[᭒᭓23B]
᭒᭓
ᬤᬶᬢ᭄ᬣᬵᬜ᭄ᬫᬓ᭄ᬧᬲᬾᬳᬦ᭄᭞ᬲᬸᬢᬺᬧᬸᬢᬶᬄᬧᬘᬂᬭᬸᬭᬸᬩ᭄᭞ᬲᬯᬦᬾᬬᬵᬓᬩᬋᬗᬂᬵ᭞ᬮᬸᬄᬫ᭄ᬯᬦᬶ᭞ᬢᬸᬮ᭄ᬬᬫᬭᬵᬧ᭄ᬗᬦ᭄ᬢᬾᬡ᭄ᬦᬦ᭄᭟ᬳᬶᬫᬸᬤᬶᬢᬵᬫ᭄ᬗᬢᭀᬡ᭄ᬦᬂᬵ᭞ᬲ᭄ᬥᬶᬄᬦᬸᬮ
ᬫᬾᬲᬂᬓᬮᬶᬄ᭞ᬫᬾᬫᬾᬩᬧᬵᬫᬓᭂᬤᬤ᭄ᬯᬵ᭞ᬢᬺᬲ᭄ᬦᬦᬾᬫᬭᬩᬶᬦᬸᬮᬸᬲ᭄᭞ᬢ᭄ᬯᬭᬵᬤᬤ᭄ᬥᬶᬧᬘᬂᬩ᭄ᬮᬲ᭄᭞ᬲᬋᬂᬓᬮᬶᬄ᭞ᬳ᭄ᬮᬲ᭄ᬢ᭄ᬯᬭᬵᬗᬗᭂᬦ᭄ᬧ᭄ᬬᬦᬓ᭄᭟ᬬᬢ᭄ᬣᬵᬓᬾᬳᬦᬓ᭄ᬩ
ᬦᬾᬳᬦ᭄᭞ᬚᭀᬄᬧᬘᬂᬲ᭄ᬳᭂᬫᬦᭀᬮᬶᬄ᭞ᬫᬤᬍᬫ᭄ᬢᬶᬢ᭄ᬬᬂᬳᬶᬩ᭄ᬮᭀᬕ᭄᭞ᬫᭀᬫᭀᬳᬗ᭄ᬓᬭᬵᬢᬸᬃᬲᬶᬕᬸᬕ᭄᭞ᬢ᭄ᬯᬭᬵᬫᬗ᭄ᬮᬄᬕᬕᬸᬦᬦ᭄᭞ᬮᬸᬤᬶᬦ᭄ᬫᬶᬲ᭄ᬓᬶᬦ᭄᭞ᬦᬧᬶᬳᬦᬓᬾ
ᬢᬸᬮᬶᬳᬵ᭟ᬳᬲᬶᬂᬦᬶᬗᭂᬄᬧᬤᬵᬳᭀᬮᬲ᭄᭞ᬤᬤᬶᬬᬵᬫᬶᬮᬸᬦᬗ᭄ᬮᬶᬂ᭞ᬲᬕᬾᬢ᭄ᬭᬯᬸᬄᬧ᭄ᬭᬡ᭄ᬥᬵᬩᬸᬤᬵ᭞ᬩᬜ᭄ᬚᬭᬾᬫᬩ᭄ᬭᬶᬬᬸᬓ᭄ᬢᬸᬳᬸᬦ᭄᭞ᬳᬶᬫᬸᬤᬶᬢ᭄ᬣᬵᬢᬸᬳᬸᬦ᭄ᬫᬜᬕ᭄ᬚᬕ᭄᭞ᬢᬸᬃᬫ
[᭒᭓24A]
ᬩᬓ᭄ᬢᬶ᭞ᬭᬭᬶᬲ᭄ᬫᬢᬸᬃᬬᬵᬫᬗᬲᬩ᭄᭟ᬲ᭄ᬯᬾᬘᬵᬭᬢᬸᬲᬱᬸᬳᬸᬦᬦ᭄᭞ᬫ᭄ᬗᬓ᭄ᬱᬶᬧᬜ᭄ᬚᬓᬾᬲ᭄ᬥᬶᬄ᭞ᬧᬧᬵᬦ᭄ᬭᬓᬵᬮᬶᬦ᭄ᬢᬂᬓᬯᭀᬦ᭄᭞ᬓᬢᬶᬗ᭄ᬕᬮᬶᬦ᭄ᬢᬶᬢ᭄ᬬᬂᬳᬸᬩᬸᬄ᭞ᬫ᭄ᬦᬯᬶᬧᬶᬢᬺᬓᬲᬲᬃ᭞
ᬫᬦᬸᬫᬤ᭄ᬥᬶ᭞ᬭᬶᬂᬢᬶᬢ᭄ᬬᬂᬮᬶᬦ᭄ᬢᬂᬦ᭄ᬭᬓᬵ᭟ᬧ᭄ᬥᬡ᭄ᬥᬵᬳᬮᬸᬲ᭄ᬗᬡ᭄ᬥᬶᬓᬵ᭞ᬫᬸᬤᬶᬢ᭄ᬣᬵᬤᭂᬲ᭠ᬗᭂᬢ᭄ᬱ᭄ᬥᬶᬄ᭞ᬳᬧᬦ᭄ᬧᬦᬶᬢᬳᬶᬂᬬ᭄ᬬᬂ᭞ᬫᬰᬶᬄᬧᬓᬾᬃᬢ᭄ᬢᬶᬦᬾᬫᬮᬸ᭞ᬓ᭄ᬭᬡ᭄ᬦᬵᬚᬦᬶᬬᬵᬢᬫᬬᬵᬂ᭞
ᬕᬯᬾᬚᬦᬶ᭞ᬭᬶᬯ᭄ᬓᬲ᭄ᬩᬸᬯᬶᬦ᭄ᬢᬫ᭄ᬬᬂᬵ᭞ᬤᬶᬚᬵᬳᬮᬶᬄᬫ᭄ᬮᬳᬾᬳᭀᬜᬂ᭞ᬓᬮᬶᬂᬓᬾᬬᬵᬩᬸᬓᬵᬘᬳᬶ᭞ᬳᬶᬤᬵᬲᬂᬧᬜ᭄ᬘᬧᬡ᭄ᬥᬵᬯ᭄ᬯᬵ᭞ᬲ᭄ᬓᬮᬵᬤᬾᬯᬵᬫᬦᬸᬭᬸᬦ᭄᭞ᬫᬭᬕᬵᬳᬸᬭᬶᬧᬶᬂᬚ
ᬕᬢ᭄᭟ᬫᬲᬶᬄᬲ᭄ᬥᬶᬄ᭞ᬲᬓᬾᬂᬳᬮᬶᬢ᭄ᬓᬦ᭄ᬭᬓᬦ᭄᭟ᬫᬗᬸᬫ᭄ᬩᬵᬂᬫᬶᬤᭂᬳᬶᬤᭂᬳᬦ᭄᭞ᬗᬕᬾᬡ᭄ᬥᭀᬂᬫᬗᬶᬤᬶᬳᬶᬤᬶᬄ᭞ᬦᬗᬶᬂᬓᬬᬸᬦᬾᬢᬦ᭄ᬮᬶᬜᭀᬓ᭄᭞ᬫᬫ᭄ᬭᬶᬳᬂᬥᬃᬫ᭄ᬫᬵᬦᬾᬧᬢᬸᬢ᭄᭞ᬓ᭄ᬭ
Page:Bali-lontar-gaguritan-dukuh-suladri-04-350ppi.pdf/24
Jump to navigation
Jump to search
This page has been proofread.
