬩ᭞ᬓᬳᬶᬫᬍᬍᬲ᭄ᬦᬾᬚᬦᬶ᭞ᬯᬶᬭᬾᬄᬢᬸᬳᬸ᭞ᬳᬶᬩᬲᬸᬓᬓᬸᬫᬜᬫ᭟᭜᭟ᬳᬶᬮᬸᬢᬸᬂᬫᬢᬸᬃᬫᬓᭂᬫ᭄ᬧ᭄ᬬᬂ᭞ᬯᬶᬢ᭄ᬲᬥ᭄ᬬᬦ᭄ᬢᬶ
[᭔᭙ 49A]
ᬢ᭄ᬬᬂᬫᬭᬶᬓᬶ᭞ᬓᬸᬦᬲ᭄ᬘᬾᬂᬘᬾᬂᬫᬶᬯᬄᬓᭂᬦ᭄ᬤᬂ᭞ᬫᬮᬶᬄᬧᬗᬶᬦᬳᬲᬶᬓᬶ᭞ᬧᬘᬂᬧᬗᬾᬮᬶᬗᬾᬮᬶᬂ᭞ᬓᬮᬶᬄᬳᬗ᭄ᬕᬾᬦ᭄ᬢᬶᬢ᭄ᬬᬂᬧᬸᬧᬸᬄ᭞ᬗᬦᬸᬢᬂᬕᬕᭂᬦ᭄ᬤᬶᬗᬦ᭄᭞ᬫ
ᬗ᭄ᬤᬾᬦᬾᬳᭂᬜᬓ᭄ᬫᬓᬶᬮᬶᬢ᭄᭞ᬫᬗ᭄ᬤᬫᬦᬹᬢ᭄᭞ᬩᬭᭀᬂᬢᬾᬗ᭄ᬓᬾᬓ᭄ᬢᬢᬸᬭᬳᬦ᭄᭟᭜᭟ᬩᬗ᭄ᬕᬬᬂᬓᬾᬲᬓᬶᬂᬧ᭄ᬭᬲᬓ᭄᭞ᬓᬾᬦ᭄ᬓᬾᬦ᭄ᬓᬾᬲᭂᬦᭂᬂᬳᬶᬕᬸᬲ᭄ᬢᬶ᭞ᬳᬦᬹᬢ᭄ᬕᭂᬦ᭄ᬤᬶᬂᬭ
ᬭᬕ᭄ᬭᬳᬦ᭄᭞ᬢ᭄ᬬᬂᬤᬸᬯᭂᬕ᭄ᬫᬗᬗ᭄ᬲᭂᬮᬶᬦ᭄᭞ᬫᬗ᭄ᬤᬾᬦ᭄ᬜᬲᬶᬤ᭄ᬥᬫᬓᬶᬮᬶᬢ᭄᭞ᬓᭂᬦ᭄ᬤᬂᬘᬾᬂᬘᬾᬂᬳᬦᬹᬢ᭄ᬧᬸᬧᬸᬄ᭞ᬓᬺᬦ᭄ᬢᭂᬦᬾᬲᬂᬮᬦ᭄ᬤᬾᬬᬦ᭄᭞ᬓᬳᬶᬯᬦ᭄ᬢᬄᬫᬦ᭄ᬤᬕᬶᬗᬶᬦ᭄᭞ᬲᬧᬗ᭄ᬮᬸᬗ᭄ᬲᬸᬃ᭞
ᬳᬶᬩᬮᬸᬢᬸᬂᬢᭂᬓᬾᬦᬶᬭ᭟᭜᭟ᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄ᬓᬧᬶᬘᬬᬂ᭞ᬓᬤᬶᬧᬶᬦᬸᬦᬲ᭄ᬜᬲᬫᬶ᭞ᬳᬶᬮᬸᬢᬸᬂᬍᬕᬦᬭᬶᬫ᭞ᬳᬶᬗ᭄ᬕᬶᬄᬕᬸᬲ᭄ᬢᬶᬢᬶᬢ᭄ᬬᬂᬧᬫᬶᬢ᭄᭞ᬤᬾᬦᬶᬂᬲᬫᬶᬲᬵᬫ᭄ᬧᬸᬦ᭄ᬧᭀ
Page:Bali-lontar-gaguritan-lutung-mungil-02-350ppi.pdf/49
Jump to navigation
Jump to search
This page has been proofread.
