Page:Bali-lontar-gaguritan-dukuh-suladri-04-350ppi.pdf/25

From Wikisource
Jump to navigation Jump to search
This page has been proofread.

[᭒᭓24B]
᭒᭔
ᬡᬵᬳᬬᬸᬓ᭄ᬩᬓᬢ᭄ᬣᬂᬵ᭞ᬓᬬᬂᬚᬦᬶᬳᬬᬸᬓᬳᬸᬘᬧ᭄ᬱᬂᬥᬃᬫ᭄ᬫᬵ᭟ᬓᬾᬢᭀᬩᬦ᭄ᬩᬧᬵᬗᬶᬫ᭄ᬩᬵᬂᬗᬂᬵ᭞ᬮᬘᬸᬃᬘᬳᬶᬦᬾᬢ᭄ᬯᬶᬚᬡ᭄ᬦᬶ᭞ᬤ᭄ᬬᬧᬸᬦ᭄ᬱᬗᭂᬢᬂᬲ᭄ᬤᬶᬳᬵᬂ᭞ᬫᬰᬶᬄᬢ᭄ᬯᬭᬤ
ᬤ᭄ᬥᬶᬳᬶᬥᬸᬧ᭄᭞ᬫᬶᬗ᭄ᬓᬶᬦ᭄ᬗᬯᬾᬓ᭄ᬦᭂᬄᬩᬸᬬᬃᬵ᭞ᬳᬶᬗᬸᬄᬧᬮᬶᬂ᭞ᬧᬢᬸᬢ᭄ᬳᬶᬤᭂᬧᬾᬬᬵᬳᬶᬮᬂᬵ᭞ᬢᬶᬗ᭄ᬓᬵᬄᬏᬦᬸᬫᬤᬶᬚᬤ᭄ᬫᬵ᭞ᬥᬃᬫ᭄ᬫᬵᬧᬢᬸᬢ᭄ᬝᬾᬳᬸᬮᬢ᭄ᬣᬶ᭞ᬬᬤᬶᬦ᭄ᬢᬶᬯᬲ᭄ᬢᬦ᭄ᬧᬩ᭄ᬭᬬᬵ᭞ᬳ᭄ᬤ
᭞ᬘᬳᬶᬫ᭄ᬬᬢ᭄ᬫᬶᬬᬸᬓ᭄᭞ᬥᬃᬫ᭄ᬫᬵᬧᬢᬸᬢᬾᬫᬗ᭄ᬕᭂᬳᬵᬂ᭞ᬯ᭄ᬓᬲ᭄ᬫᬗ᭄ᬕᬶᬄᬧ᭄ᬕᬯᬾᬦᬾᬤᬤ᭄ᬥᬶᬚᬤ᭄ᬫᬵ᭟ᬢᬶᬗ᭄ᬓᬄᬏᬫ᭄ᬦᬤ᭄ᬥᬶᬧ᭄ᬬᬦᬓ᭄᭞ᬧᬸᬢᬺᬲᭂᬱᬡ᭄ᬦᬵᬦᬾᬕᬶᬲᬶ᭞ᬤᬵᬫᬋᬦ᭄ᬗᬾᬃᬢ᭄ᬬᬂᬓᬯᬶ
ᬢ᭄ᬣᬵᬦ᭄᭞ᬫᬓ᭄ᬭᬡᬵᬳᬯᬓᬾᬳᬶᬤᬸᬧ᭄᭞ᬢᭀᬂᬳᬶᬗ᭄ᬕᬲ᭄ᬫᬬᬄᬩᬦ᭄ᬳᭂᬫ᭄ᬫᬲ᭄᭞ᬩᬸᬓᬵᬘᬳᬶ᭞ᬳᬲ᭄ᬝᬶᬢᬶᬦᬾᬳᬗ᭄ᬕᭀᬦ᭄ᬫᬬᬵᬄ᭟ᬲᬶᬦᬄᬭᬳᬬᬸᬦᬾᬩᬓᬢ᭄᭞ᬬᬦ᭄ᬱᬸᬩᬵᬧᬕᭂᬄ
