[᭔᭐ 40B]
᭔᭐᭟
ᬦᬄ᭞ᬤᭂᬤᬸᬓᬸᬄᬳᬶᬩᭀᬚᭀᬜ᭄ᬭᬶᬢ᭄᭞ᬤᭀᬂᬳᬶᬗ᭄ᬕᬶᬄᬕᭂᬮᬶᬲᬂ᭞ᬧᬶᬦᬄᬫᬓ᭄ᬮᭀᬢᬶᬢ᭄ᬬᬂᬗᬦ᭄ᬢᬶ᭞ᬓᭂᬦᬶᬚ᭄ᬭᭀᬦᬾᬳᬾᬗ᭄ᬕᬮ᭄ᬫᬳᬶᬦᬓᬦ᭄᭟᭜᭟ᬢᬦ᭄ᬘᬭᬶᬢ᭞ᬧ᭄ᬭᬕᬢ᭄ᬬ
ᬓᬧᬓᬓᬲᬶᬦ᭄᭞ᬳᬶᬮᬸᬢᬸᬂᬳᬗᬸᬘᬧ᭄᭞ᬲᭂᬤᬸᬢ᭄ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬕᭂᬮᬶᬲ᭄᭞ᬲᬂᬳ᭄ᬬᬂᬕ᭄ᬦᬶᬳᬶᬭᬶᬂᬢᬶᬢ᭄ᬬᬂ᭟᭜᭟ᬩᬸᬓᬲᭂᬤᬸᬢᬼᬗᬶᬲ᭄ᬓᬩ᭄ᬯᭀᬓᬶᬦ᭄ᬕᭂᬮᬶᬲ᭄᭞ᬩᬋᬂᬥᬫᬃᬲᬾᬮ᭞
ᬳᬯᬶᬦᬾᬲᬸᬩᬦᬶᬓᭂᬮᬶᬦ᭄᭞ᬳᬶᬩᭀᬚᭀᬕ᭄ᬫᬗ᭄ᬮᬜ᭄ᬘᬧᬸᬫᬄ᭟᭜᭟ᬫᬩ᭄ᬯᭀᬬᭀᬗᬦ᭄᭞ᬤᬾᬤᬸᬓᬸᬄᬕᬾᬯᬃᬫᬜ᭄ᬚ᭄ᬭᬶᬢ᭄᭞ᬫᬦᬕᬶᬄᬢᬸᬮᬸᬗᬦ᭄᭞ᬳᬓᬶᬚᬧᬦ᭄ᬮᬶ
ᬗ᭄ᬲᭂᬫ᭄ᬩᬺᬲᬶᬄ᭞ᬢᬹᬢᬶᬂᬢᬶᬢᬶᬄᬩ᭄ᬭᬱ᭄ᬝᬓᭂᬤᬲ᭄᭟᭜᭟ᬬᬦᬶᬳᬬᬸ᭞ᬢᭂᬓᬳᬸᬮᬶᬫᬜ᭄ᬚᬸᬲ᭄ᬫᬮᬳᬶᬩ᭄᭞ᬫᬓᬫ᭄ᬩᭂᬦᬩᬶᬤᬂ᭞ᬩᭀᬓ᭄ᬜᬦᬾᬲᬸᬫ᭄ᬩ᭄ᬭᬂᬲᬫ᭄ᬩ᭄ᬭᬶᬂ᭞ᬧᬮᬶᬂᬤᬤᬶᬧᬢᬸᬩ
[᭔᭑ 41A]
ᬩᬃ᭟᭜᭟ᬫᬾᬦ᭄ᬓᬦ᭄ᬢ᭄ᬭᬸᬗᬦ᭄᭞ᬫᬜ᭄ᬭᬶᬢ᭄᭞ᬬᬢᬸᬗ᭄ᬕᬂᬢᬸᬗ᭄ᬕᬶᬂ᭞ᬳᬸᬬᬸᬢ᭄ᬫᬩ᭄ᬬᬬᬸᬢᬦ᭄᭞ᬩᬸᬓᬩᭀᬚᭀᬕᬾᬩᭀᬭᭀᬲᬶᬦ᭄᭞ᬗᬘᬶᬕ᭄ᬘᬶᬕ᭄ᬫᬓᬘᬶᬕ᭄ᬘᬕᬦ᭄᭟᭜᭟ᬲ
ᬕᬾᬢ᭄ᬢᭂᬓ᭞ᬤᬾᬤᬸᬓᬸᬄᬓᬕᭂᬮᬦ᭄ᬢᬶᬗᬶᬦ᭄᭞ᬩᭂᬮᬶᬕᬦ᭄ᬤᭀᬂᬢᬶᬢ᭄ᬬᬂ᭞ᬓᬶᬚᬧᬘᬂᬮᬓᬸᬚᬦᬶ᭞ᬚ᭄ᬭᭀᬤᬸᬓᬸᬄᬫᬓᭂᬫᭂᬕᬦ᭄᭟᭜᭟ᬘᬭᬶᬢᬬᬂ᭞ᬧᬢᬸᬮᬸᬗᬾᬮ᭄ᬬᬸᬦᬦᬚ᭄ᬭᬶᬄ
᭞ᬗᬮᬦ᭄ᬢᬲ᭄ᬫᬮᬶᬳᬦ᭄᭞ᬚ᭄ᬭᭀᬤᬸᬓᬸᬄᬩᬶᬗᬸᬂᬫᬗ᭄ᬓᬶᬦ᭄᭞ᬳᬸᬫᬳᬾᬢᭂᬮᬲ᭄ᬲᬧᬶᬲᬦ᭄᭟᭜᭟ᬳᭂᬦᭂᬗᬓ᭄ᬦ᭞ᬳᬶᬮᬸᬢᬸᬂᬓᭀᬘᬧᬦ᭄ᬫᬗ᭄ᬓᬶᬦ᭄᭞ᬫᬮᬳᬶᬩ᭄ᬗᬾᬗ᭄ᬕᬮᬂ᭞ᬓᬢᭂ
ᬩᬦᬾᬬᬫᬜ᭄ᬮᬶᬲᬶᬄ᭞ᬦᭂᬧᬸᬓᬶᬦ᭄ᬬᬾᬄᬫᬓᬫ᭄ᬩᭂᬗᬦ᭄᭟᭜᭟ᬳᭂᬦ᭄ᬢᭀᬢᭀᬗᭀᬲ᭄᭞ᬜᬳᬶᬮᬸᬢᬸᬂᬫᬓᬸᬘᬲ᭄ᬓᬘᬶᬲ᭄᭞ᬬᬫᬜ᭄ᬭᬾᬢᬸᬳᬯᬓ᭄᭞ᬗᬫᬢ᭄ᬬᬂᬳᬧᬶᬭᬶᬂ
Page:Bali-lontar-gaguritan-lutung-mungil-02-350ppi.pdf/41
Jump to navigation
Jump to search
This page has been proofread.
