Page:Bali-lontar-gaguritan-dukuh-wanasari-300ppi.pdf/41

From Wikisource
Jump to navigation Jump to search
This page has been proofread.

[᭔᭐40B]
᭔᭐
ᬧᬸᬦ᭄ᬧᬗ᭄ᬕᬶᬄᬢᬶᬢ᭄ᬬᬂ᭞ᬢᬦ᭄ᬫᬶᬢᬸᬳᬸᬢᬸᬢᬹᬃᬬᬸᬓ᭄ᬢᬶ᭞ᬲᬓᬵᬮᬢᬶᬩᬵᬭᬶᬂᬓᬯᬄ᭞ᬓᬯᬄᬕᭂᬤᬶ᭠ᬫᬸᬦ᭄ᬢᬵᬩ᭄ᬫᬸᬭᬹᬩ᭄᭞ᬬᬦ᭄ᬢᬦ᭄ᬩᭂᬮᬶᬤᬸᬭᬸᬲ᭄ᬲᬸᬯᬾᬘ᭄ᬙ᭞ᬧᬘᬂᬗᬗ᭄ᬓᬶᬤ᭄᭞ᬤᬸᬭᬸᬲ᭄ᬪᬱ᭄ᬫᬶᬢᬦ᭄ᬧᬰᬾᬱᬵ᭟᭑
᭕᭟ᬘᬸᬢᭂᬢ᭄ᬤᬕᬶᬂᬳᬢᬹᬃᬢᬶᬢ᭄ᬬᬂ᭞ᬤᬸᬭᬸᬲᬂᬲ᭄ᬯᬾᬘ᭄ᬙᬦᬾᬫᬗ᭄ᬓᬶᬦ᭄᭞ᬫᬶᬢᬸᬤᬸᬄᬳᬶᬦ᭄ᬢᬶᬢ᭄ᬬᬂᬫᬃᬕ᭞ᬲᬶᬥᬦᬶᬂᬳᭂᬦ᭄ᬢᬲ᭄ᬧᬸᬦᬶᬓᬸ᭞ᬲᬓᬶᬂᬓᬯᬄᬕᭂᬦᬶᬫᬸᬦ᭄ᬢᬩ᭄᭞ᬓᭂᬜᬸᬂᬫᬦᬶᬲ᭄᭞ᬳᬶᬲᬢ᭄ᬯᬵᬫᬲᬯᬸᬃ᭠
ᬩᬦ᭄ᬩᬦ᭄᭟᭑᭖᭟ᬚᬵᬢᬶᬩᭂᬮᬶᬢᬫ᭄ᬩᭂᬢ᭄ᬧᬶᬲᬦ᭄᭞ᬲᬓᬾᬯᬮᬫᬢᬸᬳᬸᬢᬶᬦ᭄᭞ᬘᬭᬳᬦᬓ᭄ᬤᭂᬫᭂᬦ᭄ᬫᬮᬚᬄ᭞ᬫᬧᬕᬸᬭ᭄ᬯᬦ᭄ᬳᬸᬮᬶᬳᬶᬮᬸ᭞ᬢᭂᬓᬾᬦ᭄ᬤᬦᬾᬕᬸᬭᬸᬦ᭄ᬯᬬᬦ᭄᭞ᬮᬗ᭄ᬓᬸᬂᬳᬲᬶᬄ᭞
ᬫᬗᬶᬘᬾᬦ᭄ᬩᭂᬮᬶᬧ᭄ᬮᬚᬳᬦ᭄᭟᭑᭗᭟ᬲ᭄ᬯᬾᬘ᭄ᬙᬦ᭄ᬤᬦᬾᬬᬦ᭄ᬳᬸᬧᬫ᭞ᬲᬵᬓ᭄ᬱᬵᬢ᭄ᬩᬶᬩᬶ᭠ᬢ᭄ᬫᬉᬢ᭄ᬢᬫᬶ᭞ᬫᬶᬢᬦ᭄ᬥᬸᬃᬫᬭᬶᬂᬢᬦᬄᬩ᭄ᬭᬕ᭄᭞ᬤ᭄ᬬᬲ᭄ᬢᬸᬫᭂᬦ᭄ᬢᬶᬓ᭄ᬢᬸᬯᬭᬮᬦᬸᬲ᭄᭞ᬓᬾᬦ᭄ᬢᭀᬤᬦᬾᬫ᭠
[᭔᭑41A]
ᬦᬶᬯᬓᬂ᭞ᬢᬢ᭄ᬯᬩᭂᬘᬶᬓ᭄᭞ᬢᭂᬓᬾᬦ᭄ᬩᭂᬮᬶᬢᬸᬦᬤᬲᬃ᭟᭑᭘᭟ᬯᬬᬦ᭄ᬘᬶᬢ᭄ᬢᬫᬵᬢᬹᬃᬦᬶᬫ᭄ᬩ᭠ᬮ᭄᭞ᬤ᭄ᬬᬲ᭄ᬢᬸᬲᬧᬸᬦᬶᬓᬵᬩᭂᬮᬶ᭞ᬢᬶᬢ᭄ᬬᬂᬓᭂᬤᭂᬄᬫᬧᬶᬦᬸᬦᬲ᭄᭞ᬦᬾᬯᬾᬦ᭄ᬢᭂᬦ᭄ᬫᬸᬗ᭄ᬕᬸᬄᬓᬳ᭄ᬬᬸᬦ᭄
᭞ᬳᬶᬲᬢ᭄ᬯᬫᬮᬶᬄᬫᬦᬶᬫ᭄ᬩᬮ᭄᭞ᬓᬾᬦᬾᬳᬤᬶ᭞ᬚᬮᬦ᭄ᬩᬋᬂᬚᬦᬶᬫ᭄ᬮᬚᬄ᭟᭑᭙᭟ᬢ᭄ᬯᬭᬩᭂᬮᬶᬫᬗᬸᬩ᭄ᬤᬬᬂ᭞ᬦᬾᬳᬤᬵᬤᬶᬳᬶᬤᭂᬧ᭄ᬩᭂᬮᬶ᭞ᬭᬾᬄᬦᬾᬫᬮᬸᬳᬤᬶᬲᬸᬩᬵ᭞ᬓᬩᬯᭀᬲ᭄ᬳᬦ᭄ᬢᬸᬓ᭄ᬳᬶᬕᬸ
ᬭᬸ᭞ᬳᭀᬮᬶᬄᬲᬢ᭄ᬯᬢᬸᬢᬹᬃᬫᭂᬮᬄ᭞ᬳᬦᬾᬚᬦᬶ᭞ᬓᬾᬯᬮᬳᬤᬵᬳᬫᬢ᭄ᬭ᭟᭒᭐᭟ᬳᬗ᭄ᬕᬧ᭄ᬩᭂᬮᬶᬫᬢᬶᬗᭂᬢᬂ᭞ᬦᬾᬲᬸᬩᬵᬳᬤᬭᬶᬂᬳᬤᬶ᭞ᬬᬦ᭄ᬢᬸᬯᬭᬫᬵᬦᬹᬢ᭄ᬤᬶᬫᬦᬄ᭞ᬲᬢ᭄ᬯᬦ᭄ᬩᭂᬮᬶᬦᬾᬧᬸ
ᬦᬶᬓᬸ᭞ᬳᬧᬂᬳᬤᬶᬗᬫ᭄ᬧᬹᬭᬬᬂ᭞ᬦᬄᬦᬾᬚᬦᬶ᭞ᬓᬯᬶᬢᬶᬦ᭄ᬩᭂᬮᬶᬫᬜᬢ᭄ᬯᬵ᭟᭒᭑᭟ᬫᬵᬦᬹᬢ᭄ᬲᭀᬚᬃᬰᬵᬲ᭄ᬢ᭄ᬭᬵᬕᬫ᭞ᬓᬮᬶᬄᬯᬭᬄᬕᬸᬭᬸᬦ᭄ᬳᬤᬶ᭞ᬦᬾᬦᬸᬫᬸᬗ᭄ᬕᬸᬄᬭᬶᬘᬶᬢ᭄ᬢᬵ᭞ᬫᬢ᭄ᬭᬵᬫ