[᭔᭘48B]
᭔᭘
ᬘᬧ᭄᭞ᬢᬶᬗ᭄ᬓᬄᬤᬤᬶᬫᬵᬦᬸᬱᬦᬾ᭞ᬓᬝᬵᬄᬧᬗᬸᬧᬵᬬᬦᬶᬧᬸᬦ᭄᭞ᬫᬯᬶᬰᬾᬱᬫᬭᬶᬂᬕᬸᬫᬶ᭞ᬲᬓᬵᬮᬤᬕᬶᬗᬶᬂᬚᬕᬢ᭄᭞ᬲᬫᬶᬧᬥᬦᬸᬗ᭄ᬓᬸᬮ᭄᭞ᬓᬜ᭄ᬘᬦ᭄ᬫᬶᬦᬫᬭᬶᬂᬢᭀᬬ᭞ᬲᬶᬥᬧᭂᬚᬄ᭞ᬓᬉᬧ
ᬬᬳᬦ᭄ᬢᬸᬓ᭄ᬧᬜ᭄ᬘᬶᬂ᭞ᬳᬦ᭄ᬢᬸᬓ᭄ᬲᬯᬸᬫᬶᬯᬄᬧᭂᬜ᭄ᬘᬃ᭟᭒᭟ᬲᬃᬯᬫᬶᬩᭂᬃᬫᬓᬤᬶᬦ᭄ᬜᬦᬾᬧᬓ᭄ᬱᬶ᭞ᬲᬶᬥᬩᬓᬢ᭄ᬫᬚᬮᬭᬦ᭄ᬧᬧᬶᬓᬢ᭄᭞ᬫᬶᬯᬄᬢᬸᬮᬸᬧ᭄ᬮᬦ᭄ᬚᬭᬶᬗᬾ᭞ᬲᬃᬯᬲᬢᭀᬓᬜ᭄ᬘᬦᬶᬧᬸ
ᬦ᭄᭞ᬚᬯᬢ᭄ᬳᬕᬸᬂᬬᬤᬶᬦ᭄ᬳᬮᬶᬢ᭄᭞ᬲᬶᬥᬓᭂᬦᬧᬗᬸᬧᬵᬬ᭞ᬫᬚᬮᬭᬦ᭄ᬭᬚᬸᬢ᭄᭞ᬩᬶᬦᬸᬭᬸᬦᬶᬂᬰ᭄ᬭᬕᬮ᭞ᬮᬶᬬᬸᬧᭂᬲᬦ᭄᭞ᬬᬦ᭄ᬳᬸᬘᬧᬂᬲᬫᬶᬳᬤᬶ᭞ᬦᬵᬬᬉᬧᬵᬬᬦ᭄ᬫᬵᬦᬸᬱ᭟᭓᭟ᬤ᭄ᬬᬲ᭄ᬢᬸ
ᬲᬵᬫ᭄ᬧᬸᬦ᭄ᬓᬾᬩᭂᬓᬦ᭄ᬳᬸᬧᬵᬬᬲᬦ᭄ᬤᬶ᭞ᬦᬾᬜᬮᬭᬂᬳᬮᬄᬧᬢᬶᬦᬶᬂᬮᬶᬬᬦ᭄᭞ᬦᬵᬗ᭄ᬳᬶᬂᬯᬾᬦ᭄ᬢᭂᬦ᭄ᬥᬸᬭᬸᬂᬋᬓᭀ᭞ᬫᬹᬱ᭄ᬝᬶᬓᬦᬶᬂᬦᬵᬬᬧᬗ᭄ᬕᬸᬄ᭞ᬦᬾᬫᬓ᭄ᬭᬡᬵᬦᬸᬗ᭄ᬓᬸᬮ᭄ᬕᭂᬮᬶᬲ᭄᭞ᬯᬶᬰᬾᬱ
[᭔᭙49A]
ᬦᬶᬂᬧᬜ᭄ᬘᬾᬦ᭄ᬤ᭄ᬭᬶᬬ᭞ᬭᬚᬄᬢᬫᬄᬇᬓᬸ᭞ᬳᬶᬱᬤ᭄ᬭᬶᬧᬹᬫᬭᬶᬂᬘᬶᬢ᭄ᬢ᭞ᬲᬸᬫᬶᬗ᭄ᬓᬶᬦ᭄ᬓᬝᬵᬄ᭞ᬦᬵᬬᬉᬧᬬᬦᬾᬧᬗ᭄ᬕᬶᬄ᭞ᬧᬗᬮᬄᬤᬕᬶᬗᬶᬂᬚᬕᬢ᭄᭟᭔᭟ᬗᬜ᭄ᬘᬦ᭄ᬳᬕᭂᬂᬯᬶᬰᬾᬱᬦ᭄ᬜᬵᬳᬤᬶ᭞ᬳᬶᬧ
