[᭔᭐40B]
᭔᭐
ᬦᬦ᭄᭟ᬧᬸᬧᬸᬢ᭄ᬲᬫ᭄ᬧᬸᬦ᭄ᬓᬲᬶᬫ᭄ᬧᭂᬦᬂ᭞ᬫᬗ᭄ᬭᬭᬶᬲ᭄ᬗᬢᬸᬭᬂᬩᬓ᭄ᬢᬶ᭞ᬭᬶᬂᬳᬶᬤᬵᬲᬗ᭄ᬳ᭄ᬬᬂᬲᬸᬓ᭄ᬱ᭄ᬫᬵ᭞ᬯᬃᬡ᭄ᬦᬵᬦᬾᬫ᭄ᬮᬶᬮᬵᬂᬳ᭄ᬦᬶᬂ᭞ᬢ᭄ᬥᬸᬦ᭄ᬫᬲᬾᬄᬯᬲ᭄ᬢ᭄ᬭᬵᬕ᭄ᬮᬶᬲ᭄᭞ᬗᬬᬸᬦᬂᬘᬦᬂᬵ᭞ᬫᬮᬸᬗ᭄ᬕᬸᬄ᭞
ᬭᬭᬶᬲ᭄ᬳᬶᬤᬵᬫᬗᬦ᭄ᬤᬶᬓᬵ᭞ᬫᬸᬤᬶᬢ᭄ᬣᬵᬓ᭄ᬫᬵᬓᬾᬳᬮᬶᬄ᭞ᬩᬧᬵᬲ᭄ᬥᬸᬓ᭄᭞ᬦᬲᬶᬦᬾᬢᬸᬦ᭄ᬤᬾᬡ᭄ᬦᬂᬵᬗᬪᬵ᭟ᬫᬸᬤᬶᬢ᭄ᬣᬵᬫᭂᬧᬫᬶᬢ᭄ᬜᬸᬫ᭄ᬩᬄ᭞ᬓᬧᬯᭀᬦ᭄ᬫᬜᬕ᭄ᬚᬕ᭄ᬮᬶᬲ᭄᭞ᬗᬸᬤᬵᬳᬼ
ᬢ᭄ᬮᬫᬶᬧᬶᬲᬦ᭄᭞ᬦᬶᬲᬸᬫ᭄ᬫᬵᬲᬭᬶᬫᬦᭂᬗ᭄ᬓᬶᬓ᭄᭞ᬓᬲᬾᬧᬦ᭄ᬲᬚᬵᬳᬕᬶᬕᬶᬲ᭄᭞ᬳ᭄ᬤᬵᬲᬗᭂᬢ᭄ᬩᭂᬮᬶᬗᬸᬬᬸᬢ᭄᭞ᬫᬝᬵᬓ᭄ᬬᬧ᭄ᬫᬕᬤᬵᬂ᭞ᬫᬸᬤᬶᬢ᭄ᬣᬵᬓ᭄ᬜᭂᬫ᭄ᬜᬯᬸᬢᬶᬦ᭄᭞ᬩᬲ᭄ᬓᬤᬸᬭᬸ
ᬲ᭄᭞ᬮᬾᬗᬦᬾᬫᬓᭂᬮ᭄ᬫᬄ᭟ᬦᬄᬩ᭄ᬮᬶᬚᬦᬶᬦ᭄ᬤᬶᬓᬵᬬᬂᬵ᭞ᬚᬦᬶᬩ᭄ᬮᬶᬫᬗ᭄ᬯᬓᬶᬮᬶᬦ᭄᭞ᬳᬧᬂᬤᬤᬶᬬᬵᬳᬾᬗ᭄ᬕᬮᬦ᭄᭞ᬦᬶᬲᬸᬫ᭄ᬫᬵᬲᬭᬶᬜᬯᬸᬭᬶᬦ᭄᭞ᬳᭂᬦ᭄ᬢᭀᬘᭂᬘᭂᬧᬦᬾ
[᭔᭑41A]
