Page:Bali-lontar-gaguritan-dukuh-suladri-04-350ppi.pdf/28

From Wikisource
Jump to navigation Jump to search
This page has been proofread.

[᭒᭗27B]
᭒᭗
ᬇᬗ᭄ᬕᬶᬄᬩ᭄ᬮᬶᬯᬬᬦ᭄ᬫᬸᬤᬶᬢ᭄ᬣᬵ᭞ᬢᭀᬧᬫᬶᬦᭂᬄᬳᬦᬓ᭄ᬧᬢᬸᬢ᭄᭞ᬬᬦᬶᬂᬩ᭄ᬮᬶᬧᬘᬂᬮ᭄ᬯᬲ᭄᭞ᬫᬦᬶᬗ᭄ᬕᬮᬶᬦ᭄᭞ᬓᬬᬸᬦ᭄ᬳᬦᬓᬾᬓᬢᬺᬲ᭄ᬦᬵᬦ᭄᭟ᬲᬸᬚᬢᬶᬫᬳᬦ᭄ᬳᬸᬧᭂᬢ᭄ᬣᬦ᭄᭞ᬳᬶᬦ᭄ᬤᬬᬂᬩ᭄ᬮᬶ
ᬫᭂᬦᭂᬳᬶᬦ᭄᭞ᬦᬾᬢ᭄ᬯᬭᬵᬫᬲᬳᬸᬢ᭄ᬳᬮᭀᬦ᭄᭞ᬜᬳᬶᬳ᭄ᬮᬸᬄᬓᬾᬢᭀᬢᬦ᭄ᬧᬢᬸᬢ᭄᭞ᬦᬸᬮᬓ᭄ᬧᬩᭂᬲᭂᬦᬻᬭᬫ᭄ᬫᬵ᭞ᬓᬾᬦᬾᬚᬦᬶ᭞ᬫᬰᬶᬄᬓᬾᬧᬤᬵᬢᬸᬭᬸᬢ᭄ᬯᬂᬵ᭞ᬢᬶᬗ᭄ᬓᬳᬾᬦᬸᬫᬤᬶ
ᬧ᭄ᬬᬦᬓ᭄᭞ᬢᬸᬤᬸᬄᬭᬵᬭᬫᬦᬾᬳᬶᬭᬶᬂ᭞ᬬᬦᬶᬂᬳᬤᬵᬳᬦᬓ᭄ᬢ᭄ᬭᭂᬲ᭄ᬡᬵᬚ᭄ᬯᬵᬳᬗ᭄ᬕᭀᬦ᭄ᬫᬦᬯᬸᬃ᭞ᬳᬶᬫᬸᬤᬶᬢ᭄ᬣᬵᬭᬭᬶᬲ᭄ᬮᬸᬯᬲ᭄᭞ᬫᬜᬮᬦᬶᬦ᭄᭞ᬓᬤᬶᬧᬩ᭄ᬱᭂᬦᬺᬫᬦ᭄ᬜᭃ᭟ᬦᬗ᭄ᬳᬶᬂᬳ᭄ᬤ
ᬫᬗᭂᬗ᭄ᬱᬧᬂ᭞ᬢᬺᬲ᭄ᬡᬵᬦ᭄ᬤᬦᬾᬫᬓᭂᬲᬫ᭄ᬫᬶ᭞ᬳᬗ᭄ᬳᬶᬂᬳᬶᬤᬵᬮᬸᬯ᭄ᬯᬲ᭄ᬫᬓ᭄ᬮᭀ᭞ᬫᬓᬵᬤᬤ᭄ᬯᬵ᭠ᬜᬡ᭄ᬥᬵᬂᬢᬸᬭᬸᬢ᭄᭞ᬢᬺᬲ᭄ᬦᬵᬩᬓ᭄ᬢᬶᬧᬤᬵᬩᬓᬢ᭄᭞ᬳᭂᬦ᭄ᬢᭀᬮ᭄ᬯᬶᬄ᭞ᬦᬾᬧ᭄ᬭᬶᬳᬵᬂᬤᬤ᭄ᬥᬶᬚᬤ᭄ᬫᬵ᭟᭠
