[᭒᭙29B]
ᬧ᭄ᬱ᭄ᬓᬃᬢᬹᬃᬫᬓᬶᬤᬸᬂ᭞ᬳᬶᬫᬸᬤᬶᬢ᭄ᬣᬵᬩ᭄ᬗᭀᬂᬫᭂᬩᬮᬶᬄ᭞ᬇᬲ᭄ᬢ᭄ᬭᬶᬳᬬᬸᬗᬬᬂᬳᬬᬂ᭞ᬓᬤᬶᬥ᭠ᬥᬭᬶᬢᬸᬫᬸᬭᬸᬦ᭄᭞ᬏᬮᬶᬂᬭᬶᬂᬲᬂᬭᬚᬵᬧᬮᬵ᭞ᬧᭀᬮᬶᬄᬲᭀᬫᬄ᭞ᬯᬶᬤ᭄ᬬᬥᬭᬶᬳᬬᬸᬮ᭄ᬯᬶᬄ᭞ᬤᬤ᭄ᬥᬶ
ᬓᬾᬢᭀᬧᬗ᭄ᬭᬲ᭄ᬜᬵ᭟ᬲᬬᬦ᭄ᬢᭂᬍᬩ᭄ᬳᭂᬜᭂᬓ᭄ᬢᬾᬫᬶᬂᬢ᭄ᬯᬶ᭞ᬮᬯᬸᬢ᭄ᬦᭂᬕᬓ᭄᭞ᬩ᭄ᬗᭀᬂᬫᬜᭂᬗᭀᬓᬦ᭄᭞ᬳᬦ᭄ᬢᬸᬓ᭄ᬢᭂᬫ᭄ᬩᬾᬦᬾᬦ᭄ᬧᬸᬓᬶᬦ᭄᭞ᬳᬦᬓ᭄ᬳᬶᬲ᭄ᬢ᭄ᬭᬶᬳᬬᬸᬦᬸᬮᬸᬲ᭄᭞ᬫᭂᬫᬦᬄᬧᬘᬂ
ᬓ᭄ᬮᭀᬓᬶᬦ᭄᭞ᬫᬗ᭄ᬭᬭᬶᬲ᭄ᬫᬘ᭄ᬓᭀᬳᬦ᭄᭞ᬦᬶᬲᬸᬫ᭄ᬫᬵᬲᬭᬶᬢᬗ᭄ᬓᭃᬚᬸᬢ᭄᭞ᬮᬯᬸᬢ᭄ᬫᬢᭀᬮ᭄ᬬᬦ᭄᭞ᬤᬤᬶᬗ᭄ᬦᬄ᭞ᬳᬦᬓ᭄ᬫ᭄ᬯᬦᬶᬦ᭄ᬕᬓ᭄ᬗᬶᬮᬶᬲ᭄᭞ᬩᬕᬸᬲ᭄ᬢᬸᬃᬗᬜᬸᬤᬂᬫᬦᬄ᭟ᬧᬫᬸᬮᬸᬦᬾᬜᬡ᭄ᬥᬵ
ᬢ᭄ᬮᬸᬫ᭄ᬮᬸᬫ᭄ᬕᬤᬶᬂ᭞ᬢᬸᬮ᭄ᬬᬳ᭄ᬫᬲ᭄᭞ᬳᬮᬶᬲ᭄ᬢᬚᭂᬧ᭄ᬫᬮ᭄ᬜᬤ᭄᭞ᬧᬮ᭄ᬬᬢᬾᬜᬸᬜᬸᬃᬫᬦᬶᬲ᭄᭞ᬲ᭄ᬩᭂᬗᬾᬳᬍᬧ᭄ᬧᬗᬸᬲ᭄᭞ᬢ᭄ᬯᬄᬜᬡ᭄ᬥᬵᬂᬲᬸᬗ᭄ᬲᬸᬂᬳᬬᬳᬶᬦ᭄᭞ᬧᬦ᭄ᬢᭂᬲ᭄ᬳᬗ᭄ᬕᭀᬦ᭄ᬤᬾᬯᬦ᭄ᬳᬸᬫᬄ᭞ᬫᬯ᭄ᬢᬸᬵ
[᭓᭐30A]
ᬫᬦᬳᬾᬇᬗᬸᬄ᭞ᬧᬮᬶᬂᬳᬗ᭄ᬓ᭄ᬬᬦᬾᬭᬸᬦ᭄ᬢᬕ᭄᭞ᬫᬗᬾᬗ᭄ᬕᬮᬵᬂ᭞ᬯᬸᬳᬸᬤ᭄ᬗᬩᬵᬦᬖ᭄ᬕᬵᬲᬭᬶ᭞ᬫᬸᬤᬶᬢ᭄ᬣᬵᬳᬮᬶᬦ᭄ᬳᬗᬸᬘᬧ᭄᭟ᬇᬗ᭄ᬕᬶᬄᬳᬫ᭄ᬧᬸᬭᬵᬢᬶᬢ᭄ᬬᬂᬦᬸᬦᬲᬂᬓᬶᬤᬶᬓ᭄᭞ᬬᬦᬶᬂᬯᬶ
ᬓᬦ᭄᭞ᬭᬶᬂᬤᬸᬓᬸᬄᬲ᭄ᬮᬤ᭄ᬭᬶᬬᬵ᭞ᬤᬶᬚᬵᬮᬶᬗ᭄ᬕᬶᬄᬳᬤᬦᬾᬳᬶᬭᬶᬓᬶᬦᬶ᭞ᬦᬶᬲᬸᬫ᭄ᬫᬵᬲᬭᬶᬫᭂᬲᬯᬸᬃ᭞ᬇᬗ᭄ᬕᬶᬄᬤ᭄ᬭᬶᬓᬸᬤᬸᬭᬸᬗᬶᬦ᭄᭞ᬗ᭄ᬕᬶᬄᬚ᭄ᬭᭀᬦᬾᬲᬓᬶᬂᬤᬶᬚᬵ᭞ᬫ᭄ᬭᬶᬓᬶᬭᬯᬸᬄᬓᬕᬸᬦᬸᬂ᭞ᬦᬧᬶᬚ᭄ᬯᬵ᭠
ᬯᬾᬦ᭄ᬢᭂᬦ᭄ᬩᬸᬯᬵᬢ᭄ᬣᬵᬂ᭞ᬳᬶᬫᬸᬤᬶᬢ᭄ᬣᬵ᭞ᬓᬤᬶᬍᬗᭂᬄᬓᬢᬓᭀᬦᬶᬦ᭄᭞ᬓᬳᭂᬫ᭄ᬩᬳᬦ᭄ᬫᬥᬸᬳᬢᬸᬓᬤ᭄᭟ᬇᬫᬸᬤᬶᬢ᭄ᬣᬵᬗᬗ᭄ᬲᭂᬳᬂᬫᬫᬸᬜᬶ᭞ᬩᬬᬸᬭᬸᬦ᭄ᬢᬕ᭄᭞ᬯᬾᬦ᭄ᬢᭂᬦ᭄ᬲᬭᬵᬢᬂ
ᬢᬶᬢ᭄ᬬᬂ᭞ᬓ᭄ᬭᬡᬵᬢᬶᬢ᭄ᬬᬂᬫ᭄ᬭᬶᬓᬶᬋᬓᬾ᭞ᬢᬶᬢ᭄ᬬᬂᬜᬤ᭄ᬬᬵᬦᬸᬫ᭄ᬩᬲ᭄ᬫᬤᬸ᭞ᬦᬾᬫᬦᬶᬲ᭄ᬗᬜᬸᬤᬂᬳᬢ᭄ᬣᬶ᭞ᬧᬘᬂᬳᬗ᭄ᬕᬾᬦ᭄ᬢᬶᬢ᭄ᬬᬂᬳᬸᬩᬤ᭄᭞ᬢᬶᬢ᭄ᬬᬂᬲᬓᬶᬢ᭄ᬓᭂᬩᬸᬲ᭄ᬧᬸᬭᬸᬄ᭞ᬲ᭄ᬯᬾᬘᬵᬗᬶᬘᬾᬦ᭄ᬳ᭠
Page:Bali-lontar-gaguritan-dukuh-suladri-04-350ppi.pdf/30
Jump to navigation
Jump to search
This page has been proofread.