ᬳᬶᬲᬶᬦᬶᬦ᭄᭞ᬫᬸᬤᬶᬢ᭄ᬣᬵᬫᬜ᭄ᬫᬓ᭄ᬳᬶᬚᬸ᭞ᬲᬸᬫ᭄ᬫᬵᬲᬭᬶᬧ᭄ᬥᬕᬶᬗᬶᬦ᭄᭞ᬰᬺᬕᭂᬧ᭄ᬲᬫ᭄ᬧᬸ᭠ᬦ᭄ᬯᬸᬲ᭄ᬩᬺᬰᬶᬄ᭞ᬲᬫᬶᬧᬸᬧᬸᬢ᭄᭞ᬦᬗ᭄ᬳᬶᬂᬳᬦ᭄ᬢᬸᬓ᭄ᬚᬗᬦ᭄ᬚᬗᬦ᭄᭟ᬲᬸᬫ᭄ᬫᬵᬲᬭᬶᬫ᭄ᬱᬾᬄᬧᬬᬲ᭄᭞
ᬦᬩ᭄ᬤᬩᬂᬵᬳᬦ᭄ᬢᭂᬗᬾᬧᬲ᭄ᬢᬶ᭞ᬭᬭᬶᬲ᭄ᬜᬸᬳᬸᬦ᭄ᬧ᭄ᬭᬗ᭄ᬓᬢᬦ᭄᭞ᬢᬗ᭄ᬓᭂᬧᬾᬜᬸᬤᬂᬳᬢ᭄ᬣᬶ᭞ᬳᬶᬫᬸᬤᬶᬢ᭄ᬣᬵᬫᬦᬸᬢᬸᬢᬶᬦ᭄᭞ᬫᬦᬫ᭄ᬧᭂᬘᭂᬘᭂᬧᬦ᭄ᬧᬗᬸᬲ᭄᭞ᬇᬤᬸᬓᬸᬄᬲᬸᬓᬵᬫ
ᬜᬶᬗᬓ᭄᭞ᬢᬶᬗ᭄ᬓᬄᬧ᭄ᬬᬦᬓᬾᬓᭂᬮᬶᬄ᭞ᬩᬦ᭄ᬲᭂᬧᬳᬸᬢ᭄᭞ᬬᬦ᭄ᬢᬶᬫ᭄ᬩᬂᬢ᭄ᬯᬭᬵᬳᭂᬜ᭄ᬘᬾᬢ᭄ᬣᬵ᭟ᬲᬂᬓᬮᬶᬄᬭᬭᬶᬲ᭄ᬦᭂᬲᭂᬓᬵᬂ᭞ᬗ᭄ᬚᬂᬧ᭄ᬭᬗ᭄ᬓᬢ᭄ᬢᬦᬾᬭᬭᬶᬲ᭄᭞ᬫᬸᬤᬶᬢ᭄ᬣᬵᬦᬫ᭄ᬧᬵ
ᬧ᭄ᬯᬚᬶᬓᬦ᭄᭞ᬘᭂᬘᭂᬧᬦ᭄ᬲᬫ᭄ᬧᬸᬦ᭄ᬓᬳᬫ᭄ᬩᬶᬮ᭄᭞ᬳᬶᬤᬸᬓᬸᬄᬫᬗᬸᬗ᭄ᬓᬩ᭄ᬯᬜ᭄ᬘᬶᬓ᭄᭞ᬫᬩᭀᬚᬦᬵᬫᬦ᭄ᬢ᭄ᬭᬲᬫ᭄ᬧᬸᬦ᭄᭞ᬲᬳᬸᬲᬦᬾᬗ᭄ᬭᬬᬸᬦᬂ᭞ᬮᬾᬤᬂᬓᬬᬸᬦᬾᬗᭀ᭠
Page:Bali-lontar-gaguritan-dukuh-suladri-04-350ppi.pdf/41
Jump to navigation
Jump to search
This page has been proofread.