[᭒᭕25A]
ᬳᬲ᭄ᬝᬶᬢ᭄ᬣᬶ᭞ᬭᬾᬄᬚᬦᬶᬳᬤᬵᬤᬯᬸᬳᬦ᭄᭞ᬢᬦ᭄ᬓᬶᬘᬾᬦ᭄ᬫᬩᬾᬬᬵᬧᬸᬳᬸᬦ᭄᭞ᬯᬶᬭᬾᬄᬕᬸᬫ᭄ᬫᬶᬓᬕ᭄ᬭᬶᬗᬦ᭄᭞ᬢ᭄ᬓᬵᬳᬸᬭᬸᬕᬶᬦ᭄ᬢᭂᬢᭂᬧᬂᬩ᭄ᬓᭂᬮᬶᬦ᭄ᬤᭂᬦ᭄ᬢᬲ᭄᭟ᬓᬾᬢᭀᬲᬸᬩᬵᬘᬳᬶᬚ᭠
ᬮᬦᬵᬂ᭞ᬳ᭄ᬤᬲᬗᭂᬢ᭄ᬘᬳᬶᬲ᭄ᬤᬶᬄ᭞ᬫᬸᬤᬶᬢ᭄ᬝᬵᬋᬲᭂᬧ᭄ᬗᬶᬭᬶᬗᬵᬂ᭞ᬳᬶᬤᬵᬧ᭄ᬥᬡ᭄ᬥᬵᬭᬭᬶᬲ᭄ᬫᬦ᭄ᬢᬸᬓ᭄᭞ᬳᬶᬫᬸᬤᬶᬢ᭄ᬣᬵᬦᬸᬦᬲ᭄ᬳᬶᬘᬵ᭞ᬤᬦᬾᬕᬸᬲ᭄ᬝᬶᬢᬶᬢ᭄ᬬᬂᬦᬸᬦᬲ᭄ᬳᬸᬧᬵᬓᬭᬵ᭟ᬩᬜ᭄ᬚᬭᬾᬭᬭᬶᬲ᭄ᬗᬭᬾ
ᬤᬕ᭄᭞ᬮᬾᬦ᭄ᬳᬤᬵᬫᬦᭂᬓ᭄ᬢᭂᬓ᭄ᬢᬶᬳᬶᬂ᭞ᬮᬯᬸᬢ᭄ᬦᬵᬜ᭄ᬘᭂᬩ᭄ᬧᬦᬸᬲᬗᬦ᭄᭞ᬩ᭄ᬤᬾᬕ᭄ᬮᬦ᭄ᬢᬾᬢᬸ᭠ᬫ᭄ᬧᬵᬂᬲᬮᬸ᭞ᬮᬾᬦ᭄ᬳᬤᬵᬫᬜᬸᬳᬸᬦ᭄ᬢᬶᬃᬢ᭄ᬣᬵ᭞ᬯᬸᬲ᭄ᬩᬺᬰᬶᬄ᭞ᬲᬧᬸᬦ᭄ᬧᬸᬧᬸᬢ᭄ᬳᬸᬧᬵᬓᬭ᭟ᬲᬳᬸᬲᬦᬾ
ᬓᬧᬺᬢᬾᬓ᭞ᬲᬺᬕᭂᬧ᭄ᬲᬫ᭄ᬧᬸᬦ᭄ᬓᬩᬵᬓ᭄ᬮᬶᬦ᭄᭞ᬭᬭᬶᬲ᭄ᬦᬩ᭄ᬥᬩᬂᬢᬢᬸᬓᭀᬦ᭄᭞ᬩᬂᬩᬂᬜᬦᬾᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬲᬫ᭄ᬧᬸᬦ᭄ᬓᬢᬶᬯᬓ᭄ᬧᬗᭂᬦ᭄ᬢᬲ᭄᭞ᬳᬦ᭄ᬢᬸᬓ᭄ᬱᬂᬋᬰᬶ᭞ᬓ᭄ᬢᬦᭂᬫ᭄ᬥᬥ᭄ᬬᬂᬳᬩᬂᬪᬂ᭠