Page:Bali-lontar-gaguritan-dukuh-suladri-04-350ppi.pdf/3

From Wikisource
Jump to navigation Jump to search
This page has been proofread.

[᭒2B]
ᬩᬵᬲᬶᬤᬵᬫ᭄ᬫᬵᬩᬳᬦ᭄᭞ᬚᬯᬢ᭄ᬓᬾᬲᬓᬶᬂᬫᬮᬶᬂ᭞ᬢᬦ᭄ᬧᬗᬶᬢᬸᬂᬓᬤᬥ᭄ᬬᬦ᭄ᬜᬦᬾᬯ᭄ᬓᬲᬦ᭄᭟ᬤᬤ᭄ᬥᬶᬬᬸᬃᬢᭀᬂᬳᬤᬵᬅᬤᬢ᭄᭞ᬫᬾᬦᬓ᭄ᬱᬸᬤᬺᬱᬭᬸᬲᬫ᭄ᬫᬶ᭞ᬯᬮᬸ
ᬬᬵᬧᬵᬢᬸᬄᬲᬵᬚᬕ᭄ᬕᬢ᭄᭞ᬲᬶᬮᬤ᭄ᬭᬶᬬᭀᬲᭂᬓ᭄ᬢᬦ᭄ᬲᬶᬧᬶ᭞ᬫᬗᬺᬱᬵᬦ᭄ᬭᬓᬵᬓᬧᬗ᭄ᬕᬶᬄ᭞ᬢᬸᬫ᭄ᬩᬸᬄᬤᬶᬕᬸᬫ᭄ᬫᬶᬦᬾᬩᬶᬬᬸᬃ᭞ᬓᬥᬃᬫ᭄ᬫᬦᬾᬤᬤ᭄ᬥᬶᬇᬮᬵᬂ᭞ᬫᭀᬫᭀᬦᬾ
ᬢ᭄ᬓᭂᬫᬫᬹᬃᬢ᭄ᬣᬶ᭞ᬓᬤᬶᬗᬸᬗ᭄ᬕᬸᬮ᭄ᬳᬶᬲᬸᬕᬶᬄᬤ᭄ᬭᭀᬯᬓᬵᬫ᭄ᬦᬂ᭟ᬇᬲᬶᬮᬤ᭄ᬭᬶᬳᬮᭀᬦ᭄ᬳᬗᬸᬘᬳᭀ᭞ᬘᬳᬶᬓᬾᬃᬢ᭄ᬣᬶᬳᬤᬶᬦ᭄ᬩᭂᬮᬶ᭞ᬚᬦᬶᬩ᭄ᬮᬶᬧᬘᬂᬮ᭄ᬯᬲ᭄᭞ᬫᬗᬮᬳᬶᬦ᭄ᬘᬳᬶᬚ
ᬦᬶ᭞ᬩᭀᬬᬵᬩ᭄ᬮᬶᬲᬓᬶᬂᬮᬮᬶᬲ᭄᭞ᬫᬗᬮᬳᬶᬦ᭄ᬘᬳᬶᬓᬕᬸᬦ᭄ᬦᬸᬂ᭞ᬩ᭄ᬯᬢ᭄ᬫᭂᬮᬚᬳᬵᬗᬯᬓ᭄᭞ᬫᬗ᭄ᬤᬾᬲᬶᬤᬵᬩ᭄ᬮᬶᬳᬸᬡ᭄ᬦᬶᬂ᭞ᬢ᭄ᬓᬾᬦ᭄ᬧᬢᬸᬢ᭄ᬢᬶᬗ᭄ᬓᬳᬾᬦᬸᬫᬤ᭄ᬥᬶᬚᬤ᭄ᬫ᭟ᬦᬾ
[᭓3A]
ᬩ᭄ᬯᬢ᭄ᬣᬂᬵᬩ᭄ᬮᬶᬤᬶᬫᬦᬄ᭞ᬩᬦ᭄ᬢ᭄ᬭᭂᬲ᭄ᬦᬦ᭄ᬩᭂᬮᬶᬭᬶᬂᬳᬤ᭄ᬥᬶ᭞ᬳᬧᬂᬲᬶᬤᬵᬓ᭄ᬭᬳᬬ᭄ᬯᬦ᭄᭞ᬩ᭄ᬮᬶᬫᬜᬫ᭄ᬫᬵᬳᬤ᭄ᬥᬶ᭞ᬳᬧᬦ᭄ᬕᬸᬫᬶᬘᬭᬵᬚᬦᬶ᭞ᬧᬶᬲᬸᬦᬦᬾᬧᬤᬵᬗᬸᬢ᭄ᬕᬸᬢ᭄᭞ᬮ᭄ᬬᬸᬢᬸᬗ᭄ᬓᬲ᭄ᬭᬶᬂᬭᬵᬭ
ᬫ᭄ᬫᬵ᭞ᬫ᭄ᬜᬫᬵᬧᬸᬲᬸᬄᬲ᭄ᬗᬶᬢ᭄᭞ᬧᬤᬵᬗᬸᬕᬸᬢ᭄ᬯᬭᬵᬜᬓ᭄ᬧᬘᬂᬓᬲᭀᬭᬦ᭄᭟ᬩ᭄ᬮᬶᬩ᭄ᬮᭀᬕ᭄ᬢᬓᬸᬢ᭄ᬧᬶᬲᬦ᭄᭞ᬧᬘᬂᬳᬶᬬᭂᬕ᭄ᬳᬚᬓ᭄ᬳᬤ᭄ᬥᬶ᭞ᬳᬯᬦᬦ᭄ᬩᭂᬮᬶᬫᬗᬮᬄ᭞ᬦᬗᬶᬂᬩ᭄ᬮᬶ
ᬲᬓᬶᬂᬳᬰᬶᬄ᭞ᬳ᭄ᬤᬵᬅᬤᬶᬲᬮᬄᬢᬫ᭄ᬧᬶ᭞ᬫᬗᬤᬾᬦ᭄ᬩᭂᬮᬶᬫᬗᬫ᭄ᬩᬸᬮ᭄᭞ᬲᬢᬶᬗ᭄ᬓᬄᬩ᭄ᬮᬶᬦᬾᬮ᭄ᬯᬲ᭄᭞ᬫᬗᬸᬗ᭄ᬲᬶᬓᬕᬸᬦᬸᬂ᭞ᬳᭂᬦ᭄ᬢᭀᬓᬲᬸᬩ᭄ᬧᬲ᭄ᬭᬫᬦ᭄‌ᬫ᭄ᬧᬸᬤᬶ
ᬩ᭄ᬬᬭᬚᬵ᭟ᬳᬶᬤᬵᬓᬮᭀᬓᬭᬶᬂᬚᬕᬢ᭄᭞ᬧ᭄ᬭᬚ᭄ᬜᬦ᭄ᬢᭀᬂᬳᬤᬵᬦᬡ᭄ᬥᬶᬗᬶᬦ᭄᭞ᬥᬃᬫ᭄ᬫᬵᬧᬸᬢᬸᬲ᭄ᬭᬶᬂᬓᬯᬶᬓ᭄ᬯᬦ᭄᭞ᬲᬶᬤᬶᬯᬓ᭄ᬬᬧ᭄ᬕᬢ᭄ᬭᬶᬂᬇᬚᬶ᭞ᬳᭀᬮᬲ᭄ᬭᬶᬂᬯᭀᬂᬓᬰ᭄ᬬ