[᭒᭘28A]
ᬫᬸᬤᬶᬢ᭄ᬣᬵᬧᬹᬲᭂᬧ᭄ᬦᬶᬗᭂᬳᬵᬂ᭞ᬢᬸᬫᬸᬮᬶᬫᬳᬢᬸᬃᬭᬭᬶᬲ᭄᭞ᬚᬢ᭄ᬣᬶᬢᬶᬢ᭄ᬬᬂᬲᬫ᭄ᬧᬸᬦᬶᬓᬵ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬓᬕᬸᬦᬸᬂ᭞ᬦᬸᬤ᭄ᬢᬸᬤᬵᬂᬭᬶᬂᬯ᭄ᬯᬦ᭄ᬢᬶᬢ᭄ᬬᬂ᭞ᬫᬗ᭄ᬤᬾᬦ᭄ᬳᬸᬦᬶᬂᬤᬦᬾᬓᬢᬶᬗ᭄ᬕᬮᬦ᭄ᬜᬵᬫᬵ᭞
᭞ᬱᬲ᭄ᬯᬾᬦ᭄ᬳᬶᬧᬸᬦ᭄ᬳᬩᬸᬮᬦ᭄᭞ᬢᬶᬢ᭄ᬬᬂᬢᬸᬮᬓ᭄ᬭᬯᬸᬄᬫᬮᬶᬄ᭞ᬳᬲᬶᬂᬦᬶᬗᭂᬄᬧᬤᬵᬮ᭄ᬢᭃ᭞ᬲᬦ᭄ᬢᬸᬓᬦ᭄ᬗᭀᬭᬳᬂᬫᬦ᭄ᬢᬸᬓ᭄᭞ᬩ᭄ᬯᬢ᭄ᬩᭂᬓᭂᬮ᭄ᬜᬦᬾᬮ᭄ᬯᬲ᭄᭞ᬓᬭᬸᬭᬸᬦᬶ᭞ᬲᬗᬸᬫ᭄ᬯᬄᬧ᭄ᬱᬾᬄᬳᬜᬃᬵ᭟
᭟᭜᭟ᬧᬸᬄᬤᬂᬤᬂ᭟᭜᭟ᬢᬦ᭄ᬓᭀᬘᬧᭂᬦ᭄ᬳᬶᬯᭀᬂᬤᬾᬱᬵᬲᬫ᭄ᬫᬶ᭞ᬘᬭᬶᬢᬬᬂᬵ᭞ᬇᬫᬸᬤᬶᬢ᭄ᬣᬵᬮ᭄ᬯᬲ᭄᭞ᬧᬤᬶᬥ᭄ᬬᬦ᭄ᬢ᭄ᬯᬭᬵᬯ᭄ᬤᬶᬦᬾ᭞ᬢᬸᬳᬸᬦ᭄ᬭᬾᬚᬾᬂᬚᬸᬭᬂᬧᬗ᭄ᬓᬸᬂᬵ᭞ᬳᬮᬲ᭄ᬯᬬᬄᬫ᭄ᬥᬸᬃ
ᬕᬫ᭄ᬫᬵᬲᬫ᭄ᬫᬶ᭞ᬫᬲᬶᬓᭂᬧ᭄ᬩᬸᬗ᭄ᬓᬸᬂᬵᬉᬢᬫ᭄ᬫᬵ᭞ᬫᬲᭀᬘᬵᬚᬕᬵᬲᬢ᭄ᬭᬸ᭞ᬧᬦᬸᬮᬓ᭄ᬲᬃᬯ᭄ᬯᬵᬫ᭄ᬭᬡ᭄ᬦᬵ᭞ᬓ᭄ᬭᬦᬵᬮ᭄ᬯᬲ᭄᭞ᬬᬵᬤᬶᬢ᭄ᬗᬄᬳᬮᬲᬾᬜᬶᬮᬶᬩ᭄᭞ᬓᬮᬸᬦ᭄ᬢᬵᬮᬸᬦ᭄ᬢᬵᬫᬶᬤᭂᬭᬦ᭄