Page:Bali-lontar-gaguritan-dukuh-suladri-04-350ppi.pdf/42

From Wikisource
Jump to navigation Jump to search
This page has been proofread.

[᭔᭑41B]
ᬬᭀᬦᬶᬦ᭄᭞ᬓᬾᬦ᭄ᬓᬾᬦ᭄ᬮᬗᬸ᭞ᬤᬤᬶᬲ᭄ᬫᬶᬂᬫᬓᬵᬤᬤ᭄ᬯᬵ᭟ᬲ᭄ᬩᭂᬗᬾᬫᬶᬭᬶᬩ᭄ᬫᬕᬤᬂ᭞ᬬᬦ᭄ᬩᬧᬵᬫᬃᬡ᭄ᬦᬵᬧ᭄ᬮᬶᬄ᭞ᬲᬶᬦᬄᬳᭂᬗ᭄ᬓᭂᬩᬩ᭄᭞ᬜᬾᬦ᭄ᬚᭂᬓᬮᬄᬬᬵᬫ᭄ᬗᬮᬶᬄ
᭞ᬳᭂᬦ᭄ᬢᭀᬧᭂᬧᭂᬲᬦ᭄ᬫᬕ᭄ᬤᬶᬕ᭄᭞ᬳᬶᬫᬸᬤᬶᬢ᭄ᬣᬵᬓ᭄ᬜᭂᬫ᭄ᬫᬲᬯᬸᬃ᭞ᬲᬸᬫ᭄ᬫᬵᬲᬭᬶᬗᬺᬋᬄᬢᬶᬢ᭄ᬬᬂ᭞ᬳᬶᬤᬸᬓᬸᬄᬓ᭄ᬥᬾᬓ᭄ᬜᬯᬸᬢᬶᬦ᭄᭞ᬬᬦ᭄ᬓᬭᬸᬭᬸᬄ᭞ᬲᬶᬦᬄᬘᬳᬶᬓ᭄ᬩᬓᬢ᭄ᬣᬵᬂ᭟ᬘᬳᬶ᭠
ᬫᬲᬶᬄᬓᬕ᭄ᬤᬶᬕᬦ᭄᭞ᬫᬸᬤᬶᬢ᭄ᬣᬵᬓ᭄ᬜᭂᬫ᭄ᬤᬶᬳᬢ᭄ᬣᬶ᭞ᬲᬸᬫ᭄ᬫᬵᬲᬭᬶᬓ᭄ᬜᭂᬫ᭄ᬦᭂᬫ᭄ᬩᬮ᭄᭞ᬩ᭠ᬧᬵᬗᬸᬤᬵᬢᬶᬤᭀᬂᬮᬶᬗ᭄ᬲᬶᬃ᭞ᬳᬶᬤᬸᬓᬸᬄᬓ᭄ᬥᬾᬓ᭄ᬫᬗᬶᬓ᭄ᬕᬶᬓ᭄᭞ᬬᭀᬮᬄᬩᬚᬵᬂᬩᬧᬵᬢᬳᬸ᭞
ᬩ᭄ᬯᬶᬦᬵᬚᬦᬶᬳᬤᬓ᭄ᬢᬸᬯ᭄ᬯᬵ᭞ᬬᬦ᭄ᬢᬸᬯᬵᬧ᭄ᬝᭂᬗᬾᬦᭂᬗ᭄ᬲᬶᬮ᭄᭞ᬧᬸᬍᬲ᭄ᬦᭂᬂᬓ᭄ᬮᬸᬓ᭄᭞ᬤᬶ᭠ᬢ᭄ᬭᬸᬦᬵᬩᬗᬸᬦ᭄ᬗᬬᬸᬡ᭄ᬦᬂ᭟ᬲᬸᬫ᭄ᬫᬵᬲᬭᬶᬘ᭄ᬧᭂᬢ᭄ᬦᬶᬫ᭄ᬩᬮ᭄᭞ᬇᬗ᭄ᬕᬶᬄᬢᬶᬢ᭄ᬬᬂᬲᬫ᭄ᬧᬸᬦ᭄ᬳᬸᬦᬶᬂ᭞ᬓᬤᬶ
[᭔᭒42A]
ᬧᬗᬦ᭄ᬤᬶᬓᬵᬦ᭄ᬩᬧᬵ᭞ᬗ᭄ᬕᬶᬄᬢᬶᬢ᭄ᬬᬂᬫᬶᬩᬶᬢᬶᬦ᭄᭞ᬳᬶᬤᬸᬓᬸᬄᬮᬾᬤᬂᬜᬯᬸᬢᬶᬦ᭄᭞ᬬᬦᬶᬂᬓᬾᬢᭀᬩᬧᬵᬘᬸᬫ᭄ᬧᬸ᭞ᬦᬄᬓ᭄ᬫᬵᬓᬾᬘ᭄ᬦᬶᬂᬳᬃ᭞ᬲᬓᬮᬶᬄᬲ᭄ᬫ᭄ᬫᬵᬫᬗᬶᬭᬶᬂ᭞ᬮ
ᬯᬸᬢ᭄ᬫᬗ᭄ᬮᬸᬗ᭄ᬲᬸᬃ᭞ᬢᬦ᭄ᬓᭀᬘᬧᭂᬦ᭄ᬭᬶᬂᬧᬲ᭄ᬭᬫᬦ᭄᭟᭜᭟ᬕᬶᬦᬤᬵ᭟᭜᭟ᬓᭀᬘᬧᭂᬦ᭄ᬳᬶᬕ᭄ᬤᬾᬓ᭄ᬤᬫ᭄ᬧᬮ᭄᭞ᬫᬳᬸᬫᬄᬤᬶᬓᬭᬂᬩᬸᬜ᭄ᬘᬶᬂ᭞ᬲᬸᬕᬶᬄᬓᬮᬶᬦ᭄ᬢᬂᬗ᭄ᬳᬶᬂᬯᬶᬃᬬ᭄ᬬᬵ᭞ᬗ᭄ᬮᬄ
ᬧ᭄ᬬᬦᬓ᭄ᬫ᭄ᬯᬦᬶᬳᬯᬸᬓᬸᬤ᭄᭞ᬫᬳᬤᬦ᭄ᬳᬶᬯᬬᬦ᭄ᬩᬸᬬᬃᬵ᭞ᬕᬶᬕᬶᬧᬸᬢᬶᬄ᭞ᬓᬸᬫᬶᬲ᭄ᬜᭂᬫ᭄ᬧᬂᬫᬝᬵᬮᬶᬂᬮᬵᬂ᭟ᬧᬯᬶᬢᬸᬫᬗ᭄ᬮᬄᬲᭀᬫᬄ᭞ᬧᬓ᭄ᬚᬂᬵᬢᭀᬂᬳᬤᬵᬩ᭄ᬘᬶᬓ᭄᭞ᬳ᭠
ᬲᬶᬂᬲᭀᬮᬳᬗᬵᬓᬯᭀᬦ᭄᭞ᬓᬢᬶᬕ᭄ᬢᬶᬕᬦ᭄‌ᬢ᭄ᬯᬶᬓᬢᬜ᭄ᬚᬸᬂ᭞ᬓᬢᬸᬡ᭄ᬥᬸᬂᬩ᭄ᬯᬶᬦ᭄ᬓᬲᬾᬧᬓ᭄᭞ᬢᬹᬃᬓ᭄ᬮᬮᬸᬗᬶᬦ᭄ᬓᬮᬢᭂᬗᬶᬦ᭄ᬫᬢᬩ᭄ᬬᬦᬶᬦ᭄᭟ᬢᭀᬂᬳᬤᬵᬕ᭄ᬦᭂᬧ᭄ᬳᬩᬸᬮᬦ᭄᭞ᬗ᭄ᬮ