ᬜ᭄ᬘᬾᬦ᭄ᬤ᭄ᬭᬶᬬ᭞ᬭᬚᬄᬫᬶᬯᬄᬢᬫᬄ᭞ᬫᬮᬶᬄᬫᬸᬗ᭄ᬕᬸᬄᬭᬶᬂᬧᬃᬯᬦᬾ᭞ᬲᬶᬗ᭄ᬳᬵᬮᬗᬮᬧᬸᬦᬶᬓᬸ᭞ᬧᬯᬭᬄᬳ᭄ᬬᬂᬉᬫᬤᬾᬯᬶ᭞ᬭᬶᬂᬧ᭄ᬭᬪᬸᬘᬬᬧᬸᬭᬸᬱ᭞ᬢᬸᬳᬸᬤᬳᬢ᭄ᬳᬾᬯᬸᬄ᭞ᬗᭂᬦ᭄ᬢᬲ᭄ᬫᬮᬦᬾᬭᬶᬂᬘᬶᬢ᭄ᬢ
᭞ᬬᬤᬶᬦ᭄ᬲᬶᬥ᭞ᬲᬵᬫ᭄ᬧᬸᬦ᭄ᬫᬗ᭄ᬯᬗᬸᬦᬂᬓᬾᬃᬣᬶ᭞ᬫᬬᬱᬧᬹᬦ᭄ᬬᬭᬶᬂᬚᬕᬢ᭄᭟᭕᭟ᬤᬸᬭᬸᬂᬓᭀᬘᬧ᭄ᬳᭂᬦ᭄ᬢᬲ᭄ᬫᬮᬦᬾᬳᬤᬶ᭞ᬫᬭᬶᬂᬫᬦᬄ᭞ᬫᬮᬶᬄᬓᬩᬯᭀᬲᬂ᭞ᬚᬯᬢ᭄ᬲᬶᬥᬯᬗᬸᬦ᭄ᬋᬓᬾ᭟᭠
ᬧᬺᬱᬤ᭄ᬥᬵᬳᬕᬸᬂᬮᬸᬯᬸᬃ᭞ᬳᬦ᭄ᬢᬸᬓ᭄ᬯᬢᬸᬲᭂᬦ᭄ᬢᬓ᭄ᬧᬸᬢᬶᬄ᭞ᬫᬶᬲᬶᬲᬓᬜ᭄ᬘᬦ᭄ᬧᬺᬢᬶᬫ᭞ᬩ᭄ᬭᬵᬳ᭄ᬫᬫᬶᬯᬄᬯᬶᬱ᭄ᬡᬸ᭞ᬧ᭄ᬭᬫᬾᬰ᭄ᬯᬭᬫᬓᬵᬤᬶᬦ᭄ᬜ᭞ᬢᬸᬃᬓᬧᬹᬚ᭞ᬭᬶᬂᬢᬶᬍᬫ᭄ᬧᬹᬃᬡᬫᬲᬭᬶ᭞ᬓᭀᬘᬧ᭄ᬫᬮᬤᬸᬭᬸᬂ
Page:Bali-lontar-gaguritan-dukuh-wanasari-300ppi.pdf/49
Jump to navigation
Jump to search
This page has been proofread